Kolegji " DAKA "

Klasa e dytë zhvilloi projektin “Libri i Kujtimeve – Sa lart u ngjit balona ime”, një nismë e ideuar nga drejtoria e shkollës në bashkëpunim me mësuesen kujdestare Shahe Xhebexhiu.

Gjatë vitit shkollor, nxënësit shkruan dhe vizatuan në librat e tyre kujtimet më të bukura nga shkolla. Në to ruajtën çaste të veçanta, aktivitete, miqësi dhe arritje që i bënë të buzëqeshin. Kështu, secili krijoi një libër të veçantë kujtimesh që do ta ruajë me dashuri edhe në vitet që vijnë. 🎈📖✨

Klasa e 10, në lëndën e Gjuhës Angleze me mësuese Eneijda Rama, zhvilloi projekte interesante të realizuara në grupe. Nxënësit u ndanë në tre grupe pune dhe prezantuan temat: “How Technology Affects Our Daily Life”, “Architectural Monuments Around the World” dhe “Cultural and Language Differences Between the UK and the USA”.

Përmes kërkimit, bashkëpunimit dhe prezantimeve krijuese, nxënësit zhvilluan aftësitë e tyre gjuhësore, komunikuese dhe analitike, duke e bërë procesin e të nxënit më tërheqës dhe praktik.

🌿 Shërbim Komunitar në Veprim 🌿

Nxënësit e klasës së 10-të përfunduan me sukses modulin e Shërbimit Komunitar (18 orë mësimore), duke dhënë një kontribut të vlefshëm për komunitetin dhe mjedisin përreth shkollës sonë.

Ata zgjodhën të pastrojnë një hapësirë pranë shkollës, e cila falë përkushtimit, punës në grup dhe ndjenjës së përgjegjësisë qytetare, u transformua në një ambient të pastër, të gjelbëruar dhe mikpritës. Mbjellja e luleve i dha kësaj hapësire jetë, ngjyra dhe bukuri, duke e kthyer atë në një kënd të këndshëm për të gjithë.

Krenarë për angazhimin dhe shembullin e tyre pozitiv!

Klasa e 8-të, në lëndën e Gjuhës Angleze me mësuese Eneijda Rama, prezantoi projektin me temën “Country Life vs City Life”.

Nxënësit krahasuan jetën në fshat dhe në qytet, duke analizuar avantazhet dhe disavantazhet e secilës mënyrë jetese. Përmes kërkimeve, diskutimeve dhe prezantimeve kreative, ata zhvilluan aftësitë e tyre gjuhësore dhe mendimin kritik mbi zgjedhjet që ofron bota moderne.

🌳 Country Life: peace, nature and fresh air.
🏙️ City Life: opportunities, services and entertainment.

Different lifestyles, different advantages, but each with its own unique value.

Klasa e 4-t, nën drejtimin e mësueses Eva Matjani, prezantoi projektin në lëndën e Gjuhës Angleze me temën “Bullying”.

Përmes punimeve dhe diskutimeve, nxënësit përcollën mesazhe të rëndësishme për respektin, mirëkuptimin dhe miqësinë, duke theksuar se çdo fëmijë meriton të ndihet i sigurt dhe i vlerësuar.

🫶 Say NO to Bullying!
💙 Choose Kindness, Respect and Friendship.

🌍 Projekti i klasës së 8-të

Lënda: Gjeografi
Mësuese: Mimoza Murati

Tema: “Shtetet më të industrializuara në botë”

Një punë kërkimore dhe prezantuese mbi vendet me zhvillimin më të madh industrial dhe ndikimin e tyre në ekonominë botërore. 📚✨

🇦🇱🇪🇺

Nxënësit e klasës së VIII prezantuan projektin me temë “Shqipëria në rrugën e integrimit euroatlantik”, duke sjellë fakte, analiza dhe reflektime mbi rrugëtimin e vendit tonë drejt familjes euroatlantike.

Përmes këtij projekti, ata njohën më mirë rëndësinë e integrimit, vlerat demokratike dhe rolin e Shqipërisë në arenën ndërkombëtare.

📚 Klasa VIII, Lënda: Histori
👩‍🏫 Mësuese: Maltina Sharka

Gëzuar Festën e Abetares!

Sot na falët shumë dashuri me gjithçka përgatitët dhe dhuruat në skenën tonë të vogël. Bashkë me ju vallëzuan edhe shkronjat e gjuhës sonë të bukur shqipe. Ato kënduan, vallëzuan dhe përcollën mesazhet më të bukura të dashurisë, për prindërit, për mësuesen, për miqësinë tuaj të sinqertë dhe për shkollën tonë të dashur.

Mos e harroni kurrë këtë mbrëmje të veçantë! Sonte hodhët një hap të rëndësishëm në rrugën e gjatë, por të bukur, të dijes. Çdo shkronjë që mësuat është një derë e re drejt ëndrrave dhe suksesit tuaj.

Jemi krenarë për ju, vogëlushë! ❤️📚✨

📚 Klasa e 8 – Projekt në lëndën: Gjuhë Shqipe
👩‍🏫 Mësuese: Gentiana Mehilli

✨ Tema: Folklori myzeqar dhe ruajtja e kulturës, vlerave e traditave

Folklori myzeqar është një pasuri e çmuar e kulturës sonë kombëtare. Ai përfshin dasmat tradicionale, këngët popullore plot ndjenjë, kostumet e bukura me ngjyra dhe qëndisma, si dhe fjalët e urta që mbartin mençurinë e brezave.

Ruajtja e këtyre vlerave nuk është thjesht kujtesë e së kaluarës, por një mënyrë për të mbrojtur identitetin tonë kulturor dhe për ta përcjellë atë tek brezat e rinj 🤍🌿