Gjimnazi Myslym Keta

26/09/2026

25/09/2026

Dje u zhvillua një takim frytdhënës me prindërit dhe mësuesit, ku në qendër të vëmendjes ishin mbarëvajtja e procesit mësimor, zbatimi i rregullores së shkollës dhe adresimi i problematikave ditore.
📌 Fokusi kryesor i takimit: Prezantimi i Projektit "Pas Shkolle" — një hap i rëndësishëm për mbështetjen e nxënësve në përgatitjen e detyrave dhe zhvillimin e aktiviteteve jashtëkurrikulare.
Falenderojmë të gjithë prindërit për pjesëmarrjen, përkushtimin dhe bashkëpunimin e vazhdueshëm! E ardhmja e fëmijëve ndërtohet më së miri kur shkolla dhe familja ecin krah për krah. 🤝💙

17/09/2026

Një fillim i ri, së bashku!

Sot, në gjimnazin “Myslym Keta”, zhvilluam një takim informues me prindërit dhe nxënësit e klasave të dhjeta, të cilët nisin për herë të parë rrugëtimin në shkollën tonë.

Gjatë takimit, prindërit u njohën me mënyrën e funksionimit të gjimnazit, stafin mësimor dhe administrativ, rregulloren e brendshme të shkollës!
Një rëndësi e veçantë, ju dha Programit “ Pas shkolle”, si dhe me mundësitë që ofron ky Program për zhvillimin e talenteve dhe aftësive të nxënësve.

💙 Bashkëpunimi me prindërit është një nga shtyllat e rëndësishme të suksesit të nxënësve. Përmes komunikimit, mirëkuptimit dhe mbështetjes së ndërsjellë, synojmë të krijojmë një mjedis ku çdo nxënës të ndihet i mbështetur dhe të zhvillojë potencialin e tij.

Mirë se vini në familjen “Myslym Keta”! 🌟

15/09/2026

📚 GJIMNAZI “MYSLYM KETA” është një nga shkollat që ofron Programin “Pas Shkolle”! 🌟
🎯 Zgjidh klubin që pëlqen dhe bëhu pjesë e Programit “Pas Shkolle”!
🎨 Klubi i Arteve
🎭 Klubi i Teatrit
🎵 Klubi i Muzikës
💃 Klubi i Kërcimit
🧶 Klubi i Zejeve
⚽ Klube sportive

📝 SI TË APLIKONI?
1️⃣ Hyni në SMIP me kredencialet e prindit.
2️⃣ Zgjidhni fëmijën për të cilin do të bëhet aplikimi.
3️⃣ Hyni te seksioni “Pas Shkolle”.
4️⃣ Shikoni klubet e ofruara nga Gjimnazi “Myslym Keta”.
5️⃣ Zgjidhni klubin që përputhet me interesin e nxënësit.
6️⃣ Konfirmoni aplikimin/regjistrimin në sistem.
7️⃣ Ndiqni statusin e aplikimit në sistem.

📌 E RËNDËSISHME!
Vendet në klube janë të kufizuara. Kur numri i kërkesave tejkalon kapacitetin e klubit, përzgjedhja bëhet sipas rendit kronologjik të regjistrimit. Nxënësit e tjerë kalojnë në listën e pritjes.

Mëso • Krijo • Zhvillo talentin • Bashkëpuno
👉 Apliko në SMIP dhe zgjidh klubin tënd

15/09/2026

Bashkë me vitin shkollor, bëhemi gati të nisim edhe programin "Pas Shkolle" ku do të mësojmë, argëtohemi dhe krijojmë gjëra të bukura me duart tona 📖👨🏻‍🏫🧵🎨🪡

Të dashur prindër, nëse dëshironi që fëmija juaj të bëhet pjesë e këtij programi, regjistrimet përmes SMIP janë të hapura nga SOT deri më 25 shtator 📩

Ju mund ta regjistroni fëmijën tuaj deri në dy prej klubeve të mëposhtme:
🎵 Muzikë
💃 Kërcim
🎭 Teatër
🎨 Art pamor
🧵🪡 Zeje
të cilat bashkë me detyrat e shtëpisë do të kompletojnë përvojën e fëmijëve tuaj në shkollë dhe do t'i ndihmojnë të zbulojnë talente dhe aftësi të reja👩🏽‍🏫🎭👩🏼‍💻📚

14/09/2026

💙 Sot, shkolla u mbush përsëri me jetë!

Oborri i “Myslym Ketës” u gjallërua nga zërat, buzëqeshjet dhe emocionet e nxënësve që nisën një tjetër udhëtim të bukur drejt dijes, ëndrrave dhe së ardhmes.

Për disa, ishte një rikthim i shumëpritur. Për të tjerë, një fillim i ri, me miqësi të reja, sfida të reja dhe mundësi të pafundme për të zbuluar veten. Por për të gjithë, sot ishte dita kur shkolla hapi përsëri dyert e saj për ëndrra të mëdha.

🌱 Të dashur nxënës, mos kini frikë të ëndërroni, të provoni, të gaboni e të mësoni. Besoni te vetja dhe te forca që keni brenda jush.

🍎 Të dashur mësues, faleminderit që çdo ditë i jepni dijes dashuri, çdo nxënësi besim dijes dashuri, çdo nxënësi besim dhe çdo klase një arsye për të ecur përpara.

🤝 Të dashur prindër, faleminderit që jeni pjesë e këtij rrugëtimi. Bashkë, me besim dhe bashkëpunim, mund t’u japim fëmijëve tanë jo vetëm dije, por edhe sigurinë se nuk janë kurrë vetëm.

Le të jetë ky një vit i mbushur me dritë, mirësi, suksese dhe momente që do t’i kujtojmë gjatë.

✨ Mirë se erdhët në shtëpinë e dijes, të miqësisë dhe të ëndrrave!

Gjimnazi “Myslym Keta” – së bashku, çdo ditë, drejt së ardhmes. 💙

13/09/2026

Mirë se vini në vitin e ri shkollor! 🌸

🎒 Të dashur nxënës!
Ju uroj një vit të mbushur me dije, ëndrra dhe suksese. Qoftë çdo ditë një mundësi për të zbuluar veten, për të zhvilluar talentet dhe për të besuar gjithnjë e më shumë te forcat tuaja. Shkolla është vendi ku ëndrrat marrin formë dhe ku çdo përpjekje ka vlerë.

📚 Të dashur mësues!Ju uroj një vit të mbarë, me përkushtim, frymëzim dhe kënaqësinë e punës suaj fisnike. Me profesionalizmin dhe dashurinë tuaj, ju ndriçoni rrugën e nxënësve dhe ndërtoni çdo ditë themelet e të ardhmes së tyre.

🤝 Të dashur prindër, ju falënderoj për besimin, mbështetjen dhe bashkëpunimin tuaj të vazhdueshëm. Vetëm së bashku, shkolla dhe familja, mund të krijojmë mjedisin e sigurt, të ngrohtë dhe motivues që çdo fëmijë meriton.

💙 Le ta nisim këtë vit me besim, mirësi dhe dëshirën për të bërë më të mirën, së bashku!

🎉 Gëzuar ditën e parë të shkollës!
Gjimnazi “Myslym Keta!”
Miqësisht dhe sinqerisht për ju,
Blerina Lala, drejtore e shkollës!