02/05/2026
Të nderuar mësues,
Ju ftoj të bëheni pjesë e këtij pyetësori, i cili synon të mbledhë mendimet, pritshmëritë dhe shqetësimet tuaja lidhur me ndryshimet e pritshme kurrikulare në arsimin parauniversitar në Shqipëri.
Qëllimi i këtij studimi është të kuptojë se sa të informuar dhe të përgatitur ndihen mësuesit për zbatimin e kurrikulës së re, si dhe cilat janë nevojat kryesore për mbështetje, trajnim dhe burime mësimore. Përvoja dhe mendimi juaj janë shumë të rëndësishme, pasi ju jeni aktorët kryesorë në procesin e mësimdhënies dhe në suksesin e çdo reforme arsimore.
Plotësimi i pyetësorit zgjat vetëm pak minuta. Përgjigjet tuaja do të përdoren vetëm për qëllime studimore dhe do të trajtohen me konfidencialitet të plotë. Nuk ka përgjigje të sakta apo të gabuara. E rëndësishme është të shprehni mendimin tuaj sa më sinqerisht.
Ju falënderoj për kohën, bashkëpunimin dhe kontributin tuaj të vlefshëm në këtë studim.
Me respekt,
Qendra Daran
PYETËSOR: Perceptimi i mësuesve mbi ndryshimet e pritshme kurrikulare në arsimin parauniversitar në Shqipëri. Qëllimi: Ky pyetësor synon të mbledhë mendimet dhe perceptimet e mësuesve lidhur me ndryshimet e pritshme kurrikulare që pritet të zbatohen në vitin akademik 2026-2027. Të dhënat do të përdoren vetëm për qëllime studimore dhe do të ruhen në mënyrë konfidenciale. Mars - Maj 2026