Teatri i Kukullave. Tiranë

✨ 📖 “Smërfët & Gargamela” udhëtojnë nesër në Patos, për të çelur siparin e turit veror artistik nëpër Shqipëri.

Qetësia e Smërfëve blu po rrezikohet sërish… Gargamela i lig ka një plan famëkeq për t’i kapur të gjithë! A do ia dalë ai të triumfojë? 🧙‍♂️😱

Bashkohuni me ne!

🗓 24 qershor, Qendra Kulturore, Patos
Mosha e sugjeruar: 3+

HYRJA E LIRË!

TeatriPerFemije AventuraBlu Familja FundjavePerFemijet MagjiNeSkenë EventeTirane ArtPerFemije KulturaPerFemije 💙🎭

🎭☀️ A jeni gati për turin tonë veror, kalamaja?

🚐 Teatri i Kukullave nis udhëtimin nëpër Shqipëri me premierën ekskluzive të Teatrit Lëvizës:

🐻✨ “Aventurat e Winnie Pooh”

Një shfaqje plot ngjyra, humor dhe muzikë, që do të udhëtojë nga veriu në jug të vendit. Këtë verë do të jemi në parqe, sheshe, qytete e fshatra, nga Patosi në Shirokë e më tej.

🎟️ Të gjitha shfaqjet për fëmijë do të jenë FALAS!

🎭 Ndërkohë, kemi menduar edhe për të rriturit!

Më 4 dhe 5 korrik, në Teatrin e Kukullave vjen premiera e dramës “Jerma”, që ka për protagonistë aktorë të rinj të talentuar. Kjo shfaqje realizohet në kuadër të Fondit të Krijimtarisë të mbështetur nga MTKS.

❤️ Këtë verë do të jemi kudo! Ruani datat, vendet dhe ejani të argëtohemi së bashku!

Ju presim krahëhapur!

🌟 Aty ku janë Smërfët, ka gjithmonë gëzim! 💙

Faleminderit nga zemra që sfiduat vapën dhe na dhuruat kaq shumë buzëqeshje edhe këtë fundjavë. ☀️🎭

Kjo ishte shfaqja e fundit e Teatrit për këtë sezon, por jo lamtumira jonë! Përkundrazi! Teatri ynë bëhet udhëtar dhe nis turin veror për të takuar vogëlushët në mbarë Shqipërinë. 🚐✨

Ndërsa me ju, fanatikët e teatrit në kryeqytet, do të ritakohemi në shtator, me premierën e shumëpritur të Winnie the Pooh dhe miqtë e tij çamarrokë. 🐻🍯

Deri atëherë, ju falënderojmë për çdo duartrokitje, çdo buzëqeshje dhe çdo moment të bukur që kemi ndarë bashkë.

Ju duam! ❤️

🎭 NJË PREMIERË ABSOLUTE PËR TË RINJ, ME TË RINJ TË TALENTUAR 🎭

✨ Për herë të parë, Teatri i Kukullave realizon një projekt të dedikuar për publikun e rritur, me protagonistë të rinj të talentuar që aspirojnë artin skenik.

Ky projekt vjen në kuadër të Fondit të Krijimtarisë, alokuar nga Ministria e Turizmit, Kulturës dhe Sportit, dhe synon krijimin e hapësirave dhe mundësive të përshfaqjes së talenteve të rinj.

🎭 "JERMA" - Dramë nga Federico García Lorca

"Një tragjedi me një temë të vetme: gruan". Rreth Jermës ndërtohet një botë personazhesh që zhvillohen përballë shtypjes, paragjykimeve dhe nënshtrimit ndaj një mentaliteti provincial e maskilist.

Gjatë gjithë rrugëtimit dramatik, Jerma lufton në mënyrë të dëshpëruar me të vërtetën e saj, një të vërtetë që bëhet gjithnjë e më konfliktuale dhe që ajo nuk e braktis derisa të kërkojë përmbushjen e saj.

Zgjidhja përfundimtare?
Mbetet ta zbuloni ju!

🎬 REGJISOR: GJERGJ MENA

👥 Interpretojnë:
Noha Çuli
Albi Lama
Doerd Laçi
Fjorela Alimema
Edanja Petrela
Kejsi Shehu
Sabina Hoxha

🎧 Fonia & Ndriçimi: Julian Llukani
🔧 Teknik Skene: Gildian Dashi
🎭 Punëtor Skene: Bernard Rakipi

📍 Teatri i Kukullave

🗓 Datat & Orari i shfaqjeve:
• 4, 5 korrik 2026
• Ora 20:00

🎟 Çmimi i biletës: 300 lekë

🎟 Sh*tja e biletave nis prej datës 24 qershor, deri ditët e shfaqjeve.

🕰 ORARI:
• E mërkurë, e enjte: 09:00 – 13:00
• E premte: 09:00 – 13:00 dhe 15:00 - 19:00
• Ditët e shfaqjes: 19:00 – 19:30

Ju mirëpresim në këtë premierë të veçantë, që sjell në skenë një nga veprat më të fuqishme të dramaturgjisë botërore, përmes energjisë dhe talentit të brezit të ri të artistëve.

THIRRJE PËR PROJEKTE ARTISTIKE 2026

TEATRI I KUKULLAVE njofton të gjithë krijuesit për hapjen e procedurës së aplikimit për projektet e reja artistike për periudhën shtator-dhjetor 2026.

Gjinia e propozuar: Shfaqje teatrale me muzikë dhe kukulla anatomike

Detajet e skenografisë: Preferohen skenografitë që lejojnë projeksionet imersive.

Mosha e sugjeruar: 5+

Dosja e projektit duhet të përmbajë:

• Skenarin e plotë

• Konceptin regjisorial

• Demo/ linqe ilustruese për bazat muzikore

• Skicat e skenografisë së shfaqjes

• Skicat e kukullave & kostumeve

• Skicat ose rendera të projektit grafik

• Preventivi (i ndarë sipas zërave)

• CV e secilit prej krijuesve

VËMENDJE!

- Aplikanti duhet të mbajë përgjegjësi për origjinalitetin e projektit në lidhje me të drejtat e autorit!
- Nëse aplikanti nuk plotëson dosjen e plotë sipas kërkesave të mësipërme, aplikimi është i pavlefshëm!

Afati i dorëzimit të projekteve: Deri më 20 korrik 2026

- Projektet mund të dorëzohen në zarf të mbyllur, si dhe në formë elektronike: [email protected]

Për dorëzimin fizik: Nga e mërkura në të premte, ora 10:00-13:00 pranë Recepsionit të Teatrit të Kukullave, Sheshi “Austria, Tiranë”.

Ju presim!

🎭🎂 Dy gëzime në një ditë në Teatrin e Kukullave!

Sot urojmë me shumë përzemërsi dy aktorë të dashur të trupës sonë: Ilia Kaçi dhe Esmeralda Kame, të cilët festojnë ditëlindjen.

Me talentin e spikatur dhe përkushtimin e tyre, ata kanë sjellë në skenë role nga më të larmishmet, duke dhuruar emocion, buzëqeshje dhe art për gjithë vogëlushët.

Gëzuar ditëlindjen Ilia dhe Esi!

Ju urojmë shëndet, lumturi dhe shumë suksese në rrugëtimin tuaj artistik! 🎉✨🎭❤️

✨ 📖 “Smërfët & Gargamela” rikthehen këtë fundjavë, për të përmbyllur sezonin artiStik në teatër e për t'i lënë vendin turit veror nëpër Shqipëri.

Qetësia e Smërfëve blu po rrezikohet sërish… Gargamela i lig ka një plan famëkeq për t’i kapur të gjithë! A do ia dalë ai të triumfojë? 🧙‍♂️😱

SH*TJA E BILETAVE:
🗓 E mërkurë & e enjte: 09:00 – 13:00
🕔 E premte: 15:00 – 19:00
📆 Ditët e shfaqjes: 09:00 – 10:00

Mosha e sugjeruar: 3+

🔴 Vëmendje!
Dyert e teatrit mbyllen 10 minuta para fillimit të shfaqjes. Ju ftojmë të vini në kohë që vogëlushët tuaj të mos humbasin këtë aventurë blu plot të qeshura, ritëm dhe magji! 💙✨

TeatriPerFemije AventuraBlu Familja FundjavePerFemijet MagjiNeSkenë EventeTirane ArtPerFemije KulturaPerFemije 💙🎭✨