Fakulteti i Mjekesise - Njesia e Projekteve dhe Marredhenieve Nderkombetare

Home
Albania
Tirana
Fakulteti i Mjekesise - Njesia e Projekteve dhe Marredhenieve Nderkombetare

Njesia e Projekteve dhe Marredhenieve Nderkombetare eshte organ i Fakultetit te Mjekesise, pjese e Universitetit te Mjekesise, Tirane.

23/01/2026

Pamje nga projekti “Markuesit imunologjikë dhe imunogjenetikë në sëmundjet autoimune të gjendrës tiroide”.
Sëmundjet autoimune të gjendrës tiroide janë ndër patologjitë autoimune më të shpeshta, por baza e tyre imunologjike dhe gjenetike ndryshon nga një popullatë në tjetrën dhe mbetet pak e studiuar në popullatën shqiptare.
Rezultatet e këtij projekti ndihmojnë në:
• 🧬 Identifikimin e aleleve HLA me rol risku ose mbrojtës, specifik për popullatën shqiptare
• 👩‍⚕️ Njohjen e thelluar e mekanizmave të sëmundjes, duke ndihmuar diagnostikim më të hershëm dhe vlerësim më të saktë të riskut
• 🧪 Hapjen e rrugës drejt mjekësisë së personalizuar, me trajtime më të përshtatura për pacientin
• 📊 Forcimin e kërkimit shkencor kombëtar, duke krijuar të dhëna reference për studime të ardhshme
• 🏛️ Lidhjen e kërkimit me praktikën klinike, përmes prezantimit të rezultateve në konferenca shkencore kombëtare dhe ndërkombëtare

Ky projekti është realizuar nga Universiteti i Mjekësisë dhe është financuar nga AKKSHI.

25/11/2025

Koncerti i Bamirësisë “Ende ka Shpresë” kthehet sërish në edicionin e tij të katërt!❤️
Një traditë e dashur humanizmi që bën bashkë studentët e Mjekësisë në një mbrëmje të veçantë artistike, në bashkëpunim me Universitetin e Arteve.🎶❤️

📍 Salla Kryesore e Koncerteve, Universiteti i Arteve
🕔 17 Dhjetor • ora 17:00
🎟 Bileta: 500 lekë
Së bashku për një kauzë të mirë. 🤝✨

Po, ende ka shpresë 💛

05/11/2025

🔬Research Hub 3 vazhdon me leksionet. Kësaj here nën drejtimin e Prof Elizana Petrela studiuesit e rinjë u njohën më shumë me llojet e testeve statistikore si dhe për përdorimin & interpretimin e tyre në paketën spss. Puna vazhdon 🔬🥼

Falenderime dhe mirënjohje për Prof. Elën 🤍🙏 që di të jetë gjithmonë në ndihmë të studentëve, duke e bërë shumë konkrete dhe të prekshme fushën e statistikës📊

30/10/2025

Në datat 24–25 Tetor, pranë Godinës së Lëndëve Paraklinike dhe Qendrës Shqiptare të Telemedicinës, u zhvilluan aktivitete të formimit profesional për studentët e mjekësisë, në kuadër të një përvoje të përbashkët mësimi, bashkëpunimi dhe zhvillimi praktik.
Gjatë këtyre ditëve u organizua kursi i emergjencës “How to Save a Life” dhe njëkohësisht pjesa praktike e Kursit të Ekografisë, të cilat synuan të pajisin studentët me njohuri të thelluara dhe aftësi konkrete në menaxhimin e situatave kritike dhe përdorimin e ultrazërit në mjekësi.
Programi përfshiu modulet BLS & ALS, Airway Management, Pre-Hospital Trauma Course, si dhe trajnime praktike në ultrasonografi, duke ofruar një përvojë gjithëpërfshirëse që ndërthur teori, praktikë dhe punë ekipore në standarde ndërkombëtare.
Aktivitetet u realizuan nga MedTalent, në bashkëpunim me Fakultetin e Mjekësisë, Shoqatën Shqiptare të Urgjencës Mjekësore (SHUM), Universitetin Witten, SonoAG, Future Doctors Network (FDN), AGNUWH, si dhe Qendrën Shqiptare të Telemedicinës.
Ky bashkëpunim solli një atmosferë dinamike, motivuese dhe frytdhënëse për brezin e ardhshëm të mjekëve — një hap i rëndësishëm drejt formimit të tyre profesional dhe ndërtimit të një kulture moderne të kujdesit shëndetësor.

28/10/2025

Webinare “MoMo – Mondays for Mother Teresa Hospitals

Shërbimi i Anatomisë Patologjike, Qendra Spitalore Universitare Nënë Tereza, Departamenti i Anatomisë Patologjike dhe Mjeksisë Ligjore, Fakulteti i Mjekësisë njofton se në kuadër të projektit “CEI support to Technology Transfer for Hospitals in Albania and North Macedonia (ALBAU-TT-CRO)”, organizohen një seri Webinaresh me titull “MoMo – Mondays for Mother Teresa Hospitals”.

Këto webinarë do të zhvillohen gjatë muajit nëntor dhe dhjetor 2025 dhe kanë për qëllim shkëmbimin e njohurive dhe praktikave më të mira në fushën e kërkimit translacional, inovacionit dhe transferimit të teknologjisë në sektorin shëndetësor. Aktivitetet do të zhvillohen në bashkëpunim me institucione prestigjioze Evropiane dhe janë të hapura për profesionistët e shëndetësisë dhe akademikët nga Shqipëria dhe Maqedonia e Veriut.

Programi përfshin temat si më poshtë:

3 Nëntor 2025: Prezantimi i peizazhit Evropian të inovacionit shëndetësor

10 Nëntor 2025: Transferimi i teknologjisë në kujdesin shëndetësor

17 Nëntor 2025: Mbrojtja e pronës intelektuale dhe strategjitë e valorizimit

24 Nëntor 2025: Ekspertiza në kërkimin translacional mjekësor

1 Dhjetor 2025: Kërkimi i avancuar për të inovuar sistemin shëndetësor

Regjistrimi është falas dhe i hapur për të gjithë të interesuarit.

Skanoni QR kodin për regjistrim.

23/10/2025

MedTalent në bashkëpunim me Fakultetin e Mjekësisë të Universitetit të Tiranës, Fakultetin e Mjekësisë të Universitetit Witten, organizatat FDN dhe AGNUWH, si dhe Qendrën Shqiptare të Telemedicinës, nën drejtimin e Prof. Edmond Zaimit, do të organizojnë gjatë dy ditëve në vijim (datë 24, 25 Tetor) kurse trajnimi për studentët e mjekësisë mbi BLS & ALS, menaxhimin e rrugëve të frymëmarrjes (airway management) dhe kursin e traumës para-spitalore (Pre-Hospital Trauma Course).

📍Qendra e Telemedicines

03/10/2025

Ditët e Orientimit në Fakultetin e Mjekësisë

Nga data 30 shtator deri në datën 2 tetor, fituesit e degëve të Mjekësisë së Përgjithshme, Farmacisë dhe Shëndetit Publik, të cilët ditën e hënë do të jenë studentët më të rinj të Fakultetit tonë, morën pjesë në ditët e orientimit.
Studentët e viteve klinike e mbështetën këtë iniciativë, duke ndihmuar kolegët e tyre të cilët nisin vitin e parë.

Ju urojmë suksese të gjithë studentëve që i bashkohen Fakultetit të Mjekësisë!

Address

Tirana
1005

Website

http://fakultetimjekesise.edu.al/

Alerts

Be the first to know and let us send you an email when Fakulteti i Mjekesise - Njesia e Projekteve dhe Marredhenieve Nderkombetare posts news and promotions. Your email address will not be used for any other purpose, and you can unsubscribe at any time.

Contact The School

Send a message to Fakulteti i Mjekesise - Njesia e Projekteve dhe Marredhenieve Nderkombetare:

Want your school to be the top-listed School/college in Tirana?