Shkolla 9 vjecare "Kolë Koci"- Faqja Zyrtare

15/09/2026

14/09/2026

🎒📚 Mirë se erdhe, Viti i Ri Shkollor 2026–2027! 📚🎒

Sot, në ambientet e Shkollës 9-vjeçare “Kolë Koci”, Pogradec, nisëm së bashku një tjetër vit shkollor, me energji të reja, buzëqeshje dhe dëshirën për të mësuar e për të arritur më shumë. 🌟

Dita e parë e shkollës solli emocione të veçanta për nxënësit, mësuesit dhe prindërit. U rihapën dyert e shkollës për një vit të ri plot dije, sfida, bashkëpunim dhe suksese.

Në këtë ditë të veçantë, u vlerësuan nxënësit me rezultate të larta në mësime, duke iu dorëzuar certifikata vlerësimi. 🏆📜

Ky vlerësim është një mënyrë për të përgëzuar përkushtimin, punën dhe rezultatet e tyre, por edhe për të nxitur të gjithë nxënësit që të besojnë te vetja dhe të synojnë gjithmonë më lart.

👏 Urime dhe suksese të gjithë nxënësve tanë!

Le ta bëjmë vitin shkollor 2026–2027 një vit të dijes, miqësisë, bashkëpunimit dhe arritjeve të reja!

🏫 Shkolla 9-vjeçare “Kolë Koci” – Pogradec
Së bashku drejt dijes dhe suksesit! 🌟

14/09/2026

MESAZH URIMI PËR FILLIMIN E VITIT TË RI SHKOLLOR

Të dashur nxënës, prindër, mësues dhe pjesëtarë të familjes sonë të shkollës,

Sot hapim së bashku një faqe të re. Çdo vit shkollor sjell emocione, fillime të reja dhe shumë ëndrra për të ardhmen.

Një urim i veçantë shkon për vogëlushët e klasave të para, që hedhin hapat e tyre të parë në shkollë, për nxënësit e klasave të gjashta, që nisin një etapë të re, si dhe për nxënësit e klasave të nënta, të cilët përjetojnë vitin e fundit në shkollën tonë dhe përgatiten për një rrugëtim të ri. Një mirëseardhje e veçantë shkon edhe për të gjithë nxënësit e rinj që i bashkohen këtë vit shkollor familjes sonë. Ju urojmë të ndiheni sa më shpejt pjesë e saj, të krijoni miqësi të reja dhe të përjetoni momente të bukura në shkollën tonë. Një përshëndetje e përzemërt shkon edhe për ish-nxënësit tanë që kanë nisur klasën e dhjetë – ju mbeteni gjithmonë pjesë e historisë sonë.

Mirë se erdhët edhe mësuesve të rinj, të cilët i bashkohen familjes sonë shkollore, si dhe falënderim për mësuesit, stafin mbështetës, rojen dhe sanitaret, që me përkushtimin e tyre bëjnë të mundur që shkolla jonë të jetë një vend i sigurt, i pastër dhe mikpritës.

Të dashur nxënës, mos kini frikë të ëndërroni, të përpiqeni dhe të besoni te vetja. Shkolla nuk është vetëm vendi ku marrim dije, por edhe vendi ku mësojmë të respektojmë, të bashkëpunojmë dhe të bëhemi njerëz më të mirë.

Le ta nisim këtë vit me një angazhim të përbashkët: të mos lëmë askënd pas, të ndihmojmë njëri-tjetrin dhe të punojmë së bashku për një shkollë edhe më të mirë.

Sepse një shkollë e mirë nuk ndërtohet vetëm me libra dhe programe; ajo ndërtohet nga njerëzit që e duan dhe kujdesen për të.

Ju uroj nga zemra një vit të ri shkollor të mbarë, të suksesshëm dhe plot arritje!

Mirë se u rikthyem në shtëpinë tonë të përbashkët!

Me respekt,
Enedi Ktona
Drejtor

13/09/2026

Jemi gati per te mirepritur vogelushet tane ne nje udhetim te ri dhe te bukur ne klasen pergatitore!

13/09/2026

"Historia jonë rrjedh nëpër duart e nxënësve tanë 🇦🇱❤️ Punime nga viti shkollor 2025-2026 "

11/09/2026

Një fillim i ri, plot buzëqeshje, ëndrra dhe emocione të bukura! Mirë se erdhe, vit i ri shkollor! ❤️🎒

10/09/2026

📊 ANALIZA VJETORE E PUNËS – VITI SHKOLLOR 2025–2026
Në kuadër të përmbylljes së vitit shkollor 2025–2026, në shkollën tonë u zhvillua Analiza Vjetore e Punës, një moment i rëndësishëm për të reflektuar mbi arritjet, sfidat dhe objektivat e institucionit.
Gjatë analizës u trajtuan në mënyrë të strukturuar disa nga drejtimet kryesore të veprimtarisë së shkollës:
🔹 Gjendja e shkollës dhe puna e realizuar gjatë vitit;
🔹 Vizioni, synimet dhe objektivat e shkollës për vitin 2025–2026;
🔹 Përbërja e shkollës dhe statistikat;
🔹 SHQK, BDSH dhe buxheti;
🔹 Arritjet e nxënësve dhe rezultatet e tyre;
🔹 Nxënësit me AK dhe mbështetja e ofruar për ta;
🔹 Mungesat dhe problematikat e nxënësve;
🔹 Aktivitetet, projektet dhe bashkëpunimet e zhvilluara gjatë vitit.
Analiza shërbeu jo vetëm si një vlerësim i punës së bërë, por edhe si një pikënisje për përmirësimin e mëtejshëm të cilësisë së shërbimit arsimor, gjithëpërfshirjes, mirëqenies së nxënësve dhe bashkëpunimit shkollë–familje–komunitet.
🙏 Një falënderim i veçantë shkon për Kryetarin e Bordit të Shkollës, z. Arbi Basho, dhe Kryetaren e Këshillit të Prindërve, znj. Julika Gjyla, për bashkëpunimin, mbështetjen dhe kontributin e tyre të vazhdueshëm në veprimtaritë dhe nismat e shkollës.
👏 Falënderojmë gjithashtu të gjithë mësuesit, stafin, nxënësit dhe prindërit që me përkushtimin dhe bashkëpunimin e tyre kontribuuan në një vit të suksesshëm shkollor.
Së bashku reflektojmë mbi arritjet, mësojmë nga sfidat dhe ndërtojmë një shkollë edhe më të mirë! 🌱📚

04/09/2026

📚 LIBRAT SHKOLLORË – FALAS PËR NXËNËSIT TANË!

Me shumë kënaqësi njoftojmë se ka nisur shpërndarja e librave shkollorë falas për nxënësit e shkollës sonë. 📖

✨ Klasat I–VII pajisen me tekste shkollore tërësisht të reja, pa pagesë, për një fillim sa më të mbarë të vitit të ri shkollor.

📘 Klasat VIII–IX pajisen me tekste shkollore në përdorim, gjithashtu pa pagesë, duke garantuar që çdo nxënës të ketë në dispozicion materialet e nevojshme për procesin mësimor.

Ky është një tjetër hap i rëndësishëm për të siguruar mundësi të barabarta, mbështetje për familjet dhe kushte sa më të mira për të gjithë nxënësit.

🎓 Libri është një nga mjetet më të rëndësishme të dijes. Ta përdorim me kujdes, ta ruajmë dhe ta bëjmë pjesë të rrugëtimit tonë drejt dijes dhe suksesit!

📚✨ Suksese të gjithë nxënësve në vitin e ri shkollor!

19/06/2026

"Me zemër plot krenari ju përcjell në hapin tuaj të radhës. Qofshi gjithmonë të guximshëm, të lumtur dhe plot ëndrra. Urime diplomimin, yjet e mi të vegjël! 🎓✨" Part 8