Gjimnazi "Sami Frashëri", Tiranë - Faqja Zyrtare

🔴NJOFTIM I RËNDËSISHËM - 👩‍🎓📝

📌 Rezultatet e provimit të Gjuhës Shqipe dhe Letërsisë për Maturën Shtetërore 2026 janë shpallur zyrtarisht nga Qendra e Shërbimeve Arsimore 📚🏫
​
🔗 Klikoni në link për të parë vlerësimet:https://qsha.gov.al/wp-content/uploads/2026/06/Publikimi-i-Rezultateve-D1.pdf

👩‍🎓🧑‍🎓 Matura Shtetërore 2026! 👩‍🎓🧑‍🎓

Finalizuam sot me sukses, provimin e radhës të Maturës Shtetërore 2026, provimin e Matematikës.

Drejtoria e shkollës dhe stafi pedagogjik, i urojnē nga ❤️ maturantëve tanë ❤️👩‍🎓👨‍🎓, shumë suksese edhe në provimin e Lëndës me Zgjedhje!

Të dashur maturantë 👩‍🎓🧑‍🎓❤️🌟🏢🏆,

Nesër sfida e rradhës e “Finales së Madhe” të rrugëtimit tuaj të deritanishëm akademik, provimi i Matematikës.

Ju urojmë shumë suksese, qetësi dhe vetëbesim gjatë gjithë procesit të provimit. Besoni tek njohuritë, përgatitja juaj dhe puna që bëhet në shkollë për rritjen dhe suksesin tuaj. Respektoni të gjitha rregullat e provimit të parashikuara në Rregulloren e MSH për mbarëvajtjen e procesit, përqëndrohuni me kujdes, besim e qetësi në çdo pyetje dhe jepni më të mirën nga vetja.

Le të jetë ky test i rradhës një mundësi për të treguar punën, përkushtimin dhe aftësitë që kemi ndërtuar çdo ditë së bashku.

Ju urojmë shumë suksese dhe rezultate të shkëlqyera 🙏🌟!

Suksesi është me ju ❤️🌟🥇!

Mjediset gati!

Të dashur nxënës, të nderuar prindër dhe të dashur kolegë!

Sot, me përfundimin e vitit shkollor, ndalemi për një moment për të reflektuar mbi rrugëtimin që kemi bërë së bashku gjatë këtij viti shlollor.

Sot është një ditë e veçantë, e mbushur me emocione, krenari dhe mirënjohje, sepse mbyllim një kapitull të rëndësishëm të jetës sonë shkollore dhe njëkohësisht hapim rrugën drejt sfidave dhe mundësive të reja që na presin.

Çdo vit shkollor është një histori më vete. Ai përbëhet nga mijëra momente të vogla që së bashku krijojnë kujtime të paharrueshme. Emocionet e takimeve të reja, përpjekjet për të fituar njohuri, projektet, aktivitetet, garat, sukseset dhe sfidat na kanë ndihmuar të rritemi edhe gjatë këtij viti. Ky vit nuk ishte thjesht një periudhë mësimi në klasa, por një rrugëtim i përbashkët në të cilin secili prej nesh dha kontributin e tij për ta bërë shkollën një vend më të mirë, më të ngrohtë dhe më frymëzues.

Të dashur nxënës,

Ju jeni zemra e shkollës sonë. Çdo ditë sillni energji, kuriozitet, ëndrra dhe shpresë. Gjatë këtij viti keni treguar se suksesi nuk arrihet vetëm me talent, por mbi të gjitha me punë, përkushtim dhe këmbëngulje. Disa prej jush kanë arritur rezultate të shkëlqyera në mësime, të tjerë janë dalluar në aktivitete kulturore, artistike apo sportive, ndërsa shumë prej jush kanë fituar diçka po aq të rëndësishme: besimin në vetvete dhe guximin për të mos u dorëzuar përballë vështirësive.

Ju përgëzojmë për çdo përpjekje që keni bërë, për çdo sfidë që keni kapërcyer dhe për çdo hap që keni hedhur drejt formimit tuaj. Mos harroni se notat janë të rëndësishme, por edhe më e rëndësishme është të bëheni njerëz me vlera, me integritet, respekt dhe përgjegjësi. Shkolla nuk është vetëm vendi ku mësohet, por edhe vendi ku formohet karakteri, ku ndërtohen miqësi dhe ku kultivohen ëndrrat e pasionet.

Një përshëndetje dhe urim i veçantë shkon për maturantët tanë që përfundojnë një etapë të rëndësishme të arsimit të tyre dhe do të vazhdojnë rrugën drejt sfidave të reja. Maturantët tanë po largoheni nga kjo shkollë duke marrë me vete jo vetëm njohuri, por edhe kujtime, përvoja dhe mësime jetësore që do ti shoqërojnë kudo.

Të nderuar prindër,

Asnjë sukses në edukim nuk mund të arrihet pa bashkëpunimin e ngushtë ndërmjet shkollës dhe familjes. Ju falenderojmë për besimin që na keni dhënë, për mbështetjen e vazhdueshme dhe për partneritetin që kemi ndërtuar në interesin më të mirë të fëmijëve tanë.
Roli juaj është i pazëvendësueshëm. Dashuria, kujdesi dhe përkushtimi që u kushtoni fëmijëve tuaj janë baza mbi të cilën ndërtohen sukseset e tyre. Bashkëpunimi juaj me shkollën ka qenë një faktor i rëndësishëm në krijimin e një mjedisi edukativ të shëndetshëm dhe produktiv. Ju falenderojmë për çdo përpjekje, çdo sakrificë dhe çdo mbështetje që keni dhënë gjatë këtij viti.

Të dashur kolegë,

Sukseset e këtij viti mbajnë vulën e punës sonë të palodhur. Mësuesi është shumë më tepër sesa një transmetues njohurish, ai është udhërrëfyes, motivues, edukator dhe model për brezat e rinj. Çdo orë mësimore e përgatitur me kujdes, çdo këshillë e dhënë me përkushtim dhe çdo përpjekje për të mbështetur nxënësit në rrugën e tyre të zhvillimit përbën një investim të çmuar për të ardhmen.

Falenderim dhe mirënjohje për profesionalizmin, durimin dhe përkushtimin që keni treguar gjatë gjithë vitit. Falë punës së përbashkët, shkolla jonë vazhdon të jetë një vend ku nxënësit ndihen të mbështetur dhe të motivuar për të arritur më të mirën e tyre. Puna jonë shpesh nuk matet me statistika apo rezultate të menjëhershme, por me ndikimin afatgjatë që lëmë në jetën e fëmijëve tanë.

Sot është gjithashtu një ditë falenderimi për të gjithë ata që kontribuojnë në sigurinë e mirëqënien e nxënësve tanë, si dhe në mirëfunksionimin e shkollës sonë, për oficerët e sigurisë, shërbimin psiko-social, shërbimin mjekësor dhe punonjësit e personelit e të shërbimit të shkollës.
Çdo sukses i arritur është rezultat i një pune në skuadër, i një vizioni të përbashkët dhe i dëshirës për të ofruar arsim cilësor dhe mundësi të barabarta për çdo nxënës.

Ndërsa po hyjmë në periudhën e pushimeve verore, ftojmë ncënësit tanë që pushimin ta përdorin për të rikuperuar energjitë dhe për t’u përgatitur për sfidat e reja. Lexoni, udhëtoni, eksploroni, mësoni gjëra të reja dhe krijoni kujtime të bukura. Përveç se një periudhë çlodhjeje, le të shërbejë kjo verë si një periudhë zhvillimi personal, kurioziteti dhe zbulimi.

Në fund, dëshirojmë të shprehim krenarinë tonë për gjithçka që kemi arritur së bashku gjatë këtij viti shkollor. Çdo arritje, çdo përparim dhe çdo moment i bukur është dëshmi e forcës së komunitetit tonë shkollor. Pavarësisht sfidave, kemi vazhduar të ecim përpara me besim, duke dëshmuar se kur punojmë së bashku, mund të arrijmë rezultate të jashtëzakonshme.

Urime për përfundimin me sukses të vitit shkollor 2025–2026! Pushime të mbara dhe një verë të mrekullueshme për të gjithë! Ju falenderojmë nga zemra për përkushtimin, bashkëpunimin dhe besimin tuaj.

Bashkë jemi më të mirët!

Me respekt dhe mirënjohje,

Drejtoria e shkollës.

P.s. Në vijim gjeni veprat letrare të cilat duhet ti lexoni dhe punoni gjatë pushimeve verore.

🏫📚Mësimi mbaroi, por shkollat verore na presin për të luajtur, për të krijuar dhe për të kaluar kohë cilësore me shokët dhe shoqet🎨🖼️

Nga 15 qershori📍, në bashkëpunim me World Vision Albania nisim programin e Shkollës Verore në 47 shkolla, si vijim i programit “Pas Shkolle”🖌️♟️⛹🏻‍♂️🧵 për t’i shndërruar shkollat në hapësira të dashura ku bëhet sport, aktivitete komunitare, art dhe zeje, shah, kodim, për pushime të bukura, por edhe aktive🧩💻🫟