Kopshti "Mirash Ivanaj" 2015

Kopshti "Mirash Ivanaj" 2015 Zoti IVANAJ ishte i pari minister shqiptar qe hodhi idene e kopshtit si nevoje dhe institucion dhe filloi organizimin e tij.

Kopshti bazohet ne principin e barazise dhe te pergjegjesise e respektit per njeriun ndaj njeriut. Femija eshte njeri dhe qe te rritet ka nevoje per mbeshtetje dhe modele. Ai (femija) cdo gje do ta beje vete. I rrituri ,si mbeshtetje dhe model, e ndihmon te shfrutezoj kohen e duhur. Ne moshen 0-5 vjec ndertohen pikerisht mekanizmat per te perdorur ate qe di, pra keto mekanizmi ndertohen para se femija te dije.

02/10/2026

Nje nga fjalet e para, qe degjon dhe meson femija, eshte edhe folja “ben”. Femija e degjon kete fjale vazhdimisht nga nena, duke filluar qe ne ditet e para te jetes se tij. Nena sa here qe konstaton se femija I saj ka kryer aktin e jashtqitjes, perdor fjalen dhe foljen “beri”. Keshtu fwmija sa lind e deri sa fiton kontrollin sfinkterial e degjon disa fere ne dite kete fjale, qe tregon se ai ka “bere” jashtqitjen. Prinder mos u cuditni, kur femija juaj reth moshes 3-4 vjec, thote fjalet e “pista”, apo fjalet, qe jane te lidhura me te “berin fiziologjik”. Ai i ka te regjistruara ne memorje keto fjale te lidhura me foljen “bej”. Pikerisht ne kete faze, reagimi dhe sjellja e te rriturit eshte vendimtare, femija perpiqet te beje e te sillet si I rrituri, pasi ai i di te gjitha, dhe femija do te jete dhe te beje si I rrituri. Femija nepermjet sjelljes dhe qendrimit te te rriturit kupton dhe meson njerezoren dhe ne vecanti rendesine e fjales dhe foljes “bej”. Eshte I rrituri qe e ndihmon me durim te perzgjedhe e te kuptoje fjalet dhe diferencen, qe ato bejne. Ai i meson femijes se njeriu njihet nga fyryra dhe fjalet dhe jo nga pjese te trupit. I meson se, qe te jesh I zoti sic dhe deshiron duhet pak durim per te gjetur fjalen e duhur. Dhe “rrugetimi” per te mesuar e zhvilluar njerezoren fillon me nxitjen e perdorimit te dores. Kur ushqehet te perdore mjetet e te ngrenit, po ashtu, te perdore doren dhe mjete per te vizatuar ate, qe mendon ose pelqen. I rrituri I tregon cdo dite sa I zoti eshte bere, pikerisht sa mire I perdor keto mjete, pra po fillon te “beje” edhe ai, si te rriturit, gjera me doren dhe mendjen e tij. Femija, eshte e vertete, qe I meson gjerat shume shpejt, por per ti perdorur duhet nje kohe e gjate. Ai, femija, cdo dite perpiqet ti perdore gjerat, qe ka degjuar e mesuar, por duhet kohe qe te ndertoje mekanizmat, qe e ndihmojne, ti lidhe gjerat dhe ti vendose e perdore ne vendin e kohen e duhur. Duhet mbeshtetja dhe perseritja e vazhdueshme e te riturit qe femija tja dale t’i bej te tijat keto sjellje e koncepte. Lira Gjika

Ngjyrosim frutat me bojëra 🌈🎨🌈🎨🌈🎨
02/10/2026

Ngjyrosim frutat me bojëra 🌈🎨🌈🎨🌈🎨

01/10/2026

Kur një fëmijë, në veçanti fëmija që sapo ka filluar klasën e parë, bën një vizatim apo detyrë dhe papritur e shkaravit, prindi apo mësuesi, duhet të ndërhyjë me qetësi dhe ta ndalojë. Ata duhet ti shpjegojnë se ajo që ai ka vizatuar apo realizuar është punë dhe nuk duhet prishur. Nuk duhet prishur, sepse tregon se sa shumë është rritur. Disa dit më parë nuk e bënte dot, ndërsa tani arrin ta realizojë edhe pse ende ashtu siç dëshiron. Fëmija di një gjë me siguri, që nuk është i zoti ti bëjë gjërat siç i bën i rrituri. Kjo gjë e trishton dhe e bën të ndihet i pazoti. Kundër kësaj ndjesie, i rrituri, sidomos profesionisti, duhet të ndërhyjë me takt dhe inkurajim që fëmija të mund të ndërtojë besimin te vetja. I rrituri mund ti tregojë eksperiencën e tij, pasi edhe ai ka kaluar nga kjo rrugë. Ky tregim e inkurajon fëmijën dhe e bën më të sigurt në rrugën e vështirë, por edhe shumë të dëshirruar të rritjes dhe të bërrit i zoti i vetes. Të realizosh me anë të dorës atë që mendon apo fantazon, është ëndra më e madhe e një fëmije dhe i rrituri pranë tij e ka për detyrë ta ndihmojë fëmijën të pëlqejë e pranojë punën e vet dhe jo ta etiketojë apo e t’i bërtasë, siç ndodh rëndom. Lira Gjika

30/09/2026

Shpesh në biseda të ndryshme, burrash dhe grash, dëgjohet të flitet për nëna të ashpra, edukatore e zysha, që kërcënojnë apo keqtrajtojnë fëmijët, po edhe mësues. Edhe ata fyejnë kërcënojnë madje vijnë edhe era alkol. Pra të dyja gjinitë e trajtojnë të parriturin sipas ngarkesës së tyre emocionale, nëpërmjet padurimit dhe dhunës. Si në familje edhe në shkollë e kërkojmë të keqen apo përgjegjsinë te fëmija dhe jo te I rrituri. Kur jemi të vegjël duhet të jemi të përgjegjshëm ndërsa kur të rritemi duhet të jemi të paduruar me të parriturit dhe shpesh kërcënues. Kjo gjë nuk ka të bëjë, me burrat janë më të mirë apo gratë më të këqia. Jo janë njësoj madje plotësojnë njëri tjetrin. Tek e fundit ky është modeli që kemi përvetësuar dhe nuk I shpëtojmë dot edhe pse I duam fëmijët edhe pse duam të jemi si jashtë shtetit me edukatë, por na mungon vullneti dhe mbi të gjitha nuk kemi “kohë” sepse jemi shumë të zënë me një gjë, që as vetë nuk e dimë.
Po, ka nëna të dhunshme, po babai çfar bën apo e lë gruan e tij dhe nënën e fëmijëve vetëm në inatin e saj. Po edhe kur ndërhyn nuk qetëson gruan por fajson fëmijën. Po kështu edhe në shkollë prindi nuk është krah fëmijës, por o nxehet ose turpërohet. Lira Gjika

Një detyrë, dy ide! 🎨🎨
30/09/2026

Një detyrë, dy ide! 🎨🎨

29/09/2026

Pse nuk duhet ushqyer fëmija pas moshës 2 vjeç.
Ushqyerja e fëmijës nga të rriturit pas moshës dy vjeç, është gjymtuese. Fëmija në këtë moshë ka fituar aftësinë e të ecurit dhe të folurës dhe duhet të mësojë që të ushqejë veten. Vazhdimësia e të ushqyerit prej të rriturit pas kësaj moshe, nuk e lejon atë të fillojë të mendojë se mund të vendosë vetë për veten dhe rrjedhimisht e pengon të rritet psiko-emocionalisht. Të ushqyerit është kujdes dhe përgjegjësi për veten. Lira Gjika

28/09/2026

Një karakteristikë e edukimit tek ne, është padurimi i të rriturve për të gjetur kohën, vëndin dhe fjalën e përshtatshme për të ndihmuar fëmijën që të kuptojë veprimet e tij. Të kuptojë, se jo kudo bëjmë veprime të caktuara apo përdorim çdo fjalë. Të rriturit duhet ti mësojnë fëmijës se veprimi tregon më shumë sesa njeriu do të tregojë dhe e di se tregon. Për fat të keq në rrugët tona has shpesh prindër që keqtrajtojnë fëmijën, që i fyejnë, i bërtasin, deri i godasin sepse bëri një veprim që prindi u nxeh. Mbase prindi ka të drejtë që nxehet, por nuk ka të drejtë të fyej e të godasi, madje është e ndaluar edhe me ligj. Prindi jo vetëm nuk ka të drejtë, por pa menduar është bërë edhe modeli i të kundërtës të asaj që pretendon nga fëmija. Ai, prindi, me sjelljen e tij sipas ngarkesës emocionale, e bën edhe më konfuz fëmijën e tij. Me fjalë i kërkon të sillet mirë, ndërsa me sjelljen e tij, i tregon se i rrituri mund të sillet si të dojë, pa menduar se ku është dhe pa patur durim të arrijë në shtëpi dhe të flasin shtruar. Ky padurim i prindit për të përmbajtur veten deri në një çast të duhur dhe për të folur me fëmijën në shtëpi, është shumë i dëmshëm. Dëmton imazhin e vetë fëmijës për veten dhe dëmton rëndësinë e shtëpisë dhe familjes. Lira Gjika

27/09/2026

Dështimi
Kur fëmija fillon shkollën, të gjithë prindërit duan që fëmija i tyre të jetë i shkëlqyer në mësime, të jetë i shkëlqyer në sjellje, të jetë i shkëlqyer në gjithçka. Asnjërit nuk i shkon mendja, madje dhe mësuesve që fëmija sapo ka filluar shkollën. Shkolla është ajo periudhë e jetës së një njeriu që ai po mëson si te mendoje, si të flasë, te njohë emocionet e tij dhe si ti menaxhoje ato. Që të realizohen te gjitha keto procese duhet shumë punë, si nga ana e vet fëmijës po ashtu nga ana e mësuesve dhe prindërve. Fëmija përpiqet dhe dëshiron të jetë shumë i zoti, shumë i ditur por çdo gjë duket e vështirë. Të rriturit që janë pranë tij, prindër dhe mësues, i tregojnë gjithë kohës gjërat që bën gabim. Fëmija këtë gjë e di shumë mirë, ai pret nga të rriturit ti tregojnë atë gjë që ai ka bërë mirë, por kjo shumë rrallë ndodh. Ka prindër që i ndëshkojnë fëmijët për rezultatet jo sipas parashikimeve të tyre. Ka prindër që i fyejnë fëmijët pse nuk janë të zotë. Nuk ju shkon në mendje që padashur po i zhvillojnë turpin dhe neverinë për veten dhe dalëngadalë mosbesimin se mund të jetë i zoti. Kjo sjellje e të rriturve shkatërron formimin e besimit tek vetja dhe kurajon për të thënë me fjalët e veta atë që mëson. Kjo sjellje e të rriturve ndodh për shkak të frikës së tyre të brendësuar dhe të pavetdijshme nga dështimi dhe të qenit i pa zoti. Për fat të keq, të rriturve nuk ju shkon mendja se “dështimi” në periudhën e fëmijërisë është shumë i shëndetshëm nëse të rriturit dinë ta asistojnë fëmijën. Ata duhet ti tregojnë fëmijës se në këtë moshë pikërisht kjo gjë mësohet, si të mos dështosh në jetë. Vështirësitë në të mësuar apo ndjesia që nuk di ti bëjë mirë apo përtesa tregojnë se mendja e tij po punon që pikërisht atëherë kur duhet, të jetë i aftë dhe i zoti. Truri dhe mendja e njeriut në ndryshim nga të gjithë organet e tjera, janë të vetmet organe të njeriut që kërkojnë vështirësi që të funksionojnë. Ato fillojnë të aktivizohen pas çdo informacioni të ri dhe kërkohet koha e duhur që të duket rezultati. Prindër, tregojini fëmijës me shembuj që ta ketë më të lehtë të kuptojë se çfarë po ndodh me të. Mund të jetë një shembull që “Njeriu nuk e mbaron pjatën me ushqim të gjithën përnjëherë por e përfundon luge pas luge”, i njëjti fenomen ndodh dhe me të mësuarin. Fëmija, truri dhe mendja e tij kërkojnë kohën e duhur. Të mësuarit është një proces që zhvillohet hap pas hapi dhe dite pas dite dhe që ky proces të jetë i frytshëm është shumë i rëndësishëm faktori prindër - mësues. Nëse ata shmangin ankthin e tyre se mos fëmija nuk ja del, gjithçka do zhvillohet në më të mirën, që as vet prindërit apo mësuesit nuk do ta besojnë. Lira Gjika

26/09/2026

Lëkura është organi i parë që formohet dhe është i lidhur direkt me shqisën e prekjes e cila edhe ajo, është shqisa e parë që formohet. Lëkura është organi më i ndjeshem dhe “mjeti” ynë i parë i komunikimit. Gjithashtu është “mjeti” më eficent për mbrojtjen tonë. Shkencëtarët e cilësojne lëkurën që sëbashku me trurin janë dy aparatet tona me te rendesishme dhe te lidhur ngushtesisht me njeri tjetrin. Ata terheqin vemendjen per kujdesin që duhet të tregojmë ndaj saj, sidomos në periudhën e fëmijërisë. Prekja e fëmijës me kujdes, butësi dhe mirëmbajtja e lëkurës influencojnë direkt në zhvillimin e sferës emocionale të fëmijës. Një fëmijë i keqtrajtuar apo i prekur ashpër apo i keqtrajtuar fizikisht apo i mbajtur me higjenë të ulët, nuk mud të realizojë një zhillim psikoemocional cilësorë. Kujdes prindër, edukatorë, të rritur, kur prekni fëmijën, kujdesuni të kontrolloni lëvizjet tuaja, që të jenë të buta dhe jo me rrëmbim dhe pakujdes. Lira Gjika

25/09/2026

Femra kur divorcohet kthehet tek prindërit.
Divorci dhe kthimi i gruas tek prindërit është një problem që tregon shume. Ky veprim duhet trajtuar me shumë kujdes. Arsyet ekonomike mund ta detyrojnë njeriun ti vendosi vetes shumë kufizime siç mund ti ndodhi një gruaje të divorcuar që të ardhurat që ka nuk i mjaftojnë. E megjithatë arsyeja e vërtet nuk janë kushtet ekonomike por mentaliteti i vet gruas që divorcohet, familjes së saj dhe opinionit. Ajo ka frikë të jetojë vetëm se mos e përgojojnë si grua jo të mirë. Këto vitet e fundit, për fat të mirë shumë gra kanë kurajon të jetojnë vetëm dhe të rrisin fëmijët e tyre më shumë dinjitet, edhe pse nuk e kanë aspak të lehtë. Duke pranuar se njeriu është edhe qënie kulturore dhe kultura të manipulon pa e kuptuar, ky fenomen shoqëror duhet pranuar ashtu siç është. Këto gra/nëna që kthehen të prindërit duhet me patjetër të flasin shumë me fëmijët e tyre, ti pyesin ata si ndihen me këtë ndryshim të madh në jetën e tyre dhe tu sqarojnë fëmijëve se edhe pse jetojnë në një shtëpi me gjyshërit janë një familje më vete. Nëna mirë është të vazhdojë të sqarojë që ajo nuk është ende gati të jetojë e vetme së bashku me ta. Divorci ka krijuar tek ajo një gjendje të vështirë dhe për këtë arsye ajo ka nevojë të jetë pranë njerëzve që e duan sic janë prindërit e saj. Gjyshërit në këtë rast mund të luajnë një rol të rëndësishëm dhe pozitiv si për vajzën e tyre dhe për fëmijët duke folur me kujdes, pa mllefe e sharje. Do ishte mirë që kur të hynin në dhomën ku janë vendosur vajza dhe fëmijët të trokisnin. Dhe nëse ata duan vërtet të mirën e fëmijës këtë rregull duhet ta respektojnë me rigorozitet të plotë që fëmija të kuptojë kufijtë e familjes së tyre, ndryshe krijohet një konfuzion emocional që jo rrallë dëmton shëndetin mendor. Lira Gjika

Address

Rruga: Thoma Kacorri Nr. 23
Tirana
MBRAPAMURITTEAMBASADESGREKE

Opening Hours

Monday 07:30 - 17:00
Tuesday 07:30 - 17:00
Wednesday 07:30 - 17:00
Thursday 07:30 - 17:00
Friday 07:30 - 17:00
Saturday 09:00 - 14:00

Telephone

+355692183424

Website

Alerts

Be the first to know and let us send you an email when Kopshti "Mirash Ivanaj" 2015 posts news and promotions. Your email address will not be used for any other purpose, and you can unsubscribe at any time.

Contact The School

Send a message to Kopshti "Mirash Ivanaj" 2015:

Shortcuts

Share

Category