Dega e Gjuhës Turke UT

Sot mê datë 02.04.2026 studentët dhe pedagogët e Degës së gjuhës Turke patën mundësinë të dëgjonin zbulimet më të fundit në lidhje me kontaktet e para të Shqiptarëve me shtetin Osman, kontributet e tyre ne qeverisje si dhe zbulime të tjera interesante në lidhje me bashkëjetesën e shqiptarëve në shtetin Osman! Falenderojmë Prof. As. Dr. Dritan Egro për këtë bisedë shumë frutëdhënëse!.

Dega e Gjuhes Turke në datë 02.04.2026 organizon takimin me studiuesin e njohur të historisë Osmane Prof. As. Dr. Dritan Egro. Jeni të ftuar!

Pedagogët e Degës së Gjuhës Turke Prof.As.Dr. Xhemile Abdiu dhe Dr. Alban Foçi zhvilluan një takim informativ me maturantët e Gjimnazit Asim Vokshi duke ju paraqitur mundësitë e studimit pranë degës tonë. Maturantët treguan interes jo vetëm për programet e studimit por edhe për aktivitetet e ndryshme që zhvillohen në FGJH. Falenderojme mësuesit e gjuhës turke Prof. Holgerin dhe Prof. Antinelën dhe maturanët për mikëpritjen e tyre!

Dega e Gjuhës turke i uron 7 Marsin mësuesve dhe pedagogëve në të gjithë Shqipërinë!

Studentët e vitit të dytë Mastër Mësuesi të shoqëruar nga Prof. Alban Foçi filluan praktikën mësimore pranë Gjimnazit me Orientim Gjuhësor Asim Vokshi. Studentët tanë gjatë praktikës do të praktikojnë dijet e marra gjatë masterit dhe do të hedhin një hap të rëndësishëm në udhëtimin e tyre në këtë profesion të bukur. I urojmë suksese në praktikë studentëve tanë! 👩‍🎓🧑‍🎓

Në përfundim të semestrit të parë dhe sezonit të provimeve, sot, më datë 12.02.2026 Grupi Mësimor-Kërkimor në Departamentin e Gjuhëve Sllave e Ballkanike, Dega e Gjuhës Turke, organizoi aktivitetin me temë “Shkrimtaret në letërsinë turke - Receptimi i veprave letrare të shkrimtares Ayfer Tunç”, me të ftuar Prof.Asoc.Dr. Mzisa BUSKİVADZE nga Universiteti shtetëror “Ivane Jakakhishvili Tbilis State University” në Gjeorgji dhe me pjesëmarrjen e studentëve të vitit të dytë dhe të tretë Bachelor të Degës së Gjuhës Turke.
Znj. Mzisa Buskivadze ka përfunduar studimet universitare, pasuniversitare dhe doktorale për gjuhë dhe letërsi turke, në Departamentin e Gjuhës Turke në Universitetin Shtetëror të Tbilisit Ivane Javakhishvili dhe mban titullin Profesor i Asociuar. Studimet e saj akademike janë të fokusuara në gjuhën dhe letërsinë turke, teorinë e letërsisë dhe letërsinë krahasuese, romanet e letërsisë moderne turke, letërsinë feministe.
Prof. Asoc. Mzisa BUSKİVADZE ka botuar artikuj të shumtë shkencorë në revista kombëtare dhe ndërkombëtare, ka marrë pjesë dhe ka prezantuar punime shkencore në kongrese dhe simpoziume kombëtare dhe ndërkombëtare.
Gjithashtu, Prof.Asoc.Dr. Mzisa BUSKİVADZE ka marrë pjesë në projekte kërkimore shkencore të mbështetura nga TÜBA (Akademia Turke e Shkencave) dhe Fondacioni Kombëtar i Shkencës S***a Rustaveli.
Prof. Asoc. Dr. Mzisa Buskivadze ka ndjekur kurse të shumta trajnimi, atelje dhe programe akademike mbi mësimdhënien e turqishtes si gjuhë e huaj, metodat bashkëkohore të mësimdhënies dhe mbi turkologjinë.
Prof. Asoc.Dr. Mzisa Buskivadze flet turqisht, rusisht dhe gjermanisht. Merr pjesë aktive në bashkëpunime akademike ndërkombëtare dhe komunikim ndërkulturor.
Lidhur me temën e bashkëbisedimit me studentët dhe pedagogët e gjuhës turke, Prof.Asoc.Dr. Mzisa Buskivadze foli për letërsinë feministe turke, duke nisur nga romancierja e parë e letërsisë turke, Fatma Aliye Hanım (1864-1936) me romanin e parë, botuar në vitin 1892, nga shkrimtaret e para në letërsinë turke të periudhës së Republikës Turke, deri tek shkrimtaret e rrymave moderne në letërsinë turk, si dhe veprat e tyre.

https://l.facebook.com/l.php?u=https%3A%2F%2Fteams.microsoft.com%2Fl%2Fmeetup-join%2F19%253ameeting_YjQ4NWVjMTgtNzcyNi00ODgzLTk2YjktMzg2MDU4YjZjMGEz%2540thread.v2%2F0%3Fcontext%3D%257B%2522Tid%2522%253A%2522ab071936-eda8-484c-9b3d-fbd21dbd0826%2522%252C%2522Oid%2522%253A%2522a1903c86-ffc1-482b-939c-d414387cdad7%2522%257D%26fbclid%3DIwZXh0bgNhZW0CMTAAYnJpZBExbmZqQzFzdE9ERTlDbGVneHNydGMGYXBwX2lkEDIyMjAzOTE3ODgyMDA4OTIAAR4NNzErghN6_MSOQpZicLtxC1iD4sbBLn0pQU6mFYs1jZTPJ74gvbAoxCLRiA_aem_wLYpXXxPsDKnq-V4MQCOMw&h=AT1JNRd7NPbqNOCGG8LfCm1bLyikWRXa3fZDtF6_9rjqU-agwxRR_HOPAynIHy6uU2EeUqOAo9JTXFoOzfSF207Y84sa4jBCp99OL7fSf-D-QWuONQ6kGgrrHoQgSTQ5vEZxGe6jSWd-lw&__tn__=-UK-R&c[0]=AT2dB1hNTWTMCErFes3MUFixLcHzlW_IlV2ZJzsCAyHfmQdHr_yf4YWbysuRVfXSxWHN6Sg7YU0irrWHSWlI0Ko05lGj0bus7Ka9CPK4t5I7cqqNpjxLuiuXDxWr17WffJ6NT5sTJtVs6PxVIypWBSxHbyUouAKAsy3V_ygjNPvw_wF_kiR85Dq_RklYRCPTDOCPMEbrIR496vCEJpqdWsE3lQ

Në kuadrin e aktiviteteve të javes së Panairit të 28-të të Librit - “Ndërgjegjja jonë ka nevojë për librat” (Ismail Kadare) u zhvillua takimi me autorët e librit “Labirint në tru”, Evans Drishti, Zoje Jakaj (Xhoi) dhe Endri Beqo, të cilët trajtojnë problemet e zhvillimit individual të adoleshentëve.
Ky takim u zhvillua në Fakultetin e Gjuhëve të Huaja, në Departamentin e Gjuhëve Sllave e Ballkanike me studentët e Degës së Gjuhës Turke dhe pedagogët e gjuhës turke, Prof. Asoc. Dr. Xhemile Abdiu, Dr. Alban Foçi, Prof. Asoc. Dr. Spartak Kadiu, Msc. Nurjana Demiraj dhe Prof.Asoc. Dr. Adriatik Derjaj.
Ky libër i kushtohet adoleshentëve dhe botës së tyre të ndërlikuar, dhe nëpërmjet tregimeve reale e analizave përçon mesazhin për më shumë dëgjim dhe empati ndaj brezit të ri.
Prof.Asoc.Dr. Xhemile Abdiu prezantoi të ftuarit e këtij takimi, Dr. Zoje Jakaj (Xhoi), z. Evans Drishti dhe z. Endri Beqo.
Më pas e mori fjalën Dr. Zoje Jakaj (Xhoi), e cila foli për eksperiencën e saj shumëvjeçare në mësimdhënie, punën me nxënësit, për përgjegjësitë e marra gjatë karrierës së saj në postin e drejtoreshës së burgut të grave, për angazhimet e saj në shoqërinë civile, për libra e shkruar deri më tani dhe në mënyrë të veçantë për librin e shkruar në bashkëpunim me Evans Drishtin dhe Endri Beqo “Labirint në tru”, i cili u prezantua para studentëve dhe pedagogëve të pranishëm. Dr. Zoje Jakaj tha se në një kohë të re sfidash për adoleshentët dhe të rinjtë “Mesazhi kryesor i këtij libri është një thirrje për t’u dëgjuar nga mësuesit, nga prindërit, nga të rinjtë, nga vëllezërit, nga motrat, nga e gjithë shoqëria.”
Bashkautori i këtij libri, z. Evans Drishti foli gjerësisht për rëndësinë e familjes dhe të mësuesve në edukimin e adoleshentëve dhe të rinjve, për artin e mësimdhënies, për pasionin e punës me nxënësit dhe të rinjtë, për komunikimin, për empatinë, për nevojën për të dëgjuar adoleshentin-nxënësin-të rinjtë. Me një elokuencë të jashtëzakonshme në prezantimin e tij z. Evans Drishti theksoi se brenda secilit prej nesh ka ende një fëmijë, dhe ky fëmijë nuk lind i keq.

🎓 RAUNDI III I REGJISTRIMEVE NË FGJH!
📅 13 – 24 Tetor 2025
📍 Regjistrimi bëhet fizikisht në Sekretarinë e Fakultetit të Gjuhëve të Huaja

Je gati të bëhesh pjesë e një fakulteti që të çon përtej kufijve të gjuhës dhe kulturës? 🌍🌌
Kjo është mundësia jote për t’u regjistruar në Fakultetin e Gjuhëve të Huaja, Universiteti i Tiranës!

📝 Kush mund të regjistrohet?
✅ Kandidatët që nuk janë regjistruar në asnjë program studimi në Raundin I & II
✅ Kandidatët që janë pjesë e portalit U-Albania, por rezultojnë të paregjistruar
✅ Maturantët që kanë plotësuar formularin A1Z

🎯 Bëj hapin drejt së ardhmes tënde!
Zgjidh FGJH dhe përfito nga një mjedis akademik që nxit dijen, përvojën ndërkulturore dhe suksesin profesional.

📍 Regjistrimet: 13–24 Tetor 2025
🏫 Fakulteti i Gjuhëve të Huaja – Universiteti i Tiranës

🔗 www.fgjh.edu.al