Shkolla 9-vjeçare “7 Marsi”, Tiranë- faqja zyrtare

Shkolla Verore hapi dyert e saj, duke mirëpritur nxënësit me një program të pasur aktivitetesh edukative, sportive, artistike dhe argëtuese.
Një moment i veçantë i kësaj dite ishte vizita e zëvendësministreve të Arsimit, znj. Orjana Osmani dhe znj. Herida Duro, të cilat ndoqën nga afër zhvillimin e aktiviteteve dhe u njohën me angazhimin e nxënësve dhe stafit të shkollës.
Shprehim mirënjohjen dhe falënderimet tona të sinqerta për mbështetjen, vlerësimin dhe inkurajimin që ato i japin nismave që synojnë zhvillimin dhe mirëqenien e fëmijëve. Prania e tyre ishte një motivim i veçantë për të gjithë pjesëmarrësit.
Urojmë që kjo periudhë e shkollës verore të jetë e mbushur me mësim, krijimtari, miqësi dhe përvoja të bukura për të gjithë nxënësit! 🌟📚🎨⚽️

📢 NJOFTIM PËR KAMPIN VEROR
Të nderuar nxënës dhe prindër,
Ju informojmë se Kampi Veror i shkollës sonë do të zhvillohet në periudhën 15 – 30 qershor, çdo ditë nga ora 08:30 deri në 12:30.
Gjatë kampit, nxënësit do të kenë mundësinë të marrin pjesë në aktivitete edukative, sportive, argëtuese dhe krijuese, të organizuara nga mësuesit e shkollës.
Ftojmë të gjithë nxënësit e regjistruar të jenë të pranishëm në ditën e parë të kampit, më 15 qershor, në orën 08:30.
Ju urojmë ditë të mbushura me mësim, argëtim dhe eksperienca të bukura!
Drejtoria e Shkollës

Urime dhe përgëzime për mësuese Marien dhe Korin e Shkollës, të cilët na përfaqësuan me dinjitet në konkursin ndërmjet shkollave të Tiranës, duke sjellë me vete një çmim të merituar! 🎶🏆
Ky sukses është rezultat i talentit, përkushtimit, punës së vazhdueshme dhe pasionit për muzikën. Jemi krenarë për nxënësit tanë që dhanë më të mirën në skenë dhe për mësuese Marien, e cila me profesionalizëm dhe përkushtim i udhëhoqi drejt këtij arritjeje të bukur.
Faleminderit për emocionet, përfaqësimin e shkëlqyer dhe për krenarinë që i sollët shkollës sonë. Ju urojmë suksese të tjera edhe më të mëdha në të ardhmen! 👏🌟🎵

Mbyllet me sukses edhe kjo javë e programit Pas Shkolle, falë punës së palodhur, përkushtimit dhe profesionalizmit të mësuesve tanë.
Gjatë kësaj jave, nxënësit morën pjesë në aktivitete të ndryshme edukative, artistike, sportive dhe argëtuese, duke zhvilluar aftësi të reja, duke bashkëpunuar me njëri-tjetrin dhe duke kaluar kohë cilësore në mjedisin shkollor.
Një falënderim i veçantë shkon për të gjithë mësuesit, të cilët me energjinë, kreativitetin dhe përkujdesjen e tyre bëjnë të mundur që programi Pas Shkolle të jetë një përvojë e vlefshme dhe frymëzuese për çdo nxënës.
Mirënjohje për punën dhe përkushtimin tuaj të vazhdueshëm! 👏📚🌟

Traditat dhe zakonet shqiptare 🇦🇱
Nxënësit e klasës 5A nën drejtimin e mësuese Valit, realizuan me shumë përkushtim projektin me temë “Traditat dhe Zakonet Shqiptare”. Përmes kërkimeve, materialeve informuese, punimeve krijuese dhe prezantimeve, ata njohën më nga afër vlerat e trashëgimisë sonë kulturore, veshjet popullore, festat tradicionale, këngët, vallet dhe zakonet që janë ruajtur brez pas brezi.
Ky projekt ishte një mundësi e shkëlqyer për të forcuar ndjenjën e identitetit kombëtar, për të vlerësuar kulturën shqiptare dhe për të zhvilluar aftësitë bashkëpunuese e prezantuese të nxënësve.
Urime nxënësve të klasës 5B për punën e palodhur dhe mësuese Valit për udhëheqjen dhe përkushtimin në realizimin e këtij projekti të bukur edukativ!
👏📚🇦🇱