Fakulteti i Shkencave Pyjore

📚🌳 PROMOVIMI I MANUALIT PËR KULTIVIMIN DHE MENAXHIMIN E PLEPIT HIBRID I-262

Më 12 qershor 2026, në ambientet e Fakultetit të Shkencave Pyjore, Universiteti Bujqësor i Tiranës, u zhvillua ceremonia e promovimit të botimit “Manual për Kultivimin dhe Menaxhimin e Plepit Hibrid I-262 (Euro-American Hybrid Poplar)”, një vepër me rëndësi të veçantë për sektorin pyjor dhe zhvillimin e qëndrueshëm të plantacioneve pyjore në Shqipëri.

Në aktivitet morën pjesë studentë, pedagogë dhe staf akademik të Fakultetit të Shkencave Pyjore, si dhe specialistë të sektorit pyjor nga institucione publike dhe private, kultivues të plepit dhe përfaqësues të fidanishtave pyjore.

Takimi u hap me fjalët përshëndetëse të autorëve të manualit, Ing. Artur Kaja dhe Prof. Dr. Elvin Toromani, të cilët prezantuan qëllimin, strukturën dhe kontributin e këtij botimi në mbështetje të praktikave moderne të kultivimit dhe menaxhimit të plepit hibrid. Ata theksuan rëndësinë e transferimit të njohurive shkencore drejt praktikës profesionale dhe nevojën për zhvillimin e plantacioneve pyjore produktive në vend.

Në vijim, pjesëmarrësit u përshëndetën nga Prof. Dr. Vath Tabaku, i cili vlerësoi kontributin e autorëve dhe rëndësinë e manualit si një burim i vlefshëm për studentët, specialistët dhe të gjithë aktorët e përfshirë në sektorin pyjor.

Gjithashtu, Ing. Gjon Fierza i cili evidentoi rëndësinë praktike të këtij manuali për menaxhimin e plantacioneve dhe zhvillimin e mëtejshëm të pylltarisë prodhuese në Shqipëri.

Gjatë aktivitetit u zhvilluan diskutime frytdhënëse mbi perspektivat e kultivimit të plepit hibrid, sfidat e sektorit dhe mundësitë që ofron kjo specie për prodhimin e lëndës drusore dhe zhvillimin ekonomik rural.

Fakulteti i Shkencave Pyjore shpreh mirënjohjen për autorët, të ftuarit dhe të gjithë pjesëmarrësit që kontribuan në suksesin e këtij aktiviteti, i cili dëshmoi edhe një herë rëndësinë e bashkëpunimit ndërmjet akademisë, kërkimit shkencor dhe praktikës profesionale.

🌱 Bashkëpunimi dhe shkëmbimi i njohurive mbeten themeli i zhvillimit të qëndrueshëm të sektorit pyjor në Shqipëri.

🌳Departamenti i Pyjeve, Fakulteti i Shkencave Pyjore, Universiteti Bujqësor i Tiranës, organizoi më 11 qershor 2026 një leksion të hapur në kuadër të programit Erasmus+, me pjesëmarrjen e akademikëve dhe studiuesve nga universitete partnere evropiane.

👨‍🏫Të pranishmit patën kënaqësinë të ndiqnin leksionin e mbajtur nga Prof. Dr. Ing. Tomáš Kušta, Ph.D., nga Fakulteti i Shkencave Pyjore dhe të Drurit, Czech University of Life Sciences Prague, me temë:
🌲 “Game Management in the Czech Republic”

🦡🐗🫎Gjatë prezantimit u trajtuan aspektet kryesore të menaxhimit të faunës së egër dhe gjuetisë në Republikën Çeke, duke ofruar një pasqyrë të politikave, praktikave dhe sfidave bashkëkohore në këtë fushë.

👩🏻‍🏫Në vijim, doktorantja Carla Maria Aparaschive, nga University of Agricultural Sciences and Veterinary Medicine Cluj-Napoca, e cila po zhvillon një vizitë studimore pranë Departamentit të Pyjeve në kuadër të Erasmus+ Student Mobility for Traineeships, prezantoi rezultatet paraprake të kërkimit të saj doktoral me temë:
🫐 “Wild Berries – More Than Non-Timber Forest Products: Lingonberry (Vaccinium vitis-idaea) as an Indicator of Plant Responses to Environmental Conditions”

Prezantimi solli njohuri interesante mbi rëndësinë ekologjike të produkteve pyjore jo-drusore dhe përdorimin e tyre si tregues të ndryshimeve mjedisore.

Ky aktivitet krijoi një mundësi të vlefshme për shkëmbim akademik, ndërkombëtarizim dhe zgjerim të njohurive të studentëve dhe stafit akademik, duke forcuar bashkëpunimin mes institucioneve partnere në kuadër të programit Erasmus+.

🎓 Falënderojmë lektorët për kontributin e tyre dhe studentët për pjesëmarrjen aktive në këtë aktivitet akademik.

📢 LEKSION I HAPUR

Departamenti i Pyjeve, Fakulteti i Shkencave Pyjore, Universiteti Bujqësor i Tiranës, ju fton të merrni pjesë në një leksion të hapur më:

📅 11 Qershor 2026
🕥 Ora 10:30
📍 Salla 103

Në kuadër të programit Erasmus+, kemi kënaqësinë të mirëpresim Prof. Dr. Ing. Tomáš Kušta, Ph.D., nga Fakulteti i Shkencave Pyjore dhe të Drurit, University of Life Sciences Prague (Çeki), i cili do të mbajë leksionin me temë:

🌲 “Game Management in the Czech Republic”
(“Menaxhimi i gjuetisë në Republikën Çeke”)

Gjithashtu, doktorantja Carla Maria Aparaschive nga Universiteti i Shkencave Bujqësore dhe Mjekësisë Veterinare Cluj-Napoca (Rumani), e cila po zhvillon një vizitë studimore pranë Departamentit të Pyjeve në kuadër të Erasmus+ Student Mobility for Traineeships, do të prezantojë një pjesë të rezultateve të kërkimit të saj doktoral me temë:

🫐 “Wild Berries – More Than Non-Timber Forest Products: Lingonberry (Vaccinium vitis-idaea) as an Indicator of Plant Responses to Environmental Conditions”

(“Frutat e egra – më shumë sesa produkte pyjore jo-drusore: Boronica e kuqe (Vaccinium vitis-idaea) si tregues i reagimeve të bimëve ndaj kushteve mjedisore”)

🎓 Ftohen të marrin pjesë studentët e vitit të parë dhe të dytë Bachelor në Inxhinieri Pyjore, si dhe stafi akademik i Fakultetit të Shkencave Pyjore.

Mirë se vini!

Grafiku provimeve Master Shkencor

GRAFIKU I PROVIMEVE TË SEZONIT TË VERËS
KURSI I DHE II - BACHELOR
KURSI I - MASTER SHKENCOR
VITI AKADEMIK 2025-2026
(Studentët e rregullt)

GRAFIKU I ZHVILLIMIT TË PROVIMEVE – MASTER SHKENCOR I
INXHINIERI PYJORE
Viti akademik 2025-2026 (Sezoni: 08 - 26 Qershor 2026)

GRAFIKU I PROVIMEVE TË SEZONIT TË VERËS
KURSI I DHE II - BACHELOR Departamenti i Pyjeve
KURSI I - MASTER SHKENCOR
VITI AKADEMIK 2025-2026

(Studentët e rregullt)

GRAFIKU I PROVIMEVE TË SEZONIT TË VERËS
KURSI I DHE II - BACHELOR
KURSI I - MASTER SHKENCOR
VITI AKADEMIK 2025-2026
(Studentët përsëritës)

Grafiku i provimeve per sezonin e veres 2025-2026 Master Shkencor Inxhinieri Pyjore