Instituti i Studimeve Islame

03/09/2026

📢 NJOFTIM

HAPEN REGJISTRIMET PËR VITIN AKADEMIK 2026–2027

Instituti i Studimeve Islame “Hafiz Sabri Koçi” hap regjistrimet për programin e tij në formimin njohurive islame për vitin akademik 2026–2027.

I themeluar nga Komuniteti Mysliman i Shqipërisë, Instituti tashmë hyn në vitin e gjashtë të veprimtarisë, duke ofruar një mundësi për të gjithë ata që dëshirojnë të thellojnë njohuritë e tyre islame dhe për kuadrot e Myftinive të Shqipërisë që synojnë përmirësimin e formimit të tyre profesional.

Gjatë këtyre viteve, Instituti ka kontribuar në formimin dhe certifikimin e rreth 180 studentëve, meshkuj dhe femra, të cilët kanë përfunduar me sukses programin e studimeve.

Stafi ynë mësimdhënës përbëhet nga akademikë të studimeve islame dhe myftinj e hoxhallarë me eksperiencë të gjatë, të cilët do të jenë në dispozicion të studentëve të rinj.

📚 LËNDËT E PROGRAMIT

Programi përfshin lëndët si:
• Kurani Famëlartë
• Hadith
• Tefsir
• Fikh
• Akide
• Hitabet
• Histori Islame
• Morali Islam

💻🏫 SI ZHVILLOHET PROGRAMI?

Mësimi zhvillohet në një format të kombinuar:

ONLINE – mësime të rregullta gjatë javës
FIZIKISHT – një herë në muaj, në ambientet e Institutit të Studimeve Islame.

Ky organizim mundëson që programin ta ndjekin edhe personat që jetojnë jashtë Tiranës ose kanë angazhime të tjera gjatë javës.

👥 KUSH MUND TË APLIKOJË?

Regjistrimet janë të hapura për burra dhe gra, nga mosha 15 deri në 45 vjeç.

📅 Afati i regjistrimit: deri më 30 shtator

📞 Për më shumë informacion dhe për mënyrën e regjistrimit, kontaktoni numrin tonë të telefonit në WhatsApp:

069 663 0308

Ju ftojmë të bëheni pjesë e këtij rrugëtimi të dijes, formimit dhe edukimit islam.

insi.al

SELAM ALEJKUM!

29/05/2026

Qëndrim publik mbi udhëzimin për terapinë hormonale te të miturit

Komuniteti Mysliman i Shqipërisë po ndjek me shqetësim të thellë debatin publik të krijuar pas publikimit të udhëzimit të Ministrisë së Shëndetësisë në tërësi, dhe në veçanti pjesën, ku ndër të tjera thuhet: “Terapia mund të nisë nga mosha 16 vjeç, ndërsa në raste të veçanta, mund të konsiderohet edhe nga mosha 14 vjeç.”

Ashtu sikurse kemi qëndruar publikisht kundër ligjit të ashtuquajtur për barazinë gjinore, i mbetemi koherent qëndrimit kundër edhe derivateve të tjera të tij, siç është rasti konkret.

Udhëzime të tilla përbëjnë një çështje jashtëzakonisht delikate, që prek drejtpërdrejt zhvillimin fizik, emocional dhe psikologjik sidomos të fëmijëve dhe adoleshentëve tanë. Për këtë arsye, çdo hap institucional në këtë drejtim duhet të trajtohet me kujdes maksimal, përgjegjësi të lartë dhe ndjeshmëri ndaj vlerave të shoqërisë shqiptare.

Komuniteti Mysliman i Shqipërisë shpreh kundërshtimin e tij ndaj çdo qasjeje që hap rrugë për ndërhyrje hormonale në mosha të tilla.

Ne besojmë se të miturit nuk duhet të vendosen përballë proceseve me pasoja të thella dhe afatgjata për jetën e tyre, në një periudhë kur personaliteti dhe identiteti i tyre janë ende në formim.

Fëmijët kanë nevojë për mbrojtje, orientim, mbështetje familjare dhe kujdes profesional të përgjegjshëm.

Shoqëria jonë nuk duhet të normalizojë praktika që krijojnë paqartësi dhe tension social në raport me natyrën njerëzore, familjen dhe edukimin e brezave të rinj.

KMSH i bën thirrje institucioneve shtetërore, profesionistëve të shëndetit, prindërve dhe gjithë aktorëve shoqërorë që çështje të tilla të mos trajtohen me nxitim apo nën ndikimin e trendeve ideologjike të përkohëshme, por me maturi, dialog të gjerë dhe përgjegjësi kombëtare.

Ne qëndrojmë pranë shqetësimit të shumë prindërve dhe besimtarëve, të cilët kërkojnë ruajtjen e vlerave familjare, mbrojtjen e fëmijëve dhe respektimin e ndjeshmërisë morale e kulturore të shoqërisë sonë.

14/05/2026

Hafiz Sabri Koçi (14 maj 1921 – 18 qershor 2004), kryetari i parë i Komunitetit Mysliman të Shqipërisë pas rënies së komunizmit 1991-2004.

Një figurë simbol e qëndresës, besimit dhe përkushtimit ndaj fesë dhe kombit, ai kaloi 22 vite në burgjet e regjimit komunist për shkak të bindjeve të tij fetare. Pas rikthimit të lirisë fetare, u bë ndër nismëtarët kryesorë të rihapjes së institucioneve islame dhe ringjalljes së jetës fetare në Shqipëri. Kontributi i tij në forcimin e harmonisë, edukimit fetar dhe organizimit të Komunitetit Mysliman mbetet një trashëgimi e vyer për besimtarët dhe gjithë shoqërinë shqiptare.

Allahu e mëshiroftë! 🤲

📺 Ndiqni dokumentarin përmbledhës mbi jetën dhe veprën e tij: https://www.youtube.com/watch?v=M5gYVdWn0cU

26/04/2026

DHURIMI I QUMËSHTIT TË GJIRIT NË ISLAM

Hyrje Çështja e dhurimit të qumështit të gjirit është bërë objekt diskutimi të shtuar në kohët moderne, sidomos me shfaqjen e bankave të qumështit dhe praktikave të reja mjekësore që nuk kanë qenë të njohura në të kaluarën. Në Islam, kjo temë nuk trajtohet vetëm si çështj...

01/11/2025

27/09/2025

Instituti i Studimeve Islame “Hafiz Sabri Koçi”, organ i Komunitetit Mysliman të Shqipërisë, çeli këtë fundjavë vitin e ri akademik 2025-2026 të programit njëvjeçar të njohurive bazë fetare. Ky është viti i pestë që organizohet ky program, i cili ka tërhequr rreth 40 pjesëmarrës, burra dhe gra nga mosha 15 deri në 45 vjeç, të ardhur nga qytete të ndryshme të vendit.

Programi do të zhvillohet në mënyrë të kombinuar, si fizikisht ashtu edhe online, duke i ardhur në ndihmë studentëve që vijnë nga zona të largëta.

Në ceremoninë e hapjes, Kryetari i KMSH-së, H. Bujar Spahiu, uroi studentët për nisjen e këtij rrugëtimi, duke theksuar se ky program u jep të rinjve dhe të rejave mundësinë të ndërtojnë një bazë solide në diturinë fetare islame, të cilën mund ta përdorin si busull në jetën e tyre shpirtërore dhe shoqërore.

Nënkryetari i KMSH-së, z. Taulant Bica, prezantoi strukturën e kursit dhe nënvizoi rëndësinë e vazhdimësisë së tij duke theksuar se kjo nismë tashmë është kthyer në një traditë të mirëfilltë, duke u bërë një pikë referimi për të rinjtë që dëshirojnë njohuri të shëndosha fetare.

Në këtë aktivitet foli edhe Dr. Xhemal Saferti, përgjegjës i Departamentit të Shkencave Islame në Kolegjin Universitar Bedër, i cili theksoi se programi përfaqëson një hap të rëndësishëm në formimin intelektual dhe shpirtëror të studentëve, një mundësi e rrallë për t’u njohur me thelbin e mësimeve islame në mënyrë të strukturuar dhe profesionale.

Programi përfshin lëndë themelore si: Kur’an, Hadith, Tefsir, Fikh, Hitabet, Morali Islam, Akide dhe Histori Islame, të cilat do të zhvillohen nga myftinj dhe pedagogë të fushës.

Në përfundim, pjesëmarrësit do të certifikohen për përvetësimin e njohurive, duke u pajisur me një bazë të fortë për zhvillimin e tyre fetar dhe intelektual.

Instituti i Studimeve Islame Universiteti Beder