12/06/2026
Të dashur nxënës të klasës së 9-të, ju sot dëgjuat zilen e fundit të mësimit në këtë shkollë, përcollët zërin e emocionuar të mësueseve tuaja kujdestare që bënë apelin përmbyllës, duke shqiptuar me dashuri emrat tuaj.
Ju u mblodhët me njëri-tjetrin për të bërë përshëndetjen tuaj të veçantë.
Sot mbyllet një kapitull i bukur i jetës suaj dhe nesër do të nisni fluturimin drejt ëndrrave e sfidave të reja.
Por...këto vite do të jetojnë gjatë në memorien tuaj si vite miqësie, mësimesh dhe kujtimesh të paharrueshme.
Kjo ceremoni e bukur lamtumire u çel me nxënësit e klasës së 9a me mësuese Flora Lazaj, vazhdoi me klasën e 9b me mësuese Alketa Xhaferi, me klasën e 9c me mësuese Katerina Jovani dhe u përmbyll me klasën e 9e me mësuese Anila Veli.
Me zë të dridhur ju kujtuat dhe shprehët urimet tuaja më të sinqerta për të gjithë mësuesit që ju dhanë mësim, ju rritën dhe edukuan që ju të shkëlqeni kudo, ku t'ju çojë jeta.
Emocionet tuaja të thëna aq bukur në vargje shprehën mirënjohjen për këtë shkollë dhe për të gjithë mësuesit tuaj.
Sot ju mbyllët derën e fëmijërisë, për të hapur dritaren e madhe të suksesit.
📍Nxënësit tanë të mirë shkoni e shkëlqeni kudo, ku jeta do t'ju çojë, ecni para me zemër të madhe dhe besim në vetvete.
📍Mos harroni kurrë se sukseset lindin nga përpjekja, ndërsa vlera më e madhe është të mbeteni njerëz të mirë.
📍Krenoni veten, familjet tuaja dhe mësuesit që ju shoqëruan në këtë udhëtim sfidues!🏆📕📚
📍Urime, fat e suksese ademshemas të mrekullueshëm!🙏🥇
