Shkolla Profesionale "Kolin Gjoka"

21/09/2026

🎓 Një hap tjetër drejt forcimit të sistemit dual!

Sot patëm kënaqësinë të ndajmë certifikatat me mentorët e bizneseve që përfunduan me sukses trajnimin për rolin dhe përgjegjësitë e tyre në sistemin dual.

🤝 Mentorët janë një urë e rëndësishme mes shkollës dhe botës së punës. Përmes përvojës, profesionalizmit dhe mbështetjes së tyre, nxënësit fitojnë jo vetëm aftësi profesionale, por edhe besim, përgjegjësi dhe përvojë reale në mjedisin e punës.

👏 Faleminderit të gjithë mentorëve për angazhimin dhe bashkëpunimin e tyre dhe suksese në këtë rol të rëndësishëm!

Shkolla + Biznesi = më shumë mundësi për të rinjtë.

14/09/2026

Sot, në Shkolla Profesionale "Kolin Gjoka" nisëm një tjetër vit me dije, energji dhe ëndrra të reja.

Një mirëseardhje e veçantë për nxënësit tanë të rinj të klasave të dhjeta, që sapo kanë nisur rrugëtimin e tyre në arsimin profesional.

Urojmë për të gjithë nxënësit, mësuesit dhe prindërit një vit të mbarë, plot suksese dhe arritje!

Suksese në çdo hap të këtij viti të ri shkollor!
Qoftë një vit i mbarë për të gjithë!

11/09/2026

📚 Takim me stafin e shkollës – bashkë për një vit të ri shkollor të suksesshëm!

Në kuadër të përgatitjeve për fillimin e vitit të ri shkollor, zhvilluam një takim me stafin e shkollës, ku u analizuan rezultatet dhe puna e vitit shkollor të kaluar, duke evidentuar arritjet, sfidat dhe drejtimet për përmirësim.

🔹 Një pjesë e rëndësishme e takimit ishte edhe zgjedhja e anëtarëve nga personeli mësimdhënës për Komisionin e Disiplinës dhe Komisionin e Etikës, në përputhje me udhëzimet dhe aktet normative në fuqi.

💬 Takimi u shoqërua me diskutime, shkëmbim mendimesh dhe propozime mbi organizimin e punës, bashkëpunimin dhe krijimin e kushteve për një fillim sa më të mbarë të procesit mësimor.

🤝 Me përgjegjësi, bashkëpunim dhe angazhim të përbashkët, synojmë të vijojmë punën për një vit shkollor të suksesshëm, në funksion të nxënësve, cilësisë së arsimit dhe zhvillimit të shkollës.

✨ Suksese të gjithëve në vitin e ri shkollor!

02/09/2026

📌 Takimi i Bordit të Shkollës “Kolin Gjoka”

Në kuadër të përgatitjeve për fillimin e vitit të ri shkollor 2026–2027, u zhvillua takimi i Bordit të Shkollës “Kolin Gjoka”, me pjesëmarrjen e anëtarëve të Bordit dhe drejtimit të institucionit.

Gjatë takimit u diskutuan dhe u miratuan Plani Vjetor i Shkollës dhe Rregullorja e Brendshme për vitin mësimor 2026–2027, si dokumente të rëndësishme për orientimin dhe funksionimin e institucionit gjatë vitit të ri shkollor.

Një pjesë e rëndësishme e diskutimeve iu kushtua edhe ecurisë së projekteve në zbatim, veprimtarive të realizuara dhe të planifikuara, si dhe bashkëpunimit me partnerët e projekteve.

Në takim u prezantuan gjithashtu masat e marra për fillimin e vitit të ri shkollor, me fokus në krijimin e kushteve të përshtatshme për zhvillimin e procesit mësimor dhe vijimin e punës për përmirësimin e cilësisë së shërbimeve arsimore dhe profesionale.

🤝 Bashkëpunimi, dialogu dhe përfshirja e aktorëve të komunitetit shkollor mbeten një komponent i rëndësishëm në zhvillimin dhe përmirësimin e vazhdueshëm të Shkollës “Kolin Gjoka”.

📚 Një vit i ri shkollor, objektiva të reja dhe angazhim i përbashkët për më shumë cilësi dhe mundësi për nxënësit tanë!

02/09/2026

02/09/2026

🌍 Një vit i ri shkollor, mundësi të reja!

Në këtë periudhë, krahas përgatitjeve për fillimin e vitit të ri shkollor,po investojmë edhe në zhvillimin profesional dhe bashkëpunimin ndërkombëtar.

📚 Zhvilluam trajnimin për eTwinning dhe regjistrimin e mësuesve në platformë, me pjesëmarrjen e të gjithë stafit mësimor, të organizuar në dy grupe: Kulturë e Përgjithshme dhe Kulturë Profesionale.

🤝 Një mundësi për të njohur platformën, për të krijuar kontakte me mësues e shkolla të tjera, për të shkëmbyer përvoja dhe për të sjellë ide, projekte dhe praktika të reja në klasë.

🚀 Nisim së bashku. Mësojmë së bashku. Bashkëpunojmë përtej kufijve! 🌍

27/08/2026

🏆🇦🇱 DY ÇMIME NDËRKOMBËTARE PËR SHKOLLËN “KOLIN GJOKA”! 🇬🇷✨
Një nga ato momente që të bëjnë të ndihesh krenar për punën, talentin dhe përkushtimin e nxënësve tanë! ❤️
Në Athinë, në mars 2026, gjashtë nxënës të Shkollës Profesionale “Kolin Gjoka” u përfaqësuan në një konkurs ndërkombëtar, duke sjellë në Lezhë DY ÇMIME TË RËNDËSISHME: 🥇 Çmimin e Parë dhe 🥈 Çmimin e Dytë!
🌍🏆 Një sukses që nuk është thjesht një trofe.
Është dëshmi e talentit, punës, kreativitetit dhe nivelit profesional të nxënësve tanë.
Pas emocionit të konkurrimit dhe shpalljes së rezultateve, erdhi edhe momenti për ta festuar këtë arritje të bukur… 🥂🍷
Një darkë në Athinë, pranë Akropolit, me gjashtë nxënësit tanë dhe ekipin që i mbështeti. Një mbrëmje për t'u kujtuar gjatë! 🇬🇷❤️
👏 Urime gjashtë kampionëve tanë!
👏 Mirënjohje stafit që i përgatitën dhe i mbështetën!
👏 Faleminderit prindërve për besimin dhe mbështetjen!
Nga “Kolin Gjoka” në Lezhë, drejt skenave ndërkombëtare! 🌍🚀
Sepse kur arsimi profesional bashkon dijen + praktikën + talentin + pasionin, rezultatet flasin vetë.
🥇🥈 Athinë 2026 – Dy çmime ndërkombëtare, një krenari e madhe për “Kolin Gjoka”! 🇦🇱🏆