Gjimnazi Myslym Keta

✍️ Datat e provimeve të Maturës Shtetërore 2026 - Sesioni i Dytë ❗️

📝Të gjithë maturantët që nuk kanë arritur të mbyllin provimet në qershor në kuadër të Maturës Shtetërore 2026, do t’i zhvillojnë provimet në sesionin e vjeshtës sipas këtij kalendari:
▪️24 gusht 2026 - Gjuhë e Huaj
▪️27 gusht 2026 - Gjuhë Shqipe dhe Letërsi
▪️31 gusht 2026 - Matematikë
▪️3 shtator 2026 - Provim me Zgjedhje

📚Është momenti të përgatiteni me përkushtim dhe të besoni te vetja juaj 👨‍🎓👩‍🎓

🫶 Ju uroj shumë suksese!

👨‍🎓👩‍🎓Të dashur maturantë 🤗 📌Nga sot, 27 korrik, deri më 1 gusht është i hapur portali U-Albania 💻 për përzgjedhjen e 10 programeve të studimit. Keni punuar shumë për të arritur në këtë moment, ndaj zgjidhni me besim programet që përputhen me dëshirat, talentet dhe synimet tuaja ☄️ 📖💡🏫Universitetet tona ju presin me programe të reja studimi, staf akademik të përgatitur dhe shumë mundësi për të ardhmen tuaj. Suksese në këtë hap të rëndësishëm 🌟 Mezi pres t’ju takoj në tetor në auditorët e universiteteve tona 🎓📚

🎓 Gati për hapin e radhës?

Para se të përfundoni aplikimin në U-ALBANIA, njihuni me këto 5 këshilla që do t’ju ndihmojnë të aplikoni saktë dhe me siguri. ✅

📌 Lexoni me kujdes çdo hap, kontrolloni preferencat tuaja dhe aplikoni me besim.

🌟 Zgjedhja juaj sot është investimi për të ardhmen!

Vazhdojnë regjistrimet në gjimnazin “Myslym Keta”!
Kujdes, pasi ka mbetur 1 javë ka përfundimi i regjistrimeve në
klasën e 10-të!
Pse tek ne:
, si: shkollë me historik të pasur,
emra që kanë bërë karrierë të shquar,
staf profesional,
mjedise të përshtatshme,
cilësi në
mësimdhënie dhe pjesëmarrje gjithëpërfshirëse në aktivitete kurrikulare e ekstrakurrikulare!
Ju mirëpresim!

📚 Përfundoi procesi i gjenerimit të dëftesave për vitin shkollor 2025–2026! 🎓

Një tjetër vit shkollor u mbyll me sukses dhe tashmë ka përfunduar edhe procesi i gjenerimit të dëftesave për të gjithë nxënësit.

Dëftesa nuk është thjesht një dokument – ajo pasqyron një vit të tërë përkushtimi, përpjekjesh, sfidash të kapërcyera dhe arritjesh. Pas çdo note qëndrojnë orë studimi, punë e palodhur, mbështetja e mësuesve dhe familjeve, si edhe dëshira për të ecur përpara.

Falënderojmë stafin drejtues, mësuesit dhe sekretarinë e shkollës për profesionalizmin dhe angazhimin në përmbylljen me korrektësi të këtij procesi të rëndësishëm.

🌟 Urojmë që pushimet verore t’u sjellin të gjithë nxënësve çlodhje, energji të reja dhe kujtime të bukura. Ju presim në shtator për një vit të ri plot sfida dhe suksese!

Gjimnazi “Myslym Keta”
Në rrugën e dijes, me përkushtim dhe përgjegjësi.

Një hap i bukur drejt shërbimit dhe qytetarisë aktive! 🌟

Sot, nxënëset tona u certifikuan si vullnetare që u aktivizuan pranë shkollave 9-vjeçare, për periudhën 15-30 qershor 2026, duke marrë përsipër një mision me vlerë:
të kontribuojnë me përkushtim, përgjegjësi dhe zemër në mbështetje të më të vegjëlve.

Ky certifikim është një dëshmi e angazhimit të tyre qytetar dhe e vlerave që shkolla jonë kultivon çdo ditë: solidaritetin, bashkëpunimin dhe përgjegjësinë ndaj komunitetit.

Jemi krenarë për secilën prej tyre dhe u urojmë suksese në këtë rrugëtim të bukur, ku çdo gjest i vogël mund të sjellë një ndryshim të madh.

Urime vullnetareve tona! Ju jeni shembulli më i mirë se qytetaria fillon me veprim. ❤️

📢 Kanë filluar regjistrimet për klasën e 10-të!

Të dashur nxënës dhe prindër,

Ka nisur procesi i regjistrimit për nxënësit që do të ndjekin klasën e 10-të në Gjimnazin “Myslym Keta”.

🎓 Ftojmë të gjithë nxënësit që i përkasin shkollave të përcaktuara në zonën tonë të regjistrimit të kryejnë procedurat brenda afateve të përcaktuara.

⚠️ Ju lutemi të keni parasysh: Regjistrimi në Gjimnazin “Myslym Keta” mund të kryhet vetëm nga nxënësit që vijnë nga shkollat e përcaktuara për këtë gjimnaz, sipas ndarjes zyrtare të zonave shkollore.

📌 Lista e shkollave që kanë të drejtë regjistrimi në Gjimnazin “Myslym Keta” është si më poshtë:
➡️ Lasgush Poradeci
Mysine Kokalari
Shyqyri Peza
Betim Muço
Kongresi i Manastirit

Për çdo paqartësi ose informacion shtesë, ju mirëpresim pranë sekretarisë së shkollës gjatë orarit zyrtar.

✨ Ju urojmë suksese të gjithë maturantëve të ardhshëm dhe mezi presim t’ju mirëpresim në familjen e Gjimnazit “Myslym Keta”!

Hapet aplikimi për formularin A1Z për të gjithë ish maturantët që duan të aplikojnë këtë vit për në universitet dhe nuk e kanë plotësuar.