Gjimnazi “Sevasti Qiriazi”

Klasa e X-A✨✨⭐️

Të dashur maturantë, krenaria e shkollës sonë!

Ju nesër do të keni provimin e parë të Maturës Shtetërore në lëndën e Gjuhës së Huaj, ndaj na lejoni përzemërsisht t’ju urojmë suksese dhe dalshi faqebardhë, arritshi më të mirën për ju, ju do të vilni frytet e një pune disa vjeçare, sa sfiduese aq të vështira por dhe aq të arrira!

Na lejoni ju lutemi t'ju rikujtojmë se:

1-Provimi i Maturës do të bëhet në shkollën ku ju studiuat për tre vite, Gjimnazi "Sevasti Qiriazi”. Provimi fillon në orën 10.00 dhe përfundon në orën 12.30;

2- Paraqitja në shkollë e çdo nxënësi që gëzon të drejtën për dhënien e provimeve të Maturës Shtetërore do të jetë në orën 7.30 - 8.30;

3-Provimet do të zhvillohen në ambientet e hapura, konkretisht në palestër dhe në dy katet e shkollës, katin e parë, të dytë ;

4-Mos harroni, që me vete duhet të keni patjetër mjetin e identifikimit (kartën e identitetit/pasaportën);

5- Veshja të jetë e rregullt dhe të gjithë me bluzë dhe xhinse;

6- Nuk lejohet mbajtja e telefonit celular/orës telefon, nëse konstatoheni me celular që në hyrje të derës së jashtme të shkollës, do të penalizoheni me humbje të provimeve të Maturës (ju lutemi të mos i merrni me vete, ose sistemojini diku jashtë shkollës);

7- Merrni me vete 2-3 stilolapsa me ngjyrë blu ose të zi, por patjetër duhet të jetë e njëjta ngjyrë, ose blu ose e zi;

8- Firmosni tek administratori i sallës kur merrni dhe dorëzoni fletën e testit;

9-Sapo të merrni testin, duhet të kontrolloni nëse është testi i duhur dhe që keni plotësuar në formularin A1, (psh. Gjuhë e huaj D3, Gjimnaz i përgjithshëm), si dhe saktësinë e tij. Nëse vini re ndonjë pasaktësi në testin që keni marrë, raportoni tek administratori i provimit dhe prisni deri në zgjidhjen e situatës (urojmë të mos ketë, por edhe nëse ndodh ju lutemi të mos shqetësoheni);

10- Tregoni kujdes dhe vëmendje kur lexoni kërkesën e secilit ushtrim në test;

11- Merrni me vete një shishe ujë dhe ushqehuni në mëngjes, në shtëpi;

12- Mos dilni nga klasa para orës 12.30;
Nëse ndodh që përfundoni provimin pak më herët qëndroni në heshtje ose jeni të lutur të qëndroni në heshtje në ambientin e krijuar posaçërisht për qëndrimin Tuaj;

13- Respektoni rregullat etike në ambientin e provimit;

14- Ejani me energji pozitive dhe me besim tek vetja dhe forca juaj;

15- Jini të qetë, përqëndrohuni, lexoni me kujdes e vëmendje pyetjen nëse bëni këtë përgjigjen e keni aty brenda pyetjes, ju keni investuar tek vetja dhe kemi besim që do t’ia dilni me sukses;

16- Nëse ndodh që ndonjë përgjigje për momentin nuk ju vjen ndër mend ose kërkon më shumë kokë për tu menduar, gjë që është normale në një provim, jeni të lutur të vazhdoni me pyetjet që ju i dini shumë mirë në mënyrë që të fitoni kohë e vetbesim e të keni kohë më shumë në dispozicion të pyetjes që ju mund të hasni vështirësi (urojmë të mos keni, por edhe nëse keni mbani parasysh këshillat dhe orientimet që mësuesit dhe ne si drejtori ju kemi dhënë);

17- Rregullorja e Maturës Shtetërore është detyrim/zbatim, ndaj në çdo moment mbani parasysh rregullat e përcaktuara në rregulloren e MSH;

Ambientet dhe çdo gjë në shkollën tonë është gati për të garantuar zhvillimin korrekt të procesit të Maturës Shtetërore para, gjatë dhe pas provimit. Tani nuk ju mbetet gjë tjetër veçse të jepni më të mirën!

Na lejoni të krenohemi me ju, për korrektësinë, disiplinën dhe rezultatin!

🌟Suksese në provimin e parë D3!🌟

Me shumë dashuri,
Drejtoresha juaj⭐️⭐️
Suksese 🙏🙏⭐️⭐️!

🇬🇧🇺🇸 “UK vs USA” 🇺🇸🇬🇧

Nxënësit e klasës 10-A, nën drejtimin e mësueses së Anglishtes Anisa Koçi, prezantuan me sukses projektin në gjuhën angleze “UK vs USA”, duke eksploruar kulturën, traditat, arsimin, gjuhën dhe stilin e jetesës në Mbretërinë e Bashkuar dhe Shtetet e Bashkuara të Amerikës. 📚✨

Gjatë projektit, nxënësit punuan me shumë kreativitet duke realizuar makete të vendeve turistike më të njohura, video mbi rutinën e një adoleshenti në UK dhe USA, pjesë teatrale të vendosura në skenë, si edhe performanca kërcimi. 🎭🎬🗽💂‍♀️

Një aktivitet frymëzues që nxiti bashkëpunimin, komunikimin në gjuhën angleze dhe talentin artistik tek nxënësit.

📚✨ Paraprovimi i lëndës me zgjedhje

Në gjimnazin tonë u zhvillua me sukses paraprovimi i lëndës me zgjedhje. Në këtë aktivitet morën pjesë nxënës nga gjimnazi “Eqerem Çabej”, si dhe nga gjimnazet jopublike “Tirana Jonë” dhe “Albanian College”.

Ky paraprovim shërbeu si një mundësi e vlefshme për përgatitjen e maturantëve, shkëmbimin e përvojave dhe forcimin e bashkëpunimit mes shkollave.
Urojmë suksese të gjithë nxënësve në provimet e ardhshme! 🌟

Sot në Gjimnazi Sevasti Qiriazi u zhvillua “Dita e Hapur”, një aktivitet i mbushur me energji, buzëqeshje dhe eksperienca të bukura për të gjithë pjesëmarrësit. 📚🎭

Nxënësit dhe vizitorët patën mundësinë të njiheshin me ambientet e shkollës, aktivitetet edukative dhe jetën shkollore që e bën komunitetin tonë të veçantë. 🤝✨
Faleminderit të gjithëve që u bënë pjesë e kësaj dite të veçantë! ❤️

🎭Në gjimnazin tonë u zhvillua një teatër shumë i bukur dhe interesant, ku u interpretua pjesa “Pallati 176”. Aktiviteti tërhoqi vëmendjen e nxënësve dhe mësuesve, duke krijuar një atmosferë plot emocion dhe argëtim. Nxënësit që morën pjesë në teatër treguan talent, përkushtim dhe bashkëpunim në interpretimin e roleve, duke e bërë shfaqjen sa më të veçantë dhe të bukur për publikun. Përmes humorit, dialogëve dhe skenave të ndryshme, pjesa përcolli emocione dhe mesazhe interesante që u pëlqyen nga të gjithë të pranishmit. Ky aktivitet artistik ishte një eksperiencë shumë e bukur, që tregoi rëndësinë e artit dhe ndihmoi nxënësit të shprehnin talentin dhe kreativitetin e tyre.✨