Gjimnazi "Ismail Qemali", Tirane

26/09/2026

🇪🇺🌍Nxënësit e Gjimnazit “Ismail Qemali” realizuan një aktivitet kushtuar Ditës Evropiane të Gjuhëve, duke sjellë përmes prezantimeve, poezisë, muzikës, videove, debateve dhe aktiviteteve interaktive një udhëtim nëpër pasurinë dhe diversitetin gjuhësor të Evropës.

Gjatë aktivitetit u trajtuan historia dhe rëndësia e kësaj dite, familjet gjuhësore evropiane, përfitimet e shumëgjuhësisë, si dhe roli i gjuhëve në komunikim, kulturë, arsim dhe krijimin e mundësive të reja. Nxënësit sollën gjithashtu interpretime në anglisht, italisht, frëngjisht dhe gjermanisht, duke e ndërthurur mësimin e gjuhëve me artin dhe kreativitetin.

Aktiviteti u përmbyll me një Kahoot interaktiv, duke i përfshirë të gjithë në një mënyrë argëtuese për të testuar njohuritë e fituara.

🎓 Një aktivitet i realizuar nga nxënësit e Gjimnazit “Ismail Qemali”, nën kujdesin dhe mbështetjen e mësueseve të gjuhëve të huaja, si një dëshmi e rëndësisë që shkolla i kushton gjuhëve, kulturës dhe komunikimit ndërmjet tyre.

Every language is a bridge. 🌍

25/09/2026

25/09/2026

🏃‍♀️🏃‍♂️ Vijojnë aktivitetet në kuadër të Javës Europiane të Sportit në Shkolla! 🇪🇺⚽️
Në një atmosferë plot energji, bashkëpunim dhe argëtim, mësuesi Redi Shqevi organizoi nxënësit në lojëra lëvizore tradicionale, duke sjellë në vëmendje lojërat e bukura të fëmijërisë sonë. 🪢✨
Nxënësit u përfshinë në aktivitete si tërheqja e litarit, gara me vrap, stafetat, gara me pengesa dhe lojëra të tjera në grup, duke promovuar lëvizjen, punën në ekip dhe frymën sportive. 🤝🏆
Sepse sporti është më shumë se garë: është energji, shëndet, miqësi dhe gëzim! 💙

25/09/2026

🇦🇱 🇮🇹🔬 Një javë mes shkencës, natyrës dhe eksperiencave të reja në Macugnaga! 🏔️

Nga data 6 deri më 11 shtator**, katër nxënës të Seksionit Italian — Shirli Ziso, Denis Basha, Gerald Kallojeri dhe Anton Limani — morën pjesë në "Summer School të RadioLab", në Macugnaga, Itali, pranë Monte Rosa-s.

Gjatë kësaj jave, nxënësit u angazhuan në leksione shkencore dhe aktivitete laboratorike, ku u njohën më nga afër me radioaktivitetin dhe mënyrën se si ai studiohet dhe matet përmes eksperimenteve praktike. Gjatë ekskursioneve në mal, ata matën radioaktivitetin natyror të shkëmbinjve, vizituan një minierë ari dhe u njohën me historinë dhe kulturën e komunitetit Walser.

Përveç përvojës shkencore, nxënësit morën pjesë në aktivitete dhe lojëra në grup, duke bashkëpunuar dhe shkëmbyer përvoja me nxënës nga shkolla dhe vende të ndryshme.

🇦🇱🇮🇹 Një pjesë veçanërisht e bukur e kësaj eksperience ishte bashkëpunimi me nxënës nga Shkodra dhe Korça, të cilët ndajnë një përvojë të ngjashme përmes seksioneve dygjuhëshe, si dhe me nxënës nga pjesë të ndryshme të Italisë.

✨ Kjo eksperiencë i dha nxënësve mundësinë të mësojnë shkencën përmes praktikës dhe eksperimenteve, të zhvillojnë aftësitë e bashkëpunimit dhe të krijojnë njohje e miqësi të reja, duke përjetuar një javë të veçantë mes shkencës, natyrës dhe aventurës.

👏 Urime Shirli, Denis, Gerald dhe Anton për këtë eksperiencë të bukur dhe përfaqësimin e shkollës në këtë aktivitet ndërkombëtar!

24/09/2026

📚 TAKIM ME PRINDËRIT | VITI SHKOLLOR 2026–2027

Në kuadër të fillimit të vitit të ri shkollor, në Gjimnazin “Ismail Qemali” u zhvilluan takimi i parë me prindërit, në funksion të forcimit të bashkëpunimit shkollë–familje dhe të një mbarëvajtjeje sa më të mirë të procesit mësimor.

Takimet u zhvilluan me klasat kujdestare, ku u zgjodhën kryetarët e Këshillave të Prindërve të klasave, si dhe me Bordin e Shkollës dhe Këshillin e Prindërve të Shkollës.

Gjatë këtyre takimeve u diskutuan çështje të rëndësishme për nxënësit dhe komunitetin shkollor, ndër të cilat:

🔹 RRBSH;
🔹 objektivat dhe prioritetet për vitin shkollor 2026–2027;
🔹 kurrikula bërthamë dhe kurrikula me zgjedhje, me vëmendje të veçantë për klasat e dhjeta;
🔹 pajisja e nxënësve me tekstet shkollore;
🔹 programi i ri “Pas Shkolle” dhe mundësitë që ai ofron për nxënësit;
🔹 përdorimi i Inteligjencës Artificiale (IA) në shkollë;
🔹 njohja me SHPSSH dhe OS;
🔹 mbarëvajtja e procesit mësimor dhe rëndësia e bashkëpunimit të vazhdueshëm me prindërit;
🔹 këshillimi dhe orientimi i karrierës.

🤝 Takimet shërbyen edhe si një mundësi për të dëgjuar prindërit, për të shkëmbyer ide dhe për të përcaktuar së bashku mënyra sa më të mira bashkëpunimi në mbështetje të nxënësve.

🌱 Shkolla dhe familja, së bashku për zhvillimin, edukimin dhe suksesin e çdo nxënësi.

24/09/2026

📚✨ Bursa e Ekselencës për nxënësit me arritje të shkëlqyera!
Drejtoria e gjimnazit “Ismail Qemali” njofton nxënësit për mundësinë e përfitimit të bursës së ekselencës për vitin shkollor 2025–2026, në përputhje me kriteret dhe dokumentacionin përkatës.
📌 Dokumentacioni i nevojshëm dorëzohet pranë sekretarisë së gjimnazit deri më 29 shtator 2026.
🌟 Inkurajojmë të gjithë nxënësit që plotësojnë kriteret të informohen dhe të aplikojnë brenda afatit!

24/09/2026

⚽️ Në kuadër të Javës Evropiane të Sportit Shkollor, nxënësit e klasave të 10-ta zhvilluan një lojë futbolli, nën drejtimin e mësuesit përgjegjës Ergys Rexha.

🏆 Një aktivitet plot energji, bashkëpunim dhe frymë sportive, që përcjell rëndësinë e aktivitetit fizik dhe të një jete sa më aktive për të rinjtë.

24/09/2026

🏃‍♀️🏃‍♂️ Në kuadër të Javës Evropiane të Sportit Shkollor, nxënësit e klasave të 10-ta, së bashku me mësuesen përgjegjëse Majlinda Tufina, zhvilluan lojëra lëvizore, duke sjellë energji, bashkëpunim dhe argëtim në mjediset e shkollës. 💙

🤝 Përmes sportit, promovojmë një mënyrë jetese aktive, frymën e ekipit dhe rëndësinë e aktivitetit fizik në jetën e çdo nxënësi.

24/09/2026

🏃‍♀️🏃‍♂️ Në kuadër të Javës Evropiane të Sportit Shkollor, nxënësit e klasave të 10-ta, së bashku me mësuesen përgjegjëse Majlinda Tufina, zhvilluan lojëra lëvizore, duke sjellë energji, bashkëpunim dhe argëtim në mjediset e shkollës. 💙

🤝 Përmes sportit, promovojmë një mënyrë jetese aktive, frymën e ekipit dhe rëndësinë e aktivitetit fizik në jetën e çdo nxënësi.