SHKOLLA "TIRANA JONE"

☀️ Freski Vere! 🥤🏝️
Stina e verës na solli vapën, por ne gjetëm mënyrën më të bukur për t'u freskuar! 🍋🍉💦
Shtrydhëm limona dhe përgatitëm limonadë të freskët, shijuam shalqirin e ëmbël, luajtëm me ujë dhe udhëtuam me anijen tonë drejt aventurave plot të qeshura. 🚢💦
Çdo buzëqeshje, çdo lojë dhe çdo çast i kaluar së bashku e bëri këtë ditë të veçantë. U freskuam, u argëtuam dhe krijuam kujtime të bukura, sepse vera është edhe më e bukur kur e shijojmë së bashku! ☀️💛⛵
🌞

🎓✨ Mbrëmja e Maturës 2026 ✨🎓
Me emocione, buzëqeshje dhe kujtime të paharrueshme, maturantët e Shkollës "Tirana Jonë" kurorëzuan një nga momentet më të bukura të jetës së tyre shkollore duke festuar Mbrëmjen e Maturës.
Kjo mbrëmje ishte një festë e arritjeve, e miqësisë dhe e ëndrrave për të ardhmen. Pas viteve të mbushura me përkushtim, sfida dhe suksese, maturantët tanë hodhën një hap të rëndësishëm drejt një kapitulli të ri të jetës.
I urojmë secilit prej tyre suksese në rrugëtimin e ardhshëm! Qofshin gjithmonë të guximshëm, të vendosur dhe krenarë për vlerat që kanë fituar në shkollën tonë.
🎉 Urime maturantë! Ju urojmë një të ardhme të ndritur dhe plot realizime! 🌟📚❤️

🧬 Matura Shtetërore 2026 | Provimi i Biologjisë, Fizikës, Ekonomisë.

Sot maturantët zhvilluan provimin e Biologjisë, Fizikës dhe Ekonomisë, një etapë e rëndësishme në rrugëtimin e tyre akademik dhe një moment që pasqyron përkushtimin, dhe punën e vazhdueshme.

Përgatitja e tyre është mbështetur nga profesionalizmi dhe udhëheqja pedagogjike e mësuesve Manjola Bani, Robert Meçani dhe mësueses Kozeta Gjata.

🌱 Suksese të gjithëve! E ardhmja ndërtohet me dije, përkushtim dhe besim në vetvete.

📝📚 Nxënësit e klasës së 9-të të shkollës “Tirana Jonë” zhvilluan sot provimin e Gjuhës Shqipe në kuadër të Provimit Kombëtar të Arsimit Bazë.
Me përkushtim, seriozitet dhe besim në njohuritë e fituara gjatë viteve të shkollimit, nxënësit përballuan këtë sfidë të rëndësishme akademike.
Gjatë gjithë përgatitjes së tyre, ata kanë pasur mbështetjen dhe përkushtimin e mësueses së Gjuhës Shqipe dhe Letërsisë, Albana Marku, e cila i ka udhëhequr me profesionalizëm dhe përkujdesje.
I urojmë të gjithë nxënësve suksese dhe rezultate sa më të mira në këtë provim të rëndësishëm! 🌟👏

📝🎓 Nxënësit e klasës së XII të shkollës “Tirana Jonë” zhvilluan sot provimin e Gjuhës Shqipe dhe Letërsisë, një nga provimet më të rëndësishme të Maturës Shtetërore.
Nën përkujdesjen dhe përkushtimin e vazhdueshëm të mësueses së Letërsisë, Albana Marku, maturantët u përgatitën me seriozitet dhe përgjegjësi për këtë sfidë të rëndësishme. Njohuritë e fituara gjatë viteve të shkollimit u reflektuan në këtë etapë të rëndësishme të rrugëtimit të tyre akademik.
I urojmë të gjithë maturantëve suksese dhe rezultate sa më të mira në provimin e Gjuhës Shqipe dhe Letërsisë, si edhe në të gjitha provimet e tjera të Maturës Shtetërore! 🌟📚
Suksese maturantëve tanë! 🎓✨

🏃‍♀️🎉 Lojërat Popullore në Shkollën "Tirana Jonë" 🎉🏃‍♂️
Nxënësit e ciklit të ulët të shkollës "Tirana Jonë" zhvilluan me shumë entuziazëm dhe energji aktivitetin e lojërave popullore, duke sjellë në jetë traditat dhe vlerat e trashëgimisë sonë kulturore. 🌟
Nën kujdesin dhe organizimin e mësuesve të edukimit fizik, Romina dhe Sotiraq, fëmijët morën pjesë në lojëra argëtuese dhe bashkëpunuese, duke treguar shpirt gare, respekt dhe punë në grup. 🤝🏅
Ky aktivitet u shndërrua në një ditë plot buzëqeshje, gëzim dhe emocione të bukura, duke kontribuar në zhvillimin fizik dhe social të nxënësve. 👏😊
Urime të gjithë pjesëmarrësve për energjinë dhe përkushtimin e treguar! 🌈🎊 🏃‍♀️🏃‍♂️🏅

🌍♻️ DITA NDËRKOMBËTARE E MBROJTJES SË MJEDISIT ♻️🌍

Në kuadër të aktiviteteve për Ditën Ndërkombëtare të Mbrojtjes së Mjedisit, nxënësit e klasave IX, X dhe XI prezantuan posterat dhe projektet e tyre, duke ndërthurur njohuritë e fituara në lëndën e Kimisë me ndërgjegjësimin qytetar për mbrojtjen e mjedisit dhe zhvillimin e qëndrueshëm.

Përmes temave si:
🧪 Kimia në jetën e përditshme, Shkenca që na shërben çdo ditë, klasa IX;
🌱 Nga nafta te jeta moderne – hidrokarburet, polimerët dhe kujdesi për planetin, klasa XI
💊 Substancat kimike në kozmetikë dhe ndikimi i tyre në shëndet dhe mjedis, ndërgjegjësimi shkencor dhe përgjegjësia qytetare tek nxënësit, klasa X;

📚nxënësit treguan se kimia është një shkencë që na ndihmon të kuptojmë botën që na rrethon dhe të marrim vendime të përgjegjshme për të ardhmen.

Nxënësit kanë ndërtuar modelet 3D, duke vizualizuar strukturën hapësinore të përbërjeve organike, hidrokarbureve dhe rëndësinë e tyre në jetën e përditëshme.

Përmes punës kërkimore, krijimtarisë dhe prezantimeve shkencore, nxënësit dëshmuan se:
🌍 Njohuria shkencore nxit ndërgjegjësimin.
♻️ Ndërgjegjësimi nxit veprimin.
🌱 Veprimi mbron mjedisin dhe të ardhmen tonë.

Falënderojmë të gjithë nxënësit për përkushtimin, kreativitetin dhe mesazhet e vlefshme që përcollën për mbrojtjen e natyrës dhe përdorimin e përgjegjshëm të burimeve të planetit tonë.

Mësuese: Manjola Bani

🌍🧪♻️🌱

🌍♻️ Zëri i nxënësve për mjedisin!

Po ndajmë me ju mendimet, mesazhet dhe idetë e nxënësve, për ndërgjegjësimin në mbrojtjen për mjedisin.
Përmes njohurive të fituara në lëndën e Kimisë, ata reflektojnë mbi rëndësinë e zgjedhjeve të përgjegjëshme, kujdesit për natyrën dhe ndërtimit të një të ardhmeje më të gjelbër.
👏Mësuese Manjola Bani,
👏Asja Lleshaj,
👏Laura Muja,
👏Greis Shani,
👏Bora Bushati,
👏Era Dervishleri,
👏Julia Grabovari,
👏 Emi Banda