Realiteti Shqiptar

Zhvleftësimi i jetës!

Me qindra e qindra,
Covidi rrëmbeu,
dje ishin në këmbë,
sot po i ha dheu!

Të gjithë po ecim,
në tym e në mjegull,
se kjo flamë e keqe,
nuk ka rend e regulll!

Situata bëhet,
keq edhe më keq,
virusi po merr,
të rinj edhe pleq!

Ende s’është fiksuar,
një formulë mjekimi,
dhe s’mjafton aspak,
shpresa dhe besimi!

Ka 90 vjeçarë,
që janë shëruar,
kemi shumë të rinj,
që dot s’kanë kaluar!

Kemi nga këto,
anomali plot,
as Pëlllumb Pipero,
nuk i kupton dot!

Ky virus i ndyrë,
na ka tjetërsuar,
dhe jeta-ah jeta,
është zhvleftësuar!

Ka shumë vlerë të gdhihesh,
edhe një mëngjes,
asnjë s’e kupton,
kush rron e kush vdes!

Askush s’e kupton,
kush rron e kush vdes,
maskarenjtë e kthyen,
vdekjen në biznes!

Globit tej e mbanë,
ju qep kjo kolerë,
turp kush në këto kohë,
u bënë milionierë!

Turp kush në këtë kohë,
bén pa fund para,
po Covidi i zi,
dhe ata i ha!

Me kéto çmime,
dorëzohet mileti,
ndaj është krejt normale,
t’i mbajë sytë tek shteti!

Nuk është se po zbuloj,
ndonjë gjë të re,
si kudo në Botë,
shteti jemi ne!

Shumë më tepër pare,
nga buxheti i vitit,
të shkojnë ku ndizen,
vatrat e Covidit!

Paret venë e vinë,
dhe kur s’je sëmurë,
por ata që ikin,
nuk kthehen më kurrë!

Disa dhjetëra njerëz,
që s’u qeshi fati,
në luftën për jetën,
shkojnë tek privati!

Mbase unë tani,
jam i zemëruar,
po më thoni Ju,
një emër të shquar!

Një doktor të shquar,
që është tek privati,
që t’ja vlejë-një natë,
dymijë euro shtrati!

Mos kërkoni kot,
se të shquar s’kanë,
po të njëjtët mjekë,
gjithandej sot janë!

Këto janë në fakt,
kohët më të zeza,
po mos hiqni dorë,
kurrë nga “Nënë Tereza” !

A.DUKA

Të jesh një shqiponjë

Në malet e larta,
sytë se ç’më mbenë,
aty ku e ka,
shqiponja folenë!

Shqiponja e malit,
rron mbi njëqind vjet,
po s’e braktis kurrë,
folezën e vet!

Shqiponja e malit,
dhe pse s’është njeri,
aty lind e rritet,
dhe vdes po aty!

Aty dashurinë,
shqiponja ka mbjellë,
ndaj fole e saj,
është si një kështjellë!

Edhe unë shqiponjës,
dua që t’i ngjaj,
që s’e braktis kurrë,
folezën e saj!

Ndaj shpirti rehat,
s’më gjen asgjëkundi,
iki si veriu,
po kthehem si plumbi!

Po kthehem si plumbi,
nga toka e huaj,
se larg tokës sime,
s’e shtyj dot një muaj!

Kthehem porsi plumbi,
në viset e mia,
veç këtu kuptohet,
ç’është dashuria!

Ç’është dashuria,
për një prag shtëpie,
për një rrap të lashtë,
për një degë hardhie!

Ndaj vetëm shqiponjën,
kam në jetë model,
se dhe dielli vetë,
aty ndryshe del!

Ndryshe ndrisin yjet,
ndryshe ndriçon hëna,
në viset e mia,
ku më prehet nëna!

Këtu ia zbulova,
jetës mrekullinë,
që iu thaftë goja,
kush shan Shqipërinë!

Arben Duka

Shoh dicka te mire tek kjo gjendje pervec atyre qe kan thene te ghithe.... ka dhe dicka qe e uroja prej kohesh. Ndalimi i gjuetise se paku kafshet dhe shpendet do kene mundesi te marrin fryme te lehtesuara. U shtofshi dhe u trashegofshi. Dhe dicka tjeter e mire mbas 9 muajsh do kemi nje bum lindjesh. :)

Nuk besoj qe eshte thjesht koncidence ne evolucionin njerezor qe diku ne boten e pa-ane takohet derri i (pa) duhur me nje lakuriq nate te "gabuar" dhe na mbin ky virus "kopil" qe dihej paraprakisht dhe cdo bente dhe per.me teper qenka bere dhe film!!!

Seriali korean që parashikoi koronavirusin, përputhshmëria është e habitshme Menu: Kreu · Analiza · Aktualitet · Politika · Sociale · Kronika ·

Nje brravo te madhe edi rames ose kujdo qe i ka shkuar ne mendje ky gjest madheshtor...

Salvini: Faleminderit qeverisë dhe popullit shqiptar, nuk do ta harrojmë këtë gjest Menu: Kreu · Analiza · Aktualitet · Politika · Sociale · Kronika ·