Muzeu Historik Lushnje

Një tjetër objekt ju shtua muzeut tonë.
Bëhet fjalë për një tjegull antike e ruajtur e plotë. Ky objekt u zbulua në kodrën e Pusit Biçakaj (Darsi)

Sot në mjediset e muzeut u çel ekspozita me piktura me temë “Natyrë e qetë”, e autorit Milto Kote, një udhëtim vizual drejt qetësisë dhe harmonisë.

Në mjediset e Muzeut është çelur ekspozita fotografike “Lushnja sportive në 100 vite”, e autorit z. Vergjil Xhafa.
Ftojmë të gjithë dashamirësit e sportit dhe historisë lokale ta vizitojnë këtë ekspozitë, e cila pasqyron një shekull aktivitetesh sportive në qytetin e Lushnjës.
Ekspozita do të qëndrojë e hapur për disa ditë.

#Lushnjë/ 🎥Punimet për projektin “YOUTecH” po marrin formë çdo ditë, duke sjellë më afër realizimin e një qendre moderne të teknologjisë dhe informacionit për të rinjtë e Lushnjes. Investimi i mbështetur nga Agjencia Kombëtare e Rinisë dhe Bashkia Lushnje po transformon katin nëntokë të Muzeut në një hapësirë inovative, ku të rinjtë do të mund të rrisin aftësitë digjitale, kreativitetin dhe idetë e tyre për të ardhmen. #PuneJoFjale #YoutechLushnje #agjenciakombëtareerinisë #BashkiaLushnje

Muzeu Historik i Lushnjes është pasuruar me një dhurim të veçantë: një arkë artizanale e punuar në vitin 1845, e krijuar fillimisht për martesën e Marina dhe Mitër Gjata.
Kjo arkë është trashëguar brez pas brezi, më pas në martesën e djalit të tyre Spiro dhe Dafina Gjata, si edhe tek mbesa Ristanka dhe Llazi Çuko.

Sot, më datë 02.12.2025, kjo arkë i dhurohet Muzeut Historik të Lushnjes si një simbol dashurie dhe nderimi ndaj qytetit, nga Gjoni Çuko, djali i Ristanka dhe Llazi Çukos, së bashku me familjen e tij.