Dituria e Dijetarëve

💥Nuk lejohet që muslimani t'i thotë vëllait të tij munafik edhe nëse ai ka ndonje cilësi të nifakut

🎙Shejkh Abdul-Aziz Ibn Baz -Allahu e mëshiroftë-

Pyetja: Nëse dikush ka ndonjërën nga këto cilësi të nifakut, a më lejohet mua që t'i them atij : O munafik?

Përgjigja: Jo, por lutu për të për udhëzim dhe këshilloje atë, sepse nëse ti i thua atij : "O munafik", vetëm se do ta shtosh akoma më shumë të keqen.
Duhet ta këshillosh atë dhe t'i thuash atij: O filan, kjo është nga cilësitë e munafikëve dhe të këshilloj që ta lësh atë dhe të kesh kujdes nga ajo.
Besimtari është vëlla i besimtarit.
Ai duhet ta këshillojë atë.

https://al-fatawa.com/fatwa/69225/%D9%87%D9%84-%D9%8A%D9%82%D8%A7%D9%84-%D9%8A%D8%A7-%D9

▪️Përktheu: Xhevdet Lika

هل السؤال:

💥Gjykimi i atij qe dyshon nese e ka falur namazin tre rekate apo katër rekate

🎙Shejkh Muhamed ibn Salih El-Uthejmin -Allahu e mëshiroftë- :

"Ai nuk duhet që t'ia hedh vështrimin këtyre dyshimeve.
Mirëpo nëse ai sigurohet se nuk ka falur vetëm se tre rekate, atëherë duhet të plotësojë rekatin e katërt dhe të bëjë sehuisexhden (sexhden e harresës) pas selamit, nëse koha pas faljes së namazit ka qenë e shkurtër.
E nëse koha ka kaluar shumë, atëherë ai duhet ta përsërisë namazin nga e para".

📚 شرح منظومة أصول الفقه/ص 175

▪️Përktheu: Xhevdet Lika

💎Ka thënë Shejkh Ibn Uthejmin -Allahu e mëshiroftë- :

"Njeriu sado grada që të arrijë përsëri ai ja ka nevojën Allahut -Azze ue Xhel- për udhëzim.

Askush të mos thotë: "Unë jam i ditur, unë jam adhurues i madh", duke u mbështetur në vetën e tij dhe duke u mahnitur me të.
Mirëpo njeriu duhet që të shikojë mirësinë e Allahut që i ka dhënë atij duke e udhëzuar atë.

E sa njerëz i ka devijuar Allahu edhe pse ata ishin të fortë dhe të zgjuar".

تفسير سورة الصافات / ص268

📚Përktheu: Xhevdet Lika

💎Ka thënë Ibn Kajim -Allahu e mëshiroftë- :

"Kuptimi i shëndoshë dhe qëllimi i mirë janë mirësitë më të mëdha që Allahu i ka dhënë robit të Tij.
Nuk i është dhënë robit dhunti më e mirë dhe më e çmuar pas Islamit se sa këto të dyja.
Ato janë këmbët në të cilat qëndron islami.
Nëpërmjet tyre i bëhet e qartë robit rruga e atyre të cilët Allahu u zemërua me ta, ata të cilët e prishën nijetin e tyre, dhe rruga e atyre të cilët humbën, atyre të cilët e prishën kuptimin e tyre.
Dhe kështu ai ecën në rrugën e atyre të cilët Allahu i ka begatuar me të mira, ata të cilët e kanë rregulluar kuptimin dhe qëllimin e tyre.
Ata janë njerëzit e rrugës së drejtë, ku ne jemi urdhëruar që ta lusim Allahun në çdo namaz që të na udhëzojë në rrugën e tyre "

📚إعلام الموقعين عن رب العالمين (2/ 164)

▪️Përktheu: Xhevdet Lika

💥A i lejohet muslimanit që t'i konsiderojë vëllezër të krishterët dhe çifutët?

💎Ka thënë Shejkh Ibn Uthejmin -Allahu e mëshiroftë- :

"Nuk i lejohet mislimanit që ta konsiderojë pabesimtarin vëlla, sido që të jetë kufri i tij, qoftë ai i krishterë, apo çifut, apo mexhus apo ateist.
Nuk lejohet që të cilësohet si vëlla asnjëherë.
Ki kujdes o ti vëlla nga kjo shprehje, sepse nuk ka vëllazëri kurrë midis muslimanëve dhe jomuslimanëve.
Vëllazëria është vetëm vëllazëria e besimit, siç ka thënë Allahu -Azze ue Xhel- : { Vërtetë besimtarët janë vëllezër }.

Po ashtu ka thënë: "Nuk ka vëllazëri kurrë midis besimtarit dhe pabesimtarit.
E ka detyrë besimtari që të mos e marrë pabesimtarin për mik, siç ka thënë Allahu i Lartësuar: {O ju të cilët keni besuar! Mos i merrni armiqtë e Mi dhe armiqtë e juaj për miq, duke shprehur dashuri për ta dhe ndërkohë ata e mohojnë të vërtetën që ju ka ardhur juve } (Surja Mumtehine : 1}

📚مجموع فتاوى ورسائل (3/43)

💎Ka thënë Shejkh Ibn Baz -Allahu e mëshiroftë- :

"Pabesimtari nuk është vëlla i muslimanit.
Allahu i pa të meta dhe i Lartësuar thotë: { Vërtetë besimtarët janë vëllezër }
Thotë Profeti ﷺ : « Besimtari është vëlla i besimtarit ».
Nuk është pabesimtari vëlla i muslimanit, qoftë ai çifut, apo i krishterë, apo uethenij (adhurues statujash), apo mexhus apo komunist, apo të tjerë si këta, dhe nuk lejohet që të merren për shokë apo shoqërimi me ta..."

مجموع فتاوى (6/392)

▪︎Përktheu: Xhevdet Lika

Xhuma dituria e dijetarëve:
Ka thënë i Dërguari i Allahut ﷺ:《Shtojeni salavatin për mua ditën e xhuma dhe natën e xhuma, dhe kush dërgon një salavat për mua, Allahu dërgon për të dhjetë salavate》

📚حسنه الألباني في صحيـح الجامع - رقم: 1209]

Po ashtu ka thënë i Dërguari i Allahut ﷺ:《Namazi më i mirë tek Allahu është namazi i sabahut me xhemat ditën e xhuma》

📚[ السلسلة الصحيحة - الألباني صحيح - رقم: 1566]

Perktheu Xhevdet Lika

💥Koha më e mirë për leximin e sures Kehf

🎙Shejkh Muhamed Ibn Salih El-Uthejmin -Allahu e mëshiroftë-

Pyetja: Shkëlqesia juaj Shejkh, ai i cili e lexon suren Kehf në natën e xhumasë, a e arrinë shpërblimin e leximit të saj?

Përgjigja: Jo. Leximi më i mirë i sures Kehf është pas lindjes së diellit deri në perendim të diellit.
Në çdo kohë që e lexon atë duke filluar nga lindja e diellit deri në perendim të diellit, e ke arritur shpërblimin.

📚سلسلة اللقاء الشهري > اللقاء الشهري [69]

▪️Përktheu: Xhevdet Lika

📖Ka thënë Allahu i Lartësuar:

﴿ يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ ﴾

"O ju të cilët keni besuar, kur të thirreni për namaz ditën e xhuma, shpejtoni në përkujtimin e Allahut dhe ndaloni tregtinë, kjo është më e mirë për ju nëse jeni që e dini"

🔥Ka thënë Shejkh Abdurrahman es-Sadij (Allahu e mëshiroftë):

Dhe në këtë ajet ka disa dobi:

[1] Prej tyre: Xhumaja është farz për të gjithë besimtarët.
Është detyrë për ta që të shpejtojnë në të, të nxitojnë dhe të preokupohen me çështjen e saj

[2] Prej tyre: Dy hytbet ditën e xhuma janë farze dhe është detyrë prezantimi i tyre sepse është shpjeguar fjala "dhikër" këtu me dy hytbet.
Allahu ka urdhëruar për të shkuar dhe nxituar për tek ajo

[3] Dhe prej tyre: Ligjësimi i thirrjes (ezanit) në ditën e xhuma dhe urdhërimi me të (për kryerjen e saj)

[4] Dhe prej tyre: Ndalimi nga sh*t-blerja kur thirret për xhuma dhe bërja haram e saj, dhe kjo vetëm për shkak se ikën detyrimi (xhumaja) dhe e pengon ndaj saj.
Kjo tregon se çdo gjë edhe nëse është mubah (e lejuar) në origjinë, nëse ndodh për shkak të saj humbja e asaj që është uaxhib, atëherë nuk lejohet në këtë rast (që të veprohet).

[5] Dhe prej tyre: Prezantimi në dy hytbet e ditës së xhuma dhe qortimi i atij i cili nuk prezanton në to, dhe nga gjërat e domosdoshme këtu është dhe heshtja në to

[6] Dhe prej tyre: Duhet që robi i cili është adhurues i Allahut që në kohën kur i paraqiten dëshirat, tregtitë dhe epshet, të përkujtojë të mirat që ndodhen tek Allahu dhe të jetë ndikim parsorë kënaqësia e Tij (Allahut) para epsh*t të tij.

📚"تيسير الكريم الرحمٰن"( ٨٦٣/١ )

✅ Përktheu: Xhevdet Lika

🔗

Dituria e Dijetarëve ☆ Kur'ani dhe suneti me kuptimin e selefëve ☆