25/08/2026
💥Gjykimi i festimit të mevludit
🎙Shejkh Abdul-Aziz Ibn Baz -Allahu e mëshiroftë-
Pyetja: Cila është pikpamja juaj Shkëlqesia juaj në lidhje me atë i cili praktikon atë që quhet ditëlindja Profetike?
Përgjigje: Ditëlindja profetike nuk festohet dhe as nuk lejohet të festohet sepse kjo nuk ka argument, mirëpo ajo është bidat (shpikje) dhe nuk e ka vepruar Profeti ﷺ dhe as Sahabët dhe as nuk ka urdhëruar për këtë ai ﷺ, dhe as nuk e kanë vepruar prijësat e drejtë, as sahabët e tjerë -Allahu qoftë i kënaqur me ta- , as selefët e mirë në gjeneratën e tretë, mirëpo atë e shpikën rafidat (shijat) në gjeneratën e katërt dhe pastaj i ndoqën disa njerëz.
E shpikën rafidat -benu ubejd el-kadahi- të cilët emërtohen "fatimije".
Ata e shpikën në egjipt dhe vende të tjera.
Gjithashtu ata shpikën ditëlindje të tjera: për Aliun, për Hasanin, për Hysejnin, për Fatimen dhe sundimtarët e tyre, pastaj i ndoqën disa musliman gabimisht me injorancë dhe e përhapën sot midis njerëzve.
Nuk duhet që të mashtrohesh nga njerëzit në këtë çështje.
Festimi i mevludit është bidat i keq dhe nuk i lejohet muslimanëve ta festojnë ditëlindjen e tyre dhe as të Profetit ﷺ.
E gjitha kjo është bidat.
Kanë shkruar dijetarët në lidhje me këtë dhe e kanë qartësuar këtë bidat.
Prej tyre Shejkh Islam Ibn Tejmije -Allahu e mëshiroftë-, Imam Esh- shatibij -Allahu e mëshiroftë- dhe të tjerë.
Ne kemi shkruar në këtë çështje disa fletushka dhe broshura të cilat kanë qarkulluar për shumë vite, dhe nuk realizohet dashuria për të ﷺ me mevlud dhe festë, mirëpo dashuria ndaj tij realizohet me pasimin e tij, me bindje ndaj tij, urdhërave të tij, me largimin nga ato që ai ka ndaluar dhe me ecjen në rrugën e tij ﷺ.
Kjo është feja dhe kjo është dashuria për të.
Thotë Allahu i Lartësuar: {Thuaj: Nëse e doni Allahun më ndiqni mua në mënyrë që Allahu t'ju dojë juve dhe t'ua falë gjynahet tuaja} (Al-Imran: 31).
Sahabët e donin më shumë se ne Profetin ﷺ dhe ishin më të plotë se ne në iman, dhe sikur të ishte festa e mevludit e ligjësuar ata do ta bënin atë, dhe ndërkohë ata janë më të mirë dhe më të lartë se ne.
Ka thënë për ta Profeti ﷺ «Njerëzit më të mirë janë gjenerata ime», «Umeti më i mirë janë gjenerata ime» , pastaj ai ﷺ i ka këshilluar njerëzit dhe i ka mësuar ata, dhe sikur festimi i mevludit do të ishte i ligjësuar do t'ia mësonte umetit të tij dhe nuk do t'ua fshehete, do t'ua mësonte atyre ose do ta vepronte vetë, ose do ta vepronin prijësit e drejtë dhe do ta sqaronin atë.
Përderisa nuk ka ndodhur kjo gjë dhe as nuk e ka vepruar ai ﷺ, as shokët e tij dhe as gjeneratat e çmuara, atëherë ajo njihet si bidat (shpikje).
Dhe thote Profeti ﷺ: «Kush shpik diçka në cështjen tonë...», pra në fe, « e cila nuk është prej saj, ajo është e refuzuar », pra e refuzuar.
Dhe ka thënë ai ﷺ: « Kush vepron një vepër e cila nuk është prej çështjes sonë, ajo është e refuzuar ».
Dhe ka thënë në khutben e tij ashtu siç e transmeton Xhabiri, në khutben e xhumasë, ishte që thoshte: « E më pas: Fjala më e mirë është libri i Allahut, udhëzimi më i mirë është udhëzimi i Muhamedit ﷺ, veprat më të kqija në fe janë shpikjet (bidatet) në të dhe çdo bidat është humbje » , shton Nesaiu: « Çdo humbje është në zjarr »
Dhe ka thënë ai ﷺ në hadithin e Irbad ibn Serije: « Kini kujdes nga shpikjet sepse çdo shpikje është bidat dhe çdo bidat të çon në humbje »
E kanë detyrë muslimanët në çdo vend që të kenë kujdes nga ky bidat dhe të mos e festojnë mevludin, të përpiqen që t'ua mësojnë njerëzve nëpër medrese, shkolla dhe xhami historinë e Profetit ﷺ, të mësojnë fenë e tyre nëpër xhamia në çdo kohë, dhe jo përshembull vetëm në fillim të vitit, kaq...jo.
Ata duhet të mësojnë historinë e Profetit ﷺ, të mësojnë fenë e Allahut në xhamitë e tyre, në medresetë dhe shkollat e tyre, në çdo kohë të vitit.
Të mësojnë gjithmonë dhe jo vetëm në një pjesë të vitit.
E lusim Allahun të na japë të gjithëve sukses, udhëzim dhe dituri në fe.
https://binbaz.org.sa/byreference/fatwas/3705
▪️Përktheu: Xhevdet Lika
