Shkolla "Atë Pjetër Meshkalla" - faqja zyrtare

🔔 Sot ra zilja e fundit për vitin shkollor 2025–2026!

Ndërsa nxënësit tanë nisen drejt pushimeve të merituara verore, urojmë që kjo verë të mos jetë vetëm kohë pushimi, por edhe kohë reflektimi, rritjeje dhe përvojash të bukura.

Përveç pyetjes “Ku do t’i kaloj pushimet?”, le të gjejë vend edhe pyetja: “Çfarë po marr me vete nga ky vit?” Një dije më shumë, një miqësi më shumë, një hap më shumë drejt personit që duam të bëhemi.

Ju urojmë të gjithëve pushime të mbara, të frytshme dhe të mbushura me gëzim, zbulime e momente që lënë gjurmë!

Italishtja përmes Muzikës"

Projekti i realizuar nga klasat 10 A, 10 B, 11 A dhe 12 B në lëndën e Gjuhës Italiane kishte si qëllim të ndërthurte mësimin e gjuhës me argëtimin.

Nxënësit përzgjodhën këngët më të njohura italiane, punuan me tekstet për fjalorin dhe shqiptimin, dhe në fund i interpretuan ato përmes një sfide karaoke midis klasave.

"Të mësosh një gjuhë të re do të thotë të kesh një dritare më shumë nga ku të shohësh botën."

Sot patëm kënaqësinë të mirëprisnim në shkollën tonë autorin Andrea Franzoso, me të cilin nxënësit e klasave të 10-ta zhvilluan një takim të veçantë kushtuar librit “Ero un bullo”.

Duke qenë se kjo vepër është studiuar gjatë vitit shkollor, nxënësit patën mundësinë të dialogonin drejtpërdrejt me autorin, të ndanin reflektimet e tyre, të shtronin pyetje dhe të zbulonin më shumë rreth historisë, personazheve dhe mesazheve që libri përcjell.

Faleminderit për praninë, thjeshtësinë dhe frymëzimin që ndau me nxënësit tanë!

Muaji maj solli edhe një tjetër udhëtim të bukur në botën e letërsisë!

Gjatë orëve të letërsisë, nxënësit tanë prezantuan jetën dhe krijimtarinë e autorëve të ndryshëm që kanë lindur në këtë muaj, duke ndarë vlera, ide dhe vepra që vazhdojnë të frymëzojnë breza të tërë lexuesish.
Një mënyrë e bukur për të njohur më nga afër figurat që kanë lënë gjurmë në letërsinë botërore dhe shqiptare.

Gjimnazi "Atë Pjetër Meshkalla" mirëpriti sot një grup nxënësish nga gjimnazi "28 Nëntori", në kuadër të një bashkëpunimi të veçantë mes shërbimeve psiko-sociale të të dy shkollave. Qëllimi i këtij takimi të parë ishte socializimi, shkëmbimi i eksperiencave dhe prezantimi i projekteve të realizuara gjatë vitit shkollor.
​Sot dëgjuam me shumë kureshtje projektin mbi empatinë, të realizuar nga nxënësit e gjimnazit "28 Nëntori". Takimi u ndal veçanërisht tek arti – piktura dhe muzika – si dy forma të fuqishme që transmetojnë pjesë të shpirtit dhe ndjeshmërisë njerëzore. Nxënësit ndanë përshtypjet e tyre dhe zbuluan këndvështrime të reja përmes diskutimeve plot energji.
​Ky aktivitet shënon vetëm fillimin e një rrugëtimi të përbashkët, i cili do të vijojë edhe në të ardhmen për të bashkëndarë gjëra të bukura që vetëm kreativiteti i të rinjve mund t'i krijojë!

Gjimnazi "Atë Pjetër Meshkalla" mirëpriti sot një grup nxënësish nga gjimnazi "28 Nëntori", në kuadër të një bashkëpunimi të veçantë mes shërbimeve psiko-sociale të të dy shkollave.

Qëllimi i këtij takimi të parë ishte socializimi, shkëmbimi i eksperiencave dhe prezantimi i projekteve të realizuara gjatë vitit shkollor.

​Sot dëgjuam me shumë kureshtje projektin mbi empatinë, të realizuar nga nxënësit e gjimnazit "28 Nëntori". Takimi u ndal veçanërisht tek arti – piktura dhe muzika – si dy forma të fuqishme që transmetojnë pjesë të shpirtit dhe ndjeshmërisë njerëzore. Nxënësit ndanë përshtypjet e tyre dhe zbuluan këndvështrime të reja përmes diskutimeve plot energji.

​Ky aktivitet shënon vetëm fillimin e një rrugëtimi të përbashkët, i cili do të vijojë edhe në të ardhmen për të bashkëndarë gjëra të bukura që vetëm kreativiteti i të rinjve mund t'i krijojë! 🌟

Suksese të gjithë maturantëve në provimet e Maturës Shtetërore!

Në këtë moment të rëndësishëm të rrugëtimit tuaj shkollor, ju prezantojmë disa udhëzime dhe rregulla të Ministrisë së Arsimit për zhvillimin e provimeve.

Ju ftojmë t’i lexoni me kujdes dhe t’i zbatoni për një proces sa më të qetë dhe korrekt.

Gëzuar Kurban Bajramin!