Gjimnazi "Sami Frashëri", Tiranë - Faqja Zyrtare

28/09/2026

Takimet e Ekipeve Lëndore!

Disa momente nga takimi i rradhës së çdo Ekipi Lëndor në gjimnazin tonë.

Takimet e Ekipeve Lëndore, janë gjithmonë një mundësi për të bashkëpunuar, për të shkëmbyer ide e përvoja mes mësiesve dhe për të planifikuar së bashku hapat e ardhshëm.

📅 E premtja e fundit e muajit!
📚 Takimet e planifikuara të Ekipeve Lëndore!
🤝 Bashkëpunim • Përvojë • Planifikim • Cilësi!

26/09/2026

ZHVILLIMI I PROCESIT ZGJEDHOR DHE FORMIMI I QEVERISË SË NXËNËSVE NË GJIMNAZIN TONË!

Në kuadër të veprimtarive të parashikuara për përfshirjen dhe fuqizimin e zërit të nxënësve në jetën e shkollës, në gjimnazin tonë u zhvillua procesi zgjedhor për krijimin e Qeverisë së Nxënësve, një prej hallkave më të rëndësishme të funksionimit të një shkolle të suksesshme e me klimë mbështetëse e të shëndetshme.

Procesi u zhvillua në frymën e pjesëmarrjes, përgjegjshmërisë dhe bashkëpunimit, duke u dhënë nxënësve mundësinë të shprehin vullnetin e tyre dhe të kontribuojnë në përfaqësimin e interesave të komunitetit shkollor.

Pas përfundimit të procesit zgjedhor, Qeveria e Nxënësve, angazhohet në nisma dhe veprimtari që synojnë të nxisin pjesëmarrjen aktive të nxënësve, bashkëpunimin dhe një klimë sa më pozitive në shkollë.

Në vijim të këtij procesi, u zhvillua edhe zgjedhja e Sekretares së Qeverisë së Nxënësve, e cila do të ketë një rol të rëndësishëm në koordinimin, dokumentimin dhe mbarëvajtjen e veprimtarisë së Qeverisë së Nxënësve.

Falenderojmë të gjithë nxënësit për pjesëmarrjen, përgjegjshmërinë dhe angazhimin e tyre, si dhe stafin e shkollës për mbështetjen dhe kontributin në realizimin me sukses të këtij procesi.

Urime nga ❤️ Qeverisë së re të Nxënësve ❤️🏢 dhe suksese në angazhimet e saj!

Bashkë për të bërë gjëra të bukura dhe për të vazhduar traditën e suksesit 🏢❤️🥇🏆🌟!

25/09/2026

Në kuadër të programit “Pas Shkolle”, nxënësit tanë kanë mundësinë të angazhohen në veprimtari krijuese dhe edukative, të cilat pasurojnë përvojën e tyre përtej procesit mësimor.

🎭 Klubi i Teatrit
Përmes interpretimit, improvizimit dhe ushtrimeve skenike, nxënësit do të mund të zhvillojnë aftësitë e komunikimit, shprehjes dhe bashkëpunimit, duke kultivuar njëkohësisht imagjinatën dhe vetëbesimin.

🎨 Klubi i Artit Pamor
Një hapësirë për të eksploruar ngjyrën, formën dhe teknikat artistike. Nëpërmjet krijimtarisë, nxënësit tanë do të mund të zhvillojnë ndjeshmërinë estetike, përqendrimin dhe aftësinë për të shprehur individualitetin e tyre përmes artit.

Programi “Pas Shkolle” synon të krijojë mundësi të qëndrueshme për zhvillimin e talenteve, të aftësive sociale dhe të potencialit krijues të çdo nxënësi.

Të mësuarit përtej klasës – një hapësirë për të krijuar dhe zhvilluar.

25/09/2026

🌍📚 Dita Evropiane e Gjuhëve, një festë e gjuhëve, kulturave dhe komunikimit 🗣️🇪🇺!

Çdo vit, më 26 shtator, në të gjithë Evropën kremtohet Dita Evropiane e Gjuhëve, një ditë që synon të promovojë shumëgjuhësinë, të nxiturit e të mësuarit të gjuhëve të huaja dhe vlerësimin e pasurisë së jashtëzakonshme kulturore që sjell diversiteti gjuhësor🌎✨.

Edhe tek ne kjo ditë u shënua me entuziazëm, kreativitet dhe aktivitete të larmishme, duke i dhënë mundësi nxënësve të shprehin njohuritë dhe aftësitë e tyre gjuhësore e artistike 🎨📖🎤.

Përmes prezantimeve, posterave, muzikës, interpretimit, intervistave, punimeve krijuese, mesazheve dhe shprehjeve në gjuhë të ndryshme, nxënësit theksuan faktin se pas çdo gjuhe fshihet një botë e veçantë me histori, tradita dhe kultura të ndryshme.

Aktiviteti përcolli idenë se të njohësh një gjuhë të huaj nuk do të thotë vetëm të mësosh fjalë e rregulla gramatikore, por edhe të komunikosh, të kuptosh dhe të respektosh njerëz dhe kultura të tjera. 🤝🌍

💬 “Sa më shumë gjuhë të njohim, aq më shumë zbulojmë për vete, për njëri-tjetrin dhe për botën.”

Kjo ditë ishte një mundësi e bukur për të përcjellë tek nxënësit rëndësinë e gjuhëve në jetën e përditshme, në arsim, në komunikim dhe në ndërtimin e urave mes njerëzve. Çdo gjuhë e mësuar është një dritare e re drejt një kulture dhe një mundësi më shumë për të komunikuar me botën. 🌐❤️

👏 Falenderojmë nxënësit për përkushtimin, kreativitetin dhe pjesëmarrjen e tyre, si dhe zysh Eklenën, zysh Blertën, mësueset kujdestare dhe mësueset e Ekipit Lëndor të Gjuhëve të Huaja për punën dhe përkushtimin në organizimin e këtyre aktiviteteve.

🌍 Gjuhët na bashkojnë! Zbulojmë kultura të reja dhe ndërtojmë ura komunikimi e miqësie!
🗣️ Flasim më shumë, kuptojmë më shumë, zbulojmë më shumë!

25/09/2026

🎓❤️ Një rikthim i paharruar, sërish Matura 1976 🌟

50 vite më parë, në korridoret dhe klasat e gjimnazit “Sami Frashëri”, një brez i ri maturantësh përmbyllte një nga kapitujt më të bukur të jetës së tyre. Sot, pas pesë dekadash, ata u rikthyen aty ku gjithçka kishte nisur. 🏫📚!

Ish-maturantët e vitit 1976 u mblodhën sërish në shkollën e tyre të ❤️, duke sjellë me vete kujtime të çmuara, histori nga vitet e rinisë dhe emocionin e veçantë të një takimi pas kaq shumë vitesh.

Ishte një ditë ku koha dukej sikur u kthye pas… Bisedat, buzëqeshjet, përqafimet dhe kujtimet e përbashkëta sollën sërish gjallërinë e atyre viteve. Çdo takim me një shok apo shoqe të bankës riktheu një copëz nga jeta shkollore dhe nga një periudhë që mbetet e paharruar në kujtesën e secilit. ✨

🎓 Matura 1976 përfaqëson një prej shumë brezave që kanë lënë gjurmën e vet në kohë. Sot, pas 50 vitesh, ata dëshmuan se vitet mund të kalojnë, por miqësia, respekti dhe lidhja me shkollën mbeten të forta.

🏫❤️ Për “Sami Frashërin”, rikthimi i alumni-ve është gjithmonë një moment krenarie. Ata janë pjesë e bukur dhe jetësore e historisë së shkollës sonë dhe një dëshmi e gjallë e brezave të suksesshëm që kanë kaluar në bankat e saj.

Ky takim nuk ishte vetëm një përvjetor. Ishte një festë e miqësisë, e kujtimeve dhe e një jete të ndarë dikur në të njëjtat klasa e banka 🌟.

👏 Mirënjohje për maturantët e vitit 1976 që rikthehen në shkollën e tyre dhe na kujtojnë se disa vende nuk i lëmë kurrë pas, sepse ato mbeten përgjithmonë pjesë e historisë sonë.

🌟 50 vite nga Matura 1976 – një brez që koha nuk e ndau, por e bashkoi sërish në “Samiun” e ❤️!

Nga ❤️ urojmë për të gjithë maturantët e këtij brezi shëndet, jetë të gjatë, sukses, gëzim dhe sa më shumë takime të bukura mes miqsh!

🎓❤️🏫

25/09/2026

24/09/2026

🎓 BURSË E EKSELENCËS PËR NXËNËSIT ME ARRITJE TË SHKËLQYERA

Bazuar në Vendimin nr. 116, datë 27.09.2018, “Për mbështetjen financiare të nxënësve me arritje të shkëlqyera në shkollat publike të Bashkisë Tiranë”, bëhen të ditura kriteret për përfitimin e bursës së ekselencës dhe dokumentacioni i nevojshëm.

📌 DOKUMENTACIONI I NEVOJSHËM:
1. Dëftesa e vitit mësimor 2025–2026, e shkarkuar nga e-Albania, me vulë elektronike.
2. Vërtetim nga drejtoria e shkollës për vazhdimin e arsimit në vitin shkollor 2026–2027.
3. Certifikatë personale e tre muajve të fundit për nxënësit nën 16 vjeç, e shkarkuar nga e-Albania, me vulë elektronike; ose fotokopje e kartës së identitetit për nxënësit mbi 16 vjeç.
4. Certifikatë familjare, e shkarkuar nga e-Albania, me vulë elektronike.

📍 Dorëzimi i dokumentacionit:

Dokumentacioni duhet të dorëzohet pranë institucioneve arsimore përkatëse.

🌟 Mbështesim ekselencën, vlerësojmë përkushtimin dhe inkurajojmë çdo nxënës të synojë rezultate të larta!