COD - Center For Openness And Dialogue

30/09/2026

Në Ditën Ndërkombëtare të Përkthimit, vlerësojmë përkthyesit për transportimin e kulturave të ndryshme dhe pasurisë që sjellin me letërsinë.

Në Bibliotekën e COD-it, librat e përkthyer në shqip nga gjuhë të ndryshme të botës janë një vlerë e veçantë e fondit të saj.

Në fondin e bibliotekës gjenden kryevepra si “Jul Cezari” përkthyer nga Fan Noli, “Eugjen Onjegin” përkthyer nga Lasgush Poradeci, “Eneida” përkthyer nga Mark Dema, “Komedia Hyjnore” përkthyer nga Mark Ndoja, “Poezi gjermane dhe austriake” përkthyer nga Petraq Kolevica e të tjera.

29/09/2026

Sot, në COD, biseduam për identitetin dhe imazhin duke nisur programin publik "Drejt Vetes".

Kë shoh në pasqyrë? Ishte pyetja që u diskutua me Dr. Mariola Bani, ku reflektuam mbi mënyrën se si e shohim veten, si na shohin të tjerët dhe çfarë ndikon në mënyrën se si ndërtojmë identitetin tonë, me nxënës nga gjimnazet “Petro Nini Luarasi”, “Qemal Stafa” dhe “Ismail Qemali”.
Përmes dy materialeve audiovizive, “Face Tweak” dhe “The Brain with David Eagleman” eksploruam imazhin, perceptimin dhe mënyrën se si truri ndërton atë që shohim dhe përjetojmë.

Gjatë takimit nxënësit ndanë përvoja personale mbi mënyrën se si opinioni i shoqërisë ka ndikuar në formimin e identitetit të tyre, duke u shprehur dhe për mënyrat që kanë ndjekur për të kapërcyer presionin e shoqërisë, duke besuar më shumë te vetja për të ndërtuar identitetin e tyre të vërtetë.

28/09/2026

Programi "Drejt Vetes" nis me takimin e parë me temën Identiteti dhe Imazhi, ku në fokus do të jetë eksplorimi i marrëdhënies së asaj që jemi, asaj që mendojmë se jemi dhe asaj që përpiqemi tu tregojmë të tjerëve.

E ftuar në këtë takim do të jetë Dr. Mariola Bani, mjeke psikiatre e specializuar në Psikiatrinë e Fëmijëve dhe Adoleshentëve, e cila do të ndajë perspektiva profesionale mbi identitetin, vetëperceptimin dhe mënyrën se si ndërtojmë marrëdhënien me veten.

Shihemi në takim!

25/09/2026

25/09/2026

Ka një moment kur rritja nuk është më thjesht të kuptosh botën rreth teje, por të fillosh të kuptosh veten.

“Drejt vetes” është programi më i ri në COD për rininë, i cili ju fton të ndaloni, reflektoni dhe eksploroni pyetjet që shpesh i mbajmë me vete: Kush jam? Çfarë më ndikon? Çfarë dua? Dhe sa nga jeta që po ndërtoj është vërtet e imja?

Përmes takimeve me psikologë dhe profesionistë të specializuar, programi prek temat e identitetit, marrëdhënieve, emocioneve, kufijve, vetëdhembshurisë, autonomisë dhe vizionit për të ardhmen.

Shihemi në COD.

24/09/2026

Patëm kënaqesinë të kishim të ftuar për takimin Diplomacia dhe Kultura, Sh.S.Znj. Elina Komini, Ambasadore e Greqisë në Shqipëri, në një bisedë dedikuar “Luftës kundër stereotipave”. 🇬🇷

Ambasadorja ndau mendime dhe reflektime personale mbi stereotipat gjinorë në diplomaci dhe shoqëri, duke theksuar se paragjykimet ekzistojnë si për gratë, ashtu edhe për burrat. Ajo nënvizoi rëndësinë e të mos pasurit frikë përballë stereotipave, duke mos lejuar që ato të përcaktojnë rrugëtimin personal dhe profesional.

“Karakteri dhe kompetenca nuk kanë gjini”, ishte një nga mesazhet që ajo dha, duke l theksuar se arritjet nuk përcaktohen nga gjinia, por nga vetë individi dhe mënyra e të vepruarit.

21/09/2026

Diplomacia dhe Kultura – Greqia 🇬🇷

COD ju fton në një takim me Ambasadoren e Greqisë në Shqipëri, Sh.S.Znj. Elina Komini, dedikuar rolit të kulturës dhe diplomacisë në ndikimin ndërkombëtar.

Në këtë takim do të diskutojmë mbi bashkëpunimin e vazhdueshëm mes Greqisë dhe Shqipërisë në fushën e diplomacisë kulturore, si dhe tejkalimin e stereotipeve dhe forcimin e mirëkuptimit mes dy shteteve, përmes dialogut dhe shkëmbimeve.

Ju mirëpresim! 🤝

19/09/2026

Dje, u hap ekspozita fotografike “Nënë Tereza: Një trashëgimi e përbashkët”, në kuadër të 70-vjetorit të marrëdhënieve diplomatike Shqipëri-Indi.

31 fotografi nga vizita e saj në Shqipëri dhe ceremonia e fundit në Kalkutë në 1997, sjellin në vëmendje jetën dhe trashëgiminë e Shën Nënë Terezës, shqiptare në rrënjë, indiane në mision dhe universale në mesazhin e saj të dashurisë, paqes dhe shërbimit ndaj njerëzimit.

Ekspozita do të jetë e hapur deri më 25 shtator 2026, ora 10:00-13:00.

18/09/2026

COD në bashkëpunim me fotografin e mirënjohur Enri Canaj, hap thirrjen për programin e mentorimit me temë “Fotografimi i Shqipërisë, histori, kujtesë dhe lidhje njerëzore”.

Ky program është konceptuar dhe hartuar për fotografë të rinj duke fotografuar realitetin shoqëror, kulturor dhe emocional e Shqipërisë së sotme.

Plotësoni formularin në link-un:
https://forms.gle/UtXEKdTwdYPV91SQ8

Ju mirëpresim! 📷

16/09/2026

Patëm kënaqësinë të kishim në një bisedë për romanin e tij “Turneu i Xhimi Hendriksit në Lviv”. Kurkov ndau një copë nga qyteti i Lviv, realist dhe plot humor, me personazhe dhe ngjarje dhe nga përditshmëria e Ukrainës sot.

“Sigurisht që përgjegjësia e një shkrimtari bëhet 100 herë më e dukshme dhe më e rëndësishme në kohë krizash dhe veçanërisht në kohë luftërash,” - u shpreh Kurkovi.

Ju mirëpresim në COD në të tjera takime me autorë dhe biseda letrare.