Shkolla speciale "3 Dhjetori"

Festuam arritje që nuk maten vetëm me nota apo diploma, por me forcën, këmbënguljen dhe dashurinë me të cilën janë përballuar sfidat e çdo dite.

🎓 Nxënësit tanë përmbyllën një tjetër etapë të rëndësishme të jetës së tyre shkollore. Pas nëntë vitesh plot përpjekje, sfida, hapa të vegjël e fitore të mëdha, nxënësit e klasës së nëntë mbyllën një kapitull të bukur dhe dëshmuan forcë të jashtëzakonshme.

🎓Ndërsa nxënësit e klasës së parë përfunduan vitin e tyre të parë në shkollë ,një hap i vogël në dukje, por një hap i sigurt drejt rritjes, pavarësisë dhe zbulimit të botës.

📍Për nxënësit tanë, çdo arritje ka një vlerë të jashtëzakonshme. Pas çdo buzëqeshjeje fshihet shumë punë, durim dhe besim. Në këtë festë ishin bashkë nxënës, mësues dhe prindër,një ekip i vetëm që ka ecur dorë për dore në këtë rrugëtim.

👏🏻Urime të gjithë nxënësve tanë!
Jemi krenarë për secilin prej jush. Vazhdoni të besoni te vetja, sepse mundësitë tuaja janë më të mëdha se çdo sfidë. ❤️

Një e shtunë fantastike e mbushur me lojëra, argetim për klasën e 7-të tek Pishinat "Luani A".
Përtej argëtimit, kjo ditë na vërtetoi edhe një herë se në ujë, barrierat zhduken dhe mjedisi kthehet në hapësirën ideale për integrim social, ku çdo femije ndihet i barabartë, i sigurt dhe i lumtur pranë shokëve të tij.
Faleminderit të gjithëve për këtë ditë kaq speciale! 🏊‍♂️💙

🌿🐓🏡 Vizita e klasës së 5- të në fshat 🏡🐓🌿

Nxënësit e klasës së 5-të kaluan një ditë të bukur në fshat, në shtëpinë e shokut të tyre Geraldo. 😊
Ata patën mundësinë të njiheshin nga afër me kafshët dhe shpendët, të shijonin frutat e stines 🍒, natyrën dhe të kalonin momente të këndshme së bashku. 🐐🐓🌳
Kjo vizitë ishte një përvojë e vlefshme edukative, që i ndihmoi fëmijët të forconin miqësinë dhe të kuptonin më mirë rëndësinë e natyrës në jetën tonë. 💚🌱
U larguam me kujtime të bukura dhe me dëshirën për ta përsëritur sërish një aktivitet të tillë! ☀️📸✨

🌿🐾💚

6 Maji – Dita e Luleve në Shkodër 🌹🌺
Lulja është simbol i jetës së këtij qyteti,në oborre, në sheshe, në këngë e në piktura.
Por sot, lulet më të bukura mes gjithë Shkodrës ishin nxënësit tanë 🤍🌹🌺🌻🌼
Mes kurorave me lule, këngëve, buzëqeshjeve dhe biçikletës 🚲🌷së zbukuruar me aq dashuri, festa mori një kuptim edhe më të veçantẽ ,një festë jete, ngjyrash dhe shprese.
Gëzuar këtë ditë të bukur që e bën Shkodrën edhe më të gjallë!🌹🌼🌻🌺🌸

Momente nga prezantimi i projekteve të realizuara me nxënësit e klasave 2, 3 dhe 4 📚✨
Temat:
🐾 “Ambienti ku jetojnë kafshët”
🍎 “Frutat”
🚦 “Mjetet e transportit dhe rregullat”

🎯Përmes të mësuarit me projekte, nxënësit tanë njohin dhe eksplorojnë botën që i rrethon në mënyrë të thjeshtë dhe konkrete. Ata zhvillojnë aftësi për jetën, përmirësojnë aftësitë njohëse dhe nxisin kreativitetin, duke u përfshirë me shumẽ dashuri në çdo hap të të nxënit.
Krenarë për përkushtimin dhe arritjet e tyre! 👏

🧩💙 “Çdo fëmijë meriton të buzëqeshë !
Pranojmë, Duam, Përfshijmë!"🧩💙
🎉🎈 Festë e veçantë për nxënësit tanë qẽ u mbushën me gëzim, buzëqeshje dhe shumë argëtim! ✨🎪🤹Momente të paharrueshme së bashku me “Kllounin Erind” 🤡,i cili solli energji, lojëra dhe shumë të qeshura! 🤡
💙 👏🏻Një falënderim i veçantë nga zemra shkon për Kllounin Erind, i cili e ofroi këtë festë plotësisht falas për nxënësit e shkollës tonë,në kuadër të përmbylljes së muajit Prill – Muajit të Ndërgjegjësimit për Autizmin!💙🧩
Gjeste si këto tregojnë se dashuria dhe përfshirja nuk kanë kufij. Faleminderit, Erind, që na kujtove se gëzimi është gjuha që na bashkon të gjithëve! 🙏❤️🤍💙

🎪🤡 💙

🎯Në kuadër të Ditës së Dyerve të Hapura të Qendrës Wellheard, një pjesë e stafit të shkollës sonë zhvilloi një vizitë njohëse në ambientet e saj 🤝

📍Ishte një eksperiencë e vlefshme shkëmbimi, ku u theksua rëndësia e bashkëpunimit në vlerësimin dhe mbështetjen e fëmijëve, si dhe ndarja e përvojave profesionale që na ndihmojnë të rritemi së bashku.
Vlerësojmë bashkëpunimin e deritanishëm me Qendrën Wellheard dhe mbetemi të hapur për iniciativa dhe bashkëpunime të reja në të ardhmen.

Faleminderit për mikpritjen dhe profesionalizmin! 🙏

🧩📍U realizua me sukses trajnimi me temë “Menaxhimi i sjelljeve sfiduese te fëmijët dhe adoleshentët me autizëm”,
i zhvilluar në ambientet e Seminarit Ndërdioqezan Shqiptar “Zoja e Këshillit të Mirë”.
Ky aktivitet u organizua nga Shkolla Speciale “3 Dhjetori” në kuadër të Muajit të Ndërgjegjësimit për Autizmin, në bashkëpunim me Organizatën Shqiptare të Urdhrit të Maltës dhe ZVA Shkodër.
🎯Aktivitetet e përbashkëta me Organizatën Shqiptare të Urdhrit të Maltës në kuadër të ndërgjegjësimit për autizmin janë kthyer tashmë në një traditë të përvitshme, duke forcuar çdo vit më shumë bashkëpunimin dhe ndikimin në komunitet.
📚Trajnimi u drejtua nga MSc.Rezarta Hasmegaj, psikologe klinike, marrëdhëniesh dhe zhvillimi, specialiste për sjelljen e autizmin (ACAS), me përvojë në trajtimin dhe mbështetjen e fëmijëve e adoleshentëve në spektrin e autizmit dhe u ndoq me shumë interes nga mësues të Shkollës Speciale “3 Dhjetori”, mësues ndihmës të shkollave të qytetit, si dhe drejtues dhe edukatore ndihmëse të kopshteve të Bashkisë Shkodër.
🎯Ky trajnim solli njohuri dhe praktika konkrete për menaxhimin e sjelljeve sfiduese, duke kontribuar në përmirësimin e përditshëm të punës me fëmijët dhe adoleshentët në spektrin e autizmit.
Faleminderit të gjithë pjesëmarrësve dhe Malteser për angazhimin dhe bashkëpunimin!👏🏻🧩💙

🌍 Në kuadër të 22 Prillit – Ditës së Tokës 🌱
Nxënësit tanë zhvilluan disa aktivitete të thjeshta dhe të bukura për të treguar kujdesin ndaj mjedisit.
🌿 Mesazh: Ta duam dhe ta mbrojmë Tokën çdo ditë.

Shkolla jonë shpreh krenarinë për kolegen Greta Tahiraga, e cila është bërë pjesë e Katalogut të Artit Bashkëkohor Shqiptar – 2025 🎨📖.
Ky vlerësim përfaqëson një arritje të rëndësishme profesionale dhe një kontribut domethënës në fushën e artit bashkëkohor shqiptar.
Arritja e saj është një përfaqësim dinjitoz për institucionin tonë dhe i urojmë suksese të mëtejshme në veprimtarinë artistike 👏✨.