04/07/2022
Përshëndetje!
Të dashur prindër ,
Sot ka filluar regjistrimi për nxēnësit e klasës së parë nëpërmjet sistemit e-Albania.
Prindërit do të mund ta regjistrojnë fëmijën në vetëm një minutë, pa pasur nevojë të dorëzojnë dokumente shtesë, të presin në radhë apo të harxhojnë kohë dhe energji.
Afati i regjistrimit do të jetë si më poshtë:
Fillon nga sot dt. 4 - 17 korrik.
Në zbatim të Urdhër Nr .31, datë 28.01.2020
“Për miratimin e rregullores për funksionimin e Institucioneve Arsimore Parauniversitare në Republikën e Shqipërisë ” Neni 7 .
“Regjistrimi në Institucionet e Arsimit Bazë”,
ju bëjmë me dije :
Regjistrimi bëhet përmes aplikimit online në
e - Albania.
- Duhet të hyni vetë me ID tuaj personale të kartës sē identitetit dhe me passwordin tuaj në e - Albania.
Aplikimi për regjistrim kryhet nga prindi i nxënësit që do regjistrohet ose personi që ka kujdestarinë ligjore.
Hapat për regjistrimin janë :
Identifikohuni si qytetar në portalin e-Albania;
Zgjidhni shërbimin "Aplikim për regjistrim në klasë të parë";
Klikoni butonin "Përdor";
Plotësoni formularin e aplikimit dhe klikoni "Dërgo";
Aplikimi mbërrin në shkollën përkatëse ku nxënësi dëshiron të regjistrohet dhe shkolla fillon procedurën për trajtimin e kërkesës;
Në qoftë se çdo gjë është në rregull shkolla regjistron nxënësin.
Shkolla njofton elektronikisht aplikuesin në rast pranimi ose mospranimi të regjistrimit brenda 24 orëve;
Në rast mospranimi, personi që ushtron përgjegjësinë prindërore, vazhdon aplikimin brenda afatit në institucionin arsimor ku i takon regjistrimi i fëmijës;
Në rast pranimi të aplikimit personi që ushtron përgjegjësinë prindërore dorëzon në sekretarinë e shkollës fizikisht Kartelën e Vaksinimit të fëmijës jo më vonë se 10 ditë para fillimit të vitit shkollor;
Vetëm në momentin e dorëzimit të Kartelës së Vaksinimit regjistrimi i fëmijës quhet i vlefshēm.
Ju falenderojmë për mirëkuptimin !
