Sindikata e Pavarur e Arsimit Shkoder-SPASH

29/07/2026

Nisur nga lajthitjet "vetshpallëse presidenciale" të individëve të dështuar dhe përgjegjësisë institucionale që ne ushtrojmë, më del për detyrë të ju kujtoj kolegëve të mij ca të vërteta të pakundershtueshme :

Së pari, i vetmi garantues i ushtrimit të funksioneve sindikaliste është Kushtetuta e Republikës së Shqipërisë.

Së dyti, ushtrimi i kësaj të drejte i takon institucioneve që zyrtarisht njihen si të tilla dhe kanë përfaqësim zyrtar dhe juridik.

Së treti , e drejta juridike i rregullon marrëdhëniet në mes institucioneve përfaqsuese sipas hierarkisë së mëposhtëm:
1.Kushtetuta e Republikës së Shqipërisë
2.Kodi i Punës i Republikës së Shqipërisë
3.Kontrata Kolektive e Punës e nënshkruar në mes Sindikatave përfaqsuese me Ministrinë e linjës.

Aleanca Sindikale e Arsimit ( FSASH-SPASH) ka mbi 30 vjet që ka nënshkruar Kontratat Kolektive të Punës me Ministrinë e Arsimit në vijimësi duke e ushtruar këtë të drejtë mbi bazen e :
-përfaqësimit të mbi 80% të punonjësve të kësaj ministrie,
-të seriozitetit në mbrojtjen e vendeve të punës së këtyre punonjësve ( në emërtimin konkret, mësuesa) dhe
-me luftën e përditshme për rritjen e kërkesave për një arsim cilësirë, profesion dinjitoz dhe kushte më të mira pune.

Është arritur mjaftueshëm dhe jemi të bindur dhe të vendosur për të kërkuar më shumë në këto drejtime.

Të gjithë ato që "krekosen" për gjoja reagime dhe luftë me qeverisjen, pa patur asnjë përgjegjësi për vendin e punës së çdo anëtari të Aleancës Sindikale të Arsimit dhe vizion për realizimin e kërkesave të drejta të mësuesve, më së pakti janë karrieristë të papërgjegjshëm që përditë e më tepër po bindemi se duan ti futin mësuesit në qorrsokak, gjë të cilën nuk do ta arrijnë asnjëherë dhe më së shumti, besueshëm si qëllimkeq.

Misioni i pseudosindikatës së vetshpallur ka vetëm një qëllim,
NË PËRFITIM TË LEHTËSIRAVE DHE BONUSEVE FINANCIARE NGA PUSHTETI , MUNDESISHT TË GËNJEJNË AQ SA TË MUNDIN MËSUES TË LARGOHEN NGA SINDIKATA, QË PUSHTETI TI KETË DUART E LIRA PËR TË FILLUAR LARGIMET NGA PUNA.
KJO PASI SINDIKATAT PAS LARGIMIT NGA ANTARËSIMI PRANË TYRE, NUK KANË MUNDËSI JURIDIKE TI MBROJNË MË !

Ju kërkoj kolegëve , që për momentin mund të jenë gënjyer nga premtimet "kozmike" apo "rryshfet/kreditet", të lexojnë Kontraten Kolektive të Punës të nënshkruar me 9 qershor 2023 e cila ka zbatim deri me daten 31 dhjetor 2027 !

Është kjo kontratë dhe vetëm partnerët që e kanë nënshkruar këtë kontratë, avokatët tuaj të përjetshëm.

Kush dëshiron të eksperimentojë me të ardhmen e vet profesionale, le të besojë ku të dojë. Sindikatat do vazhdojnë të funksionojnë dhe të kontribojnë për mijëra anëtarët e saj ndërsa për viktimat e mashtrimeve të momentit, nesër mos u qani dhe mos kërkoni avokati tek ato që në kohë ju këshilluan por tek ato që do zhduken pa lënë gjurmë !

Individë të cilët asnjëherë nuk arritën të krijojnë marrëdhënie korrekte institucionale, apo shoqërore; që as kolektivi i vet në asnjë vënd pune nuk i pranon, që fyejnë e anatemojnë profesione, krahina, apo përkatësi të ndryshme , në asnjëfarë mënyre nuk mund të jenë avokatët e mësuesve por veç mashtrues ordiner për të përfituar në kurriz të kolegëve të tyre !

A***n Peraj
Zvpresident i SPASH

19/07/2026

14/11/2025

12/11/2025

📢 NJOFTIM I RËNDËSISHËM

Pas ndërhyrjes së vazhdueshme të SPASH dhe FSASH, është dhënë përgjigjja zyrtare nga Sekretari i Përgjithshëm i Ministrisë së Arsimit dhe Sportit, z. Erzen Tola, në lidhje me interpretimin dhe zbatimin e unifikuar të nenit 6 të VKM nr. 239, datë 24.04.2025, që lidhet me kompensimin mujor të vështirësisë/largësisë nga vendbanimi për punonjësit arsimorë që udhëtojnë nga 5 deri në 50 km jashtë territorit të bashkisë ku banojnë.

Ky problem u ngrit fillimisht nga strukturat e sindikatave SPASH dhe FSASH Vau Dejës që në tetor 2024, pasi në ZVAP dhe Bashkinë Vau Dejës u konstatua se disa punonjës financash kishin ndërprerë në mënyrë të padrejtë pagesën e kompensimit për mësuesit që udhëtonin nga Shkodra drejt Vaun Dejës, duke e justifikuar se ishin “brenda të njëjtit rreth”.
Më pas, e njëjta praktikë u përhap edhe në disa ZVA të tjera të vendit, duke krijuar pabarazi në trajtimin e mësuesve.

Pas takimeve të zhvilluara nga SPASH dhe FSASH me Sekretarin e Përgjithshëm të MAS, me Zëvendësministren e Arsimit, Drejtoresha e Drejtorisë së Buxhetit dhe Menaxhimit Financiar dhe me përfaqësues të DRAP Lezhë dhe të Burimeve Njerëzore, çështja mori zgjidhje.

📄 Ministria e Arsimit, në përgjigjen zyrtare, ka sqaruar se:
➡️ Punonjësit arsimorë përfitojnë kompensimin mujor të vështirësisë/largësisë nga vendbanimi, kur janë të punësuar jashtë territorit të bashkisë së vendbanimit të tyre, në distancë mbi 5 km deri në 50 km, sipas përcaktimeve ligjore.

✅ Ministria ka orientuar të gjitha ZVA-të dhe bashkitë që të zbatojnë në mënyrë të unifikuar dhe të drejtë këtë vendim, duke garantuar që çdo mësues që udhëton çdo ditë për të dhënë mësim të marrë kompensimin që i takon me ligj.

🤝 SPASH dhe FSASH do të vazhdojnë të ndjekë zbatimin e këtij vendimi në të gjitha qarqet, për të siguruar që asnjë mësues të mos penalizohet padrejtësisht.

21/10/2025

Sindikatа turke e arsimit – Eğitim-Bir-Sen ka hapur zyrtarisht aplikimet për Konkursin e 9-të Ndërkombëtar të Filmit të Shkurtër mbi Arsimin!

Ky konkurs ndërkombëtar synon të sjellë në ekran historitë frymëzuese që pasqyrojnë ndikimin e arsimit tek individi dhe shoqëria, përmes gjuhës së fuqishme të artit dhe kinemasë.

Kush mund të marrë pjesë?

Të gjithë pjesëmarrësit amatorë dhe profesionistë mbi moshën 18 vjeç, me filma të shkurtër artistikë (jo dokumentarë) me temë arsimore.
⏱ Gjatësia maksimale e filmit: 15 minuta.

Çmimet:
🥇 Vendi i parë – 80,000 Lira Turke
🥈 Vendi i dytë – 60,000 Lira Turke
🥉 Vendi i tretë – 40,000 Lira Turke
🏅 Çmimi Special “Mehmet Akif İnan” – 30,000 Lira Turke
🎞 Çmimi “Union Lens – Erol Battal” – 20,000 Lira Turke

Afati i fundit për aplikim: 12 janar 2026
📢 Shpallja e fituesve: 30 janar 2026

Për më shumë informacion dhe aplikime:
🌐 www.ebskisafilm.org
🌐 www.ebsshortfilm.org

26/07/2025

SPASH & FSASH: Rruga gjyqësore administrative është domosdoshmëri ligjore dhe sindikale – jo veprim i kotë.

Përballë interpretimeve të gabuara që qarkullojnë në opinionin publik e sindikal, dëshirojmë të sqarojmë pozicionin e përbashkët të SPASH dhe FSASH mbi çuarjen e çështjes në Gjykatën Administrative pas vendimit të Gjykatës Kushtetuese për VKM-në nr. 425/2024:

🟢 1. SPASH dhe FSASH nuk kanë reshtur kurrë së ndjekuri rrugët ligjore me përpikmëri.
Çdo veprim institucional është ndërmarrë sipas hierarkisë dhe rendit kushtetues – nga zbatimi i kontratës kolektive, shkresat zyrtare, konsultimet me institucionet, e deri te ndërhyrjet ligjore.
Ne nuk kemi shkuar drejt Gjykatës Kushtetuese si hap i parë, por kemi respektuar procedurat dhe hapat e duhur ligjorë, ashtu siç kërkon një sindikatë serioze.

🟢 2. Pikërisht çuarja e çështjes drejtpërdrejt në Gjykatën Kushtetuese, pa u konsumuar më parë rruga gjyqësore e zakonshme, ka ndikuar negativisht në betejën sindikale.
Kjo ka penguar punën e sindikalistëve të vërtetë që duan të zgjidhin padrejtësitë në mënyrë institucionale, ligjore dhe jo të çoroditur. Tani rrezikojmë që precedenti i krijuar — një vendim i rrëzuar për shkak të mungesës së kuorumit — të përdoret si “humbje e ligjshme”, kur në fakt nuk është.

🟢 3. Gjykata Kushtetuese e shqyrtoi çështjen, por nuk e zgjidhi.
Rrëzimi i kërkesës nuk erdhi për mungesë të drejtës, por sepse nuk u arrit numri prej 5 votash për ta shpallur antikushtetuese VKM-në. Madje, një pjesë e gjyqtarëve shprehën qartë që çështja i përket juridiksionit të zakonshëm, pra gjykatave administrative.

🟢 4. Gjykatat mund të jenë të ngarkuara, por drejtësia nuk matet me sa shpejt arrin — matet me sa qartë dhe me sa këmbëngulje kërkohet.
Të mos padisim, sepse procesi zgjat, është si të mos flasim për padrejtësinë sepse “s’na dëgjojnë”. Padia është detyrimi minimal moral dhe ligjor që kemi ndaj çdo anëtari që përfaqësojmë.

🟢 5. SPASH dhe FSASH nuk veprojnë për propagandë — por për zgjidhje.
Ne nuk kemi asnjë interes të krijojmë zhurmë të pavlerë, por kemi një objektiv të qartë: të mbrojmë të drejtën për trajtim të barabartë dhe dinjitet profesional për çdo mësues.

✊ Sindikalizëm i vërtetë nuk është ai që ndjek rrugën më të zhurmshme, por ai që çon çështjen deri në fund me integritet dhe bazë ligjore.