SoRi II- grupet vulnerabel

Aktiviteti i grupeve lëvizëse në bashkinë Elbasan, përgjatë muajit tetor 2021

3 Grupet lëvizëse në Elbasan kanë vizituar në muajin tetor 2021, njësitë administrative Gjergjan (Gjonme), Labinot- Mal, Funar, Zavalinë, Tregan dhe Gjinar. Familje në ndihmë ekonomike me fëmijë, të moshuar dhe mësues të shkollave nëntëvjeçare dhe të mesme, janë kontaktuar dhe informuar mbi ndikimin e pandemisë COVID 19 në mirëqenien mendore të prindërve, fëmijve dhe të moshuarve që jetojnë vetëm si dhe u janë shpërndarë materiale informative (manualen dhe fletëpalosje).

Aktiviteti i grupeve lëvizëse në bashkinë Vlorë, përgjatë muajit tetor 2021

Dy grupet lëvizëse të bashkisë Vlorë kanë kryer përgjatë muajit tetor 2021, vizita informuese dhe ndërgjegjësuese në njësitë administrative Qendër - Vlorë dhe Shushicë. Në këtë kuadër janë vizituar familje përfituese të ndihmës ekonomike dhe shkolla në njësitë e mësipërme administrative ku janë mbajtur takime të shkurtra informuese si dhe u shpërndanë manuale për mësuesit dhe prindërit.

Librazhd, momente pune te grupeve levizese ne tetor 2021.

Pamje nga takime me te moshuar, prinder e familje ne ndihme ekonomike

Momente pune te grupeve levizese ne bashkine Librazhd gjate muajit tetor 2021.

Takime me mesuesit e shkollave ne Dragostunje, Lunil, Dorez dhe Polis.

Aktiviteti i grupeve lëvizëse në bashkinë Librazhd përgjatë muajit tetor 2021

Në muajin tetor 2021, grupet lëvizëse të bashkisë Librazhd kanë kryer aktivitete informimi mbi ndikimin e pandemisë COVID 19 në shëndetin mendor të familjeve në nevojë ekonomike, të familjeve me fëmijë dhe të të moshuarve të vetmuar në njësitë administrative Qendër-Librazhd, Lunik, Polis dhe Librazhd qytet.
Gjithashtu grupet lëvizëse kanë shpërndarë materiale informuese edhe tek zyrat e ndihmës ekonomike në zonat rurale, me qëllim rritjen e aksesit në informacion, nga kategori në nevojë që jetojnë në pjesën rurale.

Aktiviteti i grupeve lëvizëse në bashkinë Elbasan përgjatë muajit shtator 2021

Gjatë muajit shtator 2021, 3 grupet lëvizëse në Elbasan kanë vizituar 48 familje në ndihmë ekonomike dhe me fëmijë, 50 të moshuar frekuentues të qendrës ‘’Balashe’’ dhe disa shkolla në qytetin e Elbasanit dhe qendrat e njësive administrative Bradashesh, Shirgjan, Papër dhe Labinot- Fushë. Gjatë vizitave në familje, grupet lëvizëse kanë shpërndarë për prindërit, materiale informative (manualin dhe fletëpalosjen për prindërit). Pjesë e aktivitetit informues dhe ndërgjegjësues ka qenë edhe qendra ‘’Balashe’’, ku të moshuarve që frekuentojnë këtë qendër, iu dhuruan manualet dhe fletëpalosjet informative mbi menaxhimin e stresit dhe frikës së krijuar nga pandemia COVID 19.
Një shkollë në qytetin e Elbasanit dhe tre shkolla në zonat rurale ishin gjithashtu objekt i vizitave të grupit lëvizës. Në katër shkolla (në qytetin e Elbasanit, në Bradashesh, në Funar, Shushicë dhe Papër) u shpërndanë manuali për mësuesit ndërsa në shkollat në Shushicë dhe Papër u organizuan takime me një numë të kufizuar prindërish, tema e të cilëve konsistonte në identifikimin dhe menaxhimin e stresit të krijuar nga pandemia COVID 19 tek vetja dhe fëmijët e tyre.

Aktiviteti i grupeve lëvizëse në bashkinë Vlorë, përgjatë muajit shtator 2021

Grupet lëvizëse në bashkinë Vlorë kanë kryer vizita informuese dhe ndërgjegjësuese në njësitë administrative Orikum dhe Novoselë. Vizita janë kryer në zyrat e Ndihmës Ekonomike dhe Shërbimeve Sociale të Orikumit dhe Novoselës, si edhe jane vizituar familje përfituese të Ndihmës Ekonomike dhe dyqane që frekuentohen nga banorë të komunitetit. Pjesë e aktivitetit të grupeve lëvizëse kanë qenë edhe shkollat, në të cilat janë shpërndare materiale informative për mësuesit dhe prindërit e nxënësve të shkollës përkatëse.

Aktiviteti i grupeve lëvizëse në bashkinë Librazhd përgjatë muajit shtator 2021

Gjatë muajit shtator 2021, grupet lëvizëse kanë kryer aktivitete informimi mbi ndikimin e pandemisë COVID 19 në shëndetin mendor të familjeve në nevojë ekonomike, tek familjet me fëmijë dhe tek të moshuarit e vetmuar. Format e informimit kanë qenë të ndryshme duke përfshirë takimet në shkolla, vizitat në familje, pjesëmarrjet në panairin lokal të mjaltit dhe prezantimin e shpërndarjen e materialeve informuese. Gjithashtu grupi lëvizës ka shpërndarë materiale informuese edhe tek zyrat e ndihmës ekonomike në zonat rurale, me qëllim rritjen e aksesit në informacion nga kategori në nevojë që jetojnë në zonën rurale.

Vlorë, Elbasan e Librazhd, trajnime me mësues e psikologë në kuadër të projektit “Rritja e mbrojtjes dhe e reziliencës së grupeve në nevojë përgjatë pandemisë COVID 19"

Gjatë muajit shtator janë kryer 6 trajnime njëditore me mësues dhe psikologë të shkollave në bashkitë e Vlorës, Elbasanit dhe Librazhdit. Sipas të dhënave, në total janë trajnuar 65 mësues e psikologë, në kuadër të projektit "Rritja e mbrojtjes dhe e reziliencës së grupeve në nevojë përgjatë pandemisë COVID 19".
Trajnimet janë zhvilluar përkatësisht në datat 3 dhe 7 shtator 2021 ( Vlorë); 9 dhe 10 shtator 2021 (Elbasan) dhe 13 dhe 14 shtator 2021 (Librazhd)
QËLLIMI DHE OBJEKTIVAT e TRAJNIMEVE
Rritja e mbrojtjes dhe e rezistencës së grupeve në nevojë gjatë pandemisë COVID 19. Objektivi i parë është të sigurojë udhëzime për mësuesit dhe psikologët e shkollave për të mbështetur shëndetin mendor dhe mirëqenien e nxënësve nën dritën e ndikimit të pandemisë COVID-19. Objektivi i dytë është të rrisë ndërgjegjësimin e mësuesve të shkollave për efektin pas traumave tek fëmijët pas COVID 19 si ankthi, stresi dhe paniku në mënyrë që ata të mund të mbështesin nxënësit e shkollës duke zbatuar teknika të thjeshta dhe lojëra relaksuese
Pjesëmarrës në këto trajnime ishin mësues dhe psikologë të sistemit publik parauniversitar.
Ata u trajnuan ndër të tjera për/rreth:
Pandemia Covid 19 si një situatë emergjente e cila ndikon në shkollë tek fëmijët dhe mësuesi: Si mund të punohet me fëmijët pas pandemisë COVID, 19? Cilat janë sfidat me të cilat përballen fëmijët gjatë situatës pandemike? Cilat janë mënyrat dhe hapat më të mirë që mund të ndiqen duke punuar me fëmijë të ndryshëm? Shpjegimi i sfidave që rrjedhin nga situata emergjente dhe njohja e disa aktiviteteve konkrete për të mbështetur mirëqënien mendore dhe gjendjen emocionale te femijeve:
Reagimet te post -traumave tek fëmijëve, sipas grupmoshave. Kujt mund t'i drejtoheni për ndihmë nëse një fëmijë ka vështirësi dhe nevoja? Cilat janë shenjat e stresit pas traumës tek fëmijët e moshave të ndryshme dhe reagimi në sjellje, ndaj frikës dhe stresit. Hapa konkretë që duhen ndjekur nëse një mësues identifikon fëmijë në nevojë, në shkollë.
Për pjesëmarrësit në trajnime u ofruan edhe këshilla të vetëkujdesjes për mësuesit; Sugjerime për mësuesit se si të kujdesen për veten dhe teknika për t’u rikuperuar. Gjithashtu u kryen ushtrime praktike për relaksimin e trupit dhe trurit për mësuesit dhe fëmijët.

Vijon me efikasitet projekti “Rritja e mbrojtjes dhe e reziliencës së grupeve në nevojë përgjatë pandemisë COVID 19" duke kryer e zhvilluar një sërë trajnimesh. Vetëm gjatë muajit që lamë pas janë zhvilluar 6 trajnime me mësues e psikologë në bashkinë Vlorë, atë të Elbasanit dhe Librazhdit.
Qëllimi dhe objektivat e trajnimeve konsistonin në: 1. Sigurimin e udhëzimeve për mësuesit dhe psikologët e shkollave për të mbështetur shëndetin mendor dhe mirëqenien e nxënësve nën dritën e ndikimit të pandemisë COVID-19.
2. Rritja e ndërgjegjësimit të mësuesve të shkollave për efektin pas traumave tek fëmijët pas COVID 19 si ankthi, stresi dhe paniku në mënyrë që ata të mund të mbështesin nxënësit e shkollës duke zbatuar teknika të thjeshta dhe lojëra relaksuese. Pjesëmarrës në këto trajnime ishin mësues dhe psikologë të sistemit publik parauniversitar.

Në kuadër të projektit "Rritja e mbrojtjes dhe e reziliencës së grupeve në nevojë përgjatë pandemisë COVID 19", në datat 5/10/13 gusht 2021, përkatësisht në bashkitë Librazhd, Elbasan dhe Vlorë u dorëzuan materialet informative të përgatitura nga ky projekt.
Materialet e shpërndara janë si më poshtë vijon:

1) manuali për prindërit (3 000 copë)
2) manuali për të moshuarit (1 000 copë)
3) manuali për mësuesit (1 000 copë)
4) fletëpalosja për prindërit (3 000 copë)
dhe
(5) fletëpalosja për të moshuarit (1000 copë)

Shpërndahen materialet informuese të përgatitura nga projekti ‘’Rritja e mbrojtjes dhe e reziliencës së grupeve në nevojë përgjatë pandemisë COVID 19" në Librazhd, Elbasan e Vlorë

............................................................................................................

Në kuadër të projektit "Rritja e mbrojtjes dhe e reziliencës së grupeve në nevojë përgjatë pandemisë COVID 19", në datat 5/10/13 gusht 2021, përkatësisht në bashkitë Librazhd, Elbasan dhe Vlorë u dorëzuan materialet informative të përgatitura nga ky projekt.
Materialet e shpërndara janë si më poshtë vijon:

1) manuali për prindërit (3 000 copë)
2) manuali për të moshuarit (1 000 copë)
3) manuali për mësuesit (1 000 copë)
4) fletëpalosja për prindërit (3 000 copë)
dhe
(5) fletëpalosja për të moshuarit (1000 copë)

Ndërkohë bashkitë respektive janë duke hartuar planin e shpërndarjes tek përfituesit finalë. Përgjatë muajve shtator dhe tetor (2021) bashkitë e mësipërme dhe drejtoritë vendore të arsimit, do të realizojnë shpërndarjen e materialeve informuese tek grupet në nevojë (familje në nevojë ekonomike me fëmijë e familje me të moshuar të vetmuar) dhe stafet mësimore në shkollat publike të sistemit parauniversitar. Materialet do të jepen falas.