Shkolla "5 Deshmoret" ZVAP Fier

13/09/2026

📚 TË DASHUR PRINDËR,

Me rastin e fillimit të vitit të ri shkollor 2026–2027, ju bëjmë me dije se dita e parë e shkollës do t’i kushtohet një veprimtarie të veçantë orientuese, informuese dhe mirëpritëse me nxënësit.

Gjatë kësaj dite, nxënësit do të njihen dhe do të orientohen lidhur me:

• rregullat dhe rregulloren e shkollës;
• të drejtat dhe përgjegjësitë e tyre;
• normat e sjelljes, komunikimit dhe respektit ndaj njëri-tjetrit;
• kodin e veshjes dhe paraqitjen e përshtatshme në mjediset shkollore;
• përdorimin e telefonit celular gjatë procesit mësimor;
• rregullat e sigurisë dhe mënyrën e veprimit në situata të ndryshme;
• kujdesin ndaj mjediseve dhe pasurisë së përbashkët të shkollës;
• mënyrat se si mund të kërkojnë ndihmë, këshillim dhe mbështetje kur përballen me një vështirësi apo kanë nevojë për orientim.

Gjithashtu, nxënësit do të njihen me mjediset e shkollës, funksionimin e tyre dhe personat të cilëve mund t’u drejtohen për ndihmë.

🌿 Qëllimi ynë është që çdo nxënës ta nisë këtë vit shkollor me siguri, qetësi, besim dhe një ndjenjë pozitive, duke e përjetuar klasën dhe shkollën si një mjedis ku respektohet, dëgjohet, mbështetet dhe inkurajohet.

Ne besojmë se një fillim i mirë krijon themelet për një vit të suksesshëm. Për këtë arsye, bashkëpunimi shkollë–familje mbetet një vlerë dhe një mbështetje e rëndësishme për mirërritjen, edukimin dhe suksesin e fëmijëve tanë.

Ju falënderojmë për besimin, mirëkuptimin, bashkëpunimin dhe mbështetjen tuaj të vazhdueshme!

Ju urojmë të gjithë nxënësve një vit shkollor të mbarë, të sigurt, të bukur dhe plot arritje, miqësi e momente të paharrueshme!

🌟 Mirë se vini në një fillim të ri!
📚✏️📓🏫👩🏻‍🏫

SUKSESE NË VITIN E RI SHKOLLOR 2026–2027! 🌟

06/07/2026

Të nderuar prindër/nxënës, më poshtë gjeni linkun për regjistrimet. Ju lutem plotësoni të dhënat brenda afatit të përcaktuar.

🔴NJOFTIM SHUMË I RËNDËSISHËM‼️

🏫 💻 Regjistrimet online për klasat e para dhe të dhjeta hapen sot më 6 korrik në dhe sistemi do të jetë i hapur deri më 31 korrik, për t’i dhënë mundësi të gjithë prindërve të regjistrojnë fëmijët e tyre brenda këtyre afateve.

💻Regjistrimi në klasën e parë 🔗https://e-albania.al/ServiceDetails/10117

💻Regjistrimi në klasën e dhjetë 🔗https://e-albania.al/ServiceDetails/10058

19/06/2026

Sot po zhvillohet Provimi Kombëtar i Arsimit Bazë (PKAB) në lëndën e Gjuhës Shqipe për nxënësit e klasës së 9-të në Patos Fshat. 📚

Me besim te puna dhe përgatitja e tyre, uroj që secili nxënës ta përballojë këtë sfidë me qetësi, vetëbesim dhe sukses.

Përkushtimi dhe mundi i treguar gjatë gjithë vitit shkollor janë hapi më i sigurt drejt rezultateve të mira.

Suksese të gjithëve! 🍀

Mësuesja e Gjuhës Shqipe: Eneida Kasemi 🌷

04/06/2026

🎙️📚 PODCAST I BIBLIOTEKËS

Eloina Elmazi prezanton romanin “Historia pa Mbarim” të Michael Ende, ndërsa me pyetjet e saj Dallandyshe Saliaj udhëheq bisedën dhe na fton të reflektojmë mbi mesazhet e thella të veprës.

Një takim me botën e Fantazisë, ëndrrave, guximit dhe zbulimit të vetvetes përmes aventurës së Bastian Baltazar Buksit.

Ju ftojmë të na ndiqni në këtë udhëtim letrar plot imagjinatë dhe frymëzim. ✨📖

Përgatiti: Eneida Kasemi

01/06/2026

01/06/2026

🌸📚 Gëzuar Festën e Abetares! 📚🌸

Urime të përzemërta nxënësve për këtë arritje të bukur dhe mësueses Irena Metohu për përkushtimin, durimin dhe dashurinë me të cilën i udhëhoqi në hapat e parë të dijes.

Ju urojmë suksese, gëzim dhe një të ardhme të ndritur! ❤️✨

📖🌷

22/05/2026

📚 Paraprovim në lëndën e gjuhës shqipe me nxënësit tanë.
Suksese dhe rezultate sa më të mira! ✨
Përgatiti mësuese Eneida Kasemi.

15/05/2026

Sot u zhvillua paraprovimi i gjuhës angleze nën drejtimin e mësuese Melita Duraj. Nxënësit treguan seriozitet dhe përkushtim gjatë zhvillimit të testimit. 🇬🇧📚✨

12/05/2026

Paraprovim VANAF me mësuese Valbona Malaj 📚✨
Puna, përkushtimi dhe besimi në vete janë çelësi i suksesit.
Suksese të gjithë nxënësve të klasës së 5-të
Ji priftë e mbara në çdo hap! 🌟❤️