Contact information, map and directions, contact form, opening hours, services, ratings, photos, videos and announcements from Shkolla "Kristo Frashëri" Faqe Zyrtare, School, Tirana.
Shkolla jonë promovon mësimdhënien bashkëkohore e ndërthur shfrytëzimin e teknologjisë për të krijuar qytetarin e formuar globalisht &inkurajuar zhvillimin tërësor të personalitetit të fëmijës dhe respektimin e diversitetit kulturor, fetar e racor.
04/08/2026
Rihapen aplikimet për formularët A1 dhe A1Z❗
🗓️ 6 gusht
⏰ 08:00 – 16:00
Të gjithë maturantët dhe kandidatët që duan të konkurrojnë për pranim në programet e studimit në arsimin e lartë duhet të plotësojnë formularin A1 ose A1Z në platformën e-Albania💻🇦🇱
Ky aplikim është hapi i detyrueshëm për të vijuar procesin e pranimit në universitet gjatë tre raundeve ✅👩🏽🎓
04/08/2026
Njoftim për Formularët A1/A1Z
03/08/2026
Raporti Vjetor për vitin mësimor 2025-2026!
Të nderuar prindër dhe anëtarë të komunitetit!
Të dashur nxënës, ish nxënës dhe nxënës të ardhshëm të shkollës sonë!
Me mbylljen e vitit mësimor 2025-2026 mbyllëm dhe një kapitull shumë të rëndësishëm të historisë së institucionit tonë siç është 5-vjeçari i parë!
Këto vite kanë qënë të mbushur me sfida të shumta por edhe me arritje për të cilat ndihemi shumë krenarë!
Në Shtator të vitit 2021 ra zilja e parë për vetëm 82 nxënës dhe 5 mësues! Që nga ajo ditë jemi rritur gradualisht, bashkarisht me një vizion të qartë dhe me objektiva konkret.
Me shumë krenari mund të themi se sot mbyllim këtë 5-vjeçar me një vizion dhe aspirata të përmbushura. Tanimë shkolla jonë është gati për sfidat e rradhës duke ju përgjigjur zhvillimeve të fundit të teknologjisë dhe mbi të gjitha duke e vënë atë në funksion të mësimdhënies. Në këtë 5-vjeçar i gjithë stafi është i angazhuar maksimalisht dhe falë këtij angazhimi 90% e orëve mësimore realizohen përmes tabelave smart të cilat gjenden në secilën klasë. E gjithë kjo në funksion të nxënësve aktivë të cilët janë të aftë të mendojnë në mënyrë kritike dhe të gjejnë zgjidhje, të udhëheqin apo bashkërendojnë në orën e mësimit, të shpalosin potencialin e tyre dhe të japin maksimumin.
Gjatë këtij 5-vjeçari kemi marrë pjesë dhe jemi kualifikuar në konkurse, projekte e në shumë prej tyre jemi shpallur fitues!
Nxënësit tanë na kanë bërë krenarë me çmime, trofe dhe kupa në disiplina të ndryshme sportive( mundje, volejboll, futboll), kualifikime në konkurse artistike (TAF), medalje të arta për arritje të shkëlqyera e shumë arritje të tjera të cilat i kemi duartrokitur, publikuar dhe të tjera të papublikuara.
Gjatë këtij 5-vjeçari nxënësit dhe mësuesit tanë kanë punuar fort për emrin e shkollës sonë përmes aktiviteve edukuese, sensibilizuese, vullnetare, me dhe për komunitetin!
Gjatë këtij 5-vjeçari i gjithë stafi është angazhuar fort për kualifikim dhe trajnim në mënyrë që ti përgjigjet nevojave për arsimim cilësor të nxënësve. Stafi ynë përbëhet nga mësues me titullin “Mësues mjeshtër”(82%) dhe mësues të kualifikuar (18%) dhe secili prej tyre është i përkushtuar maksimalisht ndaj nxënësit.
Në përmbyllje ne besojmë fort se edukimi cilësor I nxënësve nuk përkthehet vetëm në
statistika arritjesh apo vlerësime të notës mesatare të institucionit. Ne jemi të vetëdijshëm se
jo të gjithë nxënësit do të bëhen shkencëtarë, avokatë apo inxhinierë por jemi të bindur se nxënësit
tanë janë dhe do të jenë qytetarë të denjë për kombin tonë. Ata do të shpalosin vlera njerëzore që
nuk mësohen vetëm përmes përmbajtjeve lëndore por që fitohen në bankat e shkollës, në bisedat
me mësuesit dhe miqtë, në aktivitetet edukative, argëtuese dhe kulturore; gjatë punës me bimët në kopshtin e shkollës, gjatë oëve laboratorike, gjatë vizitave të ndryshme në terren, gjatë takimeve me komunitetin etj. Si rrjedhim ne do të vijojmë të
punojmë fort për realizimin e vizionit të institucionit tonë për 4 vjeçarin e ardhshëm ashtu siç kemi
realizuar vizionin për 5-vjeçarin që lamë pas.
30/07/2026
📌 Arsimi gjithëpërfshirës kërkon përkushtim, por mbi të gjitha kërkon udhëzime të qarta profesionale!
Standardet Profesionale të Mësuesit Ndihmës në Arsimin Parauniversitar shërbejnë si një hartë e qartë rrugore për çdo mësues ndihmës që synon të rritet profesionalisht dhe të garantojë arsim cilësor për fëmijët me aftësi të kufizuara.https://www.ascap.edu.al/wp-content/uploads/2023/01/FINAL-STANDARDI-E-MESUESIT-NDIHMES.pdf
❓Pse janë të rëndësishme këto standarde?
💡 Orientoje avancimin në karrierë: Ndihmojnë mësuesin të vlerësojë performancën e tij, të identifikojë pikat e forta dhe të planifikojë zhvillimin e mëtejshëm profesional.
💡 Individualizojnë procesin e të nxënit: Mundësojnë përshtatjen e kurrikulës, mjedisit mësimor dhe strategjive sipas nevojave specifike të çdo fëmije (PEI).
💡 Forcojnë bashkëpunimin: Krijojnë ura lidhëse pune midis mësuesit ndihmës, mësuesit të klasës, shërbimit psiko-social, drejtuesve dhe familjes.
💡 Lartësojnë profesionin: Etika, reflektimi dhe trajnimi i vazhdueshëm sigurojnë një shërbim me dinjitet dhi përgjegjësi sociale.
🌟 Çdo mësues ndihmës duhet t’i njohë me imtësi këto standarde profesionale dhe t’i përdorë ato si bazë udhëzuese për punën e tij të përditshme. Mbi këtë kuadër, mësuesi ndihmës mund të identifikojë nevojat e veta për rritje profesionale dhe të planifikojë në mënyrë sistematike veprimtaritë e ardhshme trajnuese, me qëllim përmirësimin e vazhdueshëm të praktikave mbështetëse për nxënësit.
Edukimi gjithëpërfshirës nuk është vetëm mision, është një e drejtë dhe një standard profesional i garantuar! 🤝✨
Edukimi
30/07/2026
Matura Shtetërore 2026!
Sesioni i dytë!
29/07/2026
📢 Konkursi i pranimit në Fakultetin e Arkitekturës dhe Urbanistikës për vitin akademik 2026–2027 do të zhvillohet më 19 gusht 2026, në 📍Pallatin e Kongreseve, Tiranë.
📌 Për të marrë pjesë në testin e pranimit, maturantët duhet fillimisht të përzgjedhin programet e studimit në portalin U-Albania dhe më pas të aplikojnë në e-Albania për regjistrimin në konkurs.
ℹ️ Të gjitha informacionet mbi procedurat, afatet dhe hapat e aplikimit i gjeni këtu: https://fau.edu.al/K_e_ndi_i_Informimit/Njoftime_14197/Njoftim_mbi_dat_e_n_dhe_regjistrimin_n_e_Testin_e_Pranimit_viti_akademik_2026-2027.html
29/07/2026
🔴⏳ Regjistrimet online në e-Albania mbyllen këtë të premte‼️
📌Regjistroni fëmijët tuaj në klasën e parë ose klasën e dhjetë në një nga shkollat që ju ofron sistemi, sipas vendbanimit tuaj.
🔴Afati përfundon më 31 korrik, ndaj mos e lini aplikimin për ditën e fundit. 🏫 Shkollat tona në të gjithë vendin po bëhen gati të mirëpresin nxënësit në vitin e ri shkollor, me ambiente të rikonstruktuara, investime të reja dhe përmirësime të realizuara në bashkëpunim me pushtetin vendor.
✅ Regjistroni fëmijët tuaj sot🧑💻për të nisur mbarë vitin e ri shkollor📚💡
28/07/2026
⚠️Kujtesë‼️
Edhe pak ditë na ndajnë nga afati i fundit për regjistrimet në klasën e 10-të për vitin mësimor 2026-2027‼️
Nëse ende nuk e keni kryer aplikimin tuaj/fëmijëve tuaj, ju rikujtojmë hapat që duhet të ndiqni:
👉Identifikohuni si qytetar në portalin e-Albania;
👉Zgjidhni shërbimin "Aplikim për regjistrim në klasë të dhjetë";
👉Klikoni butonin "Përdor";
👉Plotësoni formularin e aplikimit dhe klikoni "Dërgo";
👉Aplikimi mbërrin në gjimnazin "Kristo Frashëri" ku nxënësit i takon të regjistrohet dhe shkolla fillon procedurën për trajtimin e kërkesës;
➡️ Shkollat të arsimit 9-vjeçar të cilat i takojnë gjimnazit "Kristo Frashëri":
✅ Shkolla 9-vjeçare "Vaçe Zela"
✅ Shkolla 9-vjeçare " Qazim Turdiu"
✅ Shkolla 9-vjeçare "Ahmet Gashi"
✅ Shkolla 9-vjeçare "28 Nëntori"
✅Shkolla 9-vjeçare " Dhora Leka"
⚠️ Për çdo pyetje apo paqartësi jeni të lutur të paraqiteni pranë shkollës!
🏫🧑💻 Regjistrimet online në shkolla, përmes platformës e-Albania, janë të hapura nga deri në 31 korrik.
💻Regjistrimi kryhet për:
Nxënësit e klasës së parë;
Nxënësit e klasës së dhjetë në gjimnaz ose në shkollë të mesme të orientuar;
🔴Ju ftojmë të respektoni afatet dhe të kryeni regjistrimin brenda periudhës së përcaktuar, në mënyrë që çdo nxënës të nisë vitin e ri shkollor pa vonesa.
💻 Prindër, nëse ende nuk e keni kryer, regjistrimi bëhet online në platformën e-Albania👨👩👧👦
MOS E LINI PËR DITËN E FUNDIT‼️‼️
25/07/2026
Njoftim për maturantët tanë!