Nënshkruesi Pavarësisë Nebi Sefa

25/08/2026

23/08/2026

20/08/2026

Ka vende ku thjesht kalon disa vite të jetës, dhe ka vende që, pa e kuptuar, bëhen pjesë e asaj që je. 🤍
Për mua, Nënshkruesi ishte pikërisht ai vend. Ishte vendi ku u rrita, ku mësova dhe ku kuptova se asnjë ëndërr nuk është e paarritshme kur pas saj qëndrojnë puna e palodhur, vullneti, këmbëngulja dhe, mbi të gjitha, besimi te vetja.
Kjo shkollë na dhuroi vitet më të bukura të jetës sonë. Këto banka na dhanë pafund dije e mësime, ndërsa këto korridore, të mbushura me zhurmë, të qeshura, emocione e biseda, do të mbeten gjithmonë dëshmitare të një pjese të jetës sonë që tashmë ka lënë gjurmë të thella brenda nesh.
Dhe pas gjithë këtyre mësimeve e kujtimeve qëndrojnë njerëzit që i dhanë kuptim gjithë kësaj eksperience: mësuesit tanë të mrekullueshëm.
Ata nuk luajtën thjesht rolin e një mësuesi. Ishin aty për të na mbështetur, për të na udhëzuar, për të na dëgjuar dhe për të na dhënë gjithmonë më të mirën e tyre.
Na mësuan jo vetëm atë që gjendej në libra, por edhe si të përballemi me jetën, si të besojmë te vetja dhe si të mos heqim dorë kurrë nga ajo që duam.
Faleminderit për çdo orë mësimi, për çdo këshillë, për çdo fjalë, për çdo kritikë dhe për çdo herë që besuat tek ne.
Faleminderit që ish*t pjesë e rritjes sime dhe që, me profesionalizmin, përkushtimin dhe dashurinë tuaj për profesionin, më mësuat të bëhem versioni më i mirë i vetes.
Sot mund ta them me bindje se misioni juaj është përmbushur me sukses.
Faleminderit, Nënshkruesi, për gjithçka që na dhe.
Për ditët që tashmë kanë nisur të na mungojnë, për njerëzit që na shoqëruan dhe i dhanë ngjyra këtij rrugëtimi, për të qeshurat, emocionet, sfidat dhe mbi të gjitha, për kujtimet që koha nuk do t’i fshijë kurrë.
Sepse disa vende nuk i lëmë pas kur largohemi…
i marrim me vete, përgjithmonë. 🤍
Mirupafshim, Nënshkruesi!
Me dashuri dhe mirënjohje, gjithmonë. 🤍

20/08/2026

Ashtu si çdo fillim e ka një fund, edhe këtij rrugëtimi trevjeçar i erdhi momenti për t’u mbyllur.
E mbaj mend si dje mëngjesin e 11 shtatorit 2023, kur hodha hapin tim të parë në oborrin e kësaj shkolle, pa e ditur se këtu do të kalonin tre vite kaq të vrullshme të jetës sime.
Tre vite plot zhurmë, ndryshime, sfida, të qeshura, emocione dhe gëzime. Tre vite në të cilat u rrita, ndryshova dhe mësova shumë, jo vetëm nga librat, por edhe nga njerëzit dhe përvojat që u bënë pjesë e përditshmërisë sime.
Në fillim gjithçka ishte e re: shoqëria, mësuesit, ambienti… Por u përpoqa të përshtatesha dhe, shumë shpejt, kuptova se i përkisja këtij vendi.
Jam shumë mirënjohëse ndaj gjithë stafit të mësuesve, të cilët u përpoqën çdo ditë të nxirrnin në pah versionin më të mirë të secilit prej nesh, edhe në ato momente kur ne vetë nuk kishim dëshirë ta kërkonim atë.
Edhe kur ju lodhëm, ju shqetësuam apo ju vumë në provë, ju nuk u dorëzuat kurrë. Na udhëzuat, na këshilluat, na korrigjuat dhe, mbi të gjitha, besuat tek ne.
Sot, teksa largohemi, uroj që secili prej nesh të ketë lënë pas një kujtim të bukur në këtë shkollë. Uroj që të qeshurat, zërat dhe kujtimet tona të vazhdojnë të jehojnë në korridoret e saj për shumë vite.
Dhe mbi të gjitha, uroj që edhe ju të mos na harroni…
Ashtu siç ne nuk do t’ju harrojmë kurrë. ❤️
Faleminderit për këto tre vite.
Faleminderit për çdo mësim, çdo këshillë, çdo buzëqeshje dhe çdo kujtim.
Mirupafshim, shkolla jonë!
Do të mbetesh gjithmonë një pjesë e bukur e historisë sonë. ❤️

20/08/2026

Disa vende nuk i lëmë kurrë pas, sepse me kalimin e viteve bëhen pjesë e asaj që jemi… ❤️
Isha vetëm 3 vjeçe kur u bëra pjesë e kësaj shkolle, pa e ditur se vendi ku hyra atëherë si një fëmijë i vogël do të bëhej, për 15 vite me radhë, shtëpia ime e dytë.
Kur kthehem pas, kuptoj se këto nuk kanë qenë thjesht vite shkolle. Kanë qenë një jetë e tërë kujtimesh. Korridoret, klasat, zërat, buzëqeshjet, miqësitë, ditët e bukura, por edhe ato të vështirat… të gjitha janë bërë pjesë e historisë sime.
Këtu lashë pas një pjesë të fëmijërisë sime dhe mora me vete kujtime që do të më shoqërojnë gjithmonë. Sepse kapitujt mbyllen, por kujtimet e tyre nuk mbarojnë kurrë.
Një falënderim i veçantë shkon për mësuesit e mi, të cilët më shoqëruan në çdo hap të rritjes sime. Më mësuan shumë më tepër se libra e mësime; më mësuan vlera, më dhanë besim dhe më panë të rritem e të bëhem ajo që jam sot.
Mirënjohje e veçantë edhe për drejtuesit e shkollës, të cilët me përkushtim, dashuri dhe punë e kthyen këtë institucion në diçka shumë më të madhe se një shkollë… në një shtëpi.
Tashmë, ky kapitull 15-vjeçar është mbyllur. Dhe ndoshta kjo është një nga pjesët më të vështira të rritjes: të largohesh nga një vend që ka qenë pjesë e jotja për kaq gjatë.
Por, pavarësisht se ku do të më çojë jeta, një pjesë e zemrës sime do të mbetet gjithmonë këtu.
Faleminderit për 15 vitet.
Faleminderit për çdo kujtim.
Faleminderit për çdo mësim dhe për çdo gjurmë që latë tek unë.
Do të jeni përjetë në zemrën time…
Nënshkrues... ❤️

19/08/2026

Unë jam Ardesa dhe sot, teksa shikoj pas, kuptoj se tre vitet e gjimnazit kanë qenë ndër vitet më të bukura, më të veçanta dhe më formuese të rrugëtimit tim jetësor.

Kur erdha për herë të parë në këtë shkollë, nuk mund ta imagjinoja se me kalimin e viteve ajo do të bëhej kaq e rëndësishme për mua. Kjo shkollë u bë vendi ku do të rritesha, do të zbuloja veten, do të provoja aftësitë e mia, do të sfidoja veten, do të krijoja kujtime të paharrueshme dhe, mbi të gjitha, do të ndihesha pjesë e një familjeje të madhe.

Teksa shkruaj, më vijnë në mendje orët e mësimit, korridoret e mbushura me zëra, të qeshurat, përshëndetjet, hapat e nxituar për të mos u vonuar, zhurma e klasave dhe ato pak minuta para se të binte zilja. Më kujtohen pushimet mes orëve, bisedat që nuk mbaronin kurrë, të qeshurat për gjërat më të vogla, aktivitetet, emocionet para provimeve dhe ditët kur mezi prisnim të mbaronte ora. Atëherë për ne ishin thjesht momente të zakonshme, por sot e kuptoj se pikërisht këto janë kujtimet që do të më mungojnë më shumë.

Në këtë shkollë mësova se arsimi është çelësi që hap dyert e ardhmes.

09/07/2026

Aida Shtaro
Fituese e Medaljes së Artê.

"Kur hodha hapin e parë në këtë shkollë, nuk e imagjinoja sa shumë do të ndryshoja. E nisa këtë udhëtim me ëndrra, pasiguri dhe shumë kureshtje për atë që më priste. Sot largohem me përvojë, kujtime të paharrueshme dhe krenari për gjithçka që kam arritur.
Këto vite nuk kanë qenë vetëm nota dhe provime. Kanë qenë ditë plot sfida, momente gëzimi, lodhje, suksese dhe mësime që do të më shoqërojnë gjatë gjithë jetës. Çdo pengesë më bëri më të fortë dhe çdo arritje më motivoi të kërkoja gjithmonë më shumë nga vetja.
Jam pafundësisht mirënjohëse familjes sime, e cila ka qenë mbështetja ime më e madhe në çdo hap.
Një falënderim i veçantë shkon për çdo mësues që më besoi, më udhëzoi dhe më inkurajoi edhe në momentet kur vetë dyshoja te vetja. Besimi i tyre ishte një shtysë e madhe për të mos u dorëzuar.
Jam krenare që pata mundësinë të jem pjesë e kësaj shkolle dhe të ndaj këtë rrugëtim me shokë e shoqe që do të mbeten gjithmonë pjesë e kujtimeve të mia më të bukura.
Ky është fundi i një kapitulli, por edhe fillimi i një rruge të re. Largohem me zemër plot mirënjohje dhe me besimin se puna, përkushtimi dhe këmbëngulja gjithmonë shpërblehen".

06/07/2026

🏫💻 Regjistrimet online për klasat e para dhe të dhjeta hapen më 6 korrik në dhe sistemi do të jetë i hapur deri më 31 korrik, për t’i dhënë mundësi të gjithë prindërve të regjistrojnë fëmijët e tyre brenda këtyre afateve.