Gjimnazi Jopublik "Rogacionistet''

Me përgjegjësi qytetare dhe përkushtim ndaj mjedisit, nxënësit e klasave X dhe XI zhvilluan orët e shërbimit komunitar në zonën bregdetare të Tales.

Përmes pastrimit të mjedisit dhe punës në grup, ata dhanë një kontribut të vlefshëm për komunitetin, duke treguar se kujdesi për natyrën është një detyrë dhe vlerë që ndërtohet çdo ditë.

NJOFTIM

Më poshtë publikohet lista me kodet e nxënësve fitues të provimit hyrës për pranimin në klasën X për vitin shkollor 2026–2027.

Afati i regjistrimeve:
📅 Fillon më 03.06.2026
📅 Përfundon më 12.06.2026

Dokumentet e nevojshme për regjistrim:
• Certifikatë personale ose familjare.
• Kontrata me shkollën (merret pranë sekretarisë).
• Kësti i parë i pagesës së shkollës.

Lutemi që regjistrimet të kryhen brenda afatit të përcaktuar.

Urime të gjithë nxënësve fitues dhe suksese në rrugëtimin e ri akademik!

Me mirënjohje të thellë për misionin e Shën Anibales Maria Di Franca dhe për karizmën e tij të gjallë, që edhe sot vazhdon të ndriçojë rrugën e Kishës.

Ai iu kushtua me dashuri të veçantë fëmijëve dhe të rinjve, duke parë në ta jo vetëm të ardhmen, por edhe praninë e gjallë të Zotit. Fryma e tij e shërbimit, edukimit dhe dashurisë për të varfrit mbetet një udhërrëfyes i fortë për të gjithë ata që punojnë në formimin e brezave të rinj.

Sot, kjo karizmë nuk është thjesht kujtim, por një thirrje e gjallë: të duam, të shërbejmë dhe të udhëheqim të rinjtë drejt së mirës, me zemër të hapur dhe besim në Zot.

Faleminderit Shën Anibale, që edhe sot vazhdon të ecësh me ne përmes veprës dhe shpirtit tënd!

Një takim ndërgjegjësues me maturantët mbi rëndësinë e dhurimit të gjakut u zhvillua nga Kryqi i Kuq Shkodër, duke përcjellë mesazhin e solidaritetit dhe humanizmit për personat me talasemi dhe çdo jete në nevojë.
Dhurimi i gjakut mbetet një akt i thjeshtë, por me vlerë të jashtëzakonshme për jetën e të tjerëve.

Në kuadër të projektit kombëtar “Kujtesë për të mos harruar”, të organizuara nga Shtëpia me Gjethe, nxënësit e shkollës sonë u vlerësuan me dy çmime të rëndësishme.

Anita Preka fitoi vendin e dytë në pikturë, ndërsa Alisa Alia u nderua me çmimin “ Për Veçanti” me albumin e saj “Mbresa”.

Këto vlerësime janë dëshmi e talentit dhe përkushtimit të nxënësve tanë, si edhe e traditës së krijuar ndër vite për edukimin historik përmes vizitave muzeale dhe pjesëmarrjes aktive në projekte kulturore e edukative.

Nxënësit e klasave X sollën një “udhëtim” të bukur në shpirtin e trashëgimisë shqiptare, duke zgjuar krenarinë për identitetin tonë dhe dashurinë për vlerat që koha ua përcjell brezave.

Pas fitores në nivel lokal, nxënësit u përballën sërish në nivel kombëtar në fazën eliminuese të debatit me temën: “Zgjedhja për të emigruar apo për të qëndruar”, një temë që kërkon reflektim, argumentim dhe shumë diskutim. Me seriozitet, mendim kritik dhe bashkëpunim, ata arritën ta kalojnë me sukses edhe këtë sfidë.

Sot u përmbyll vizita e miqve tanë italianë në Shqipëri, pas disa ditësh të mbushura me aktivitete, bashkëpunim dhe përvoja të bukura të përbashkëta. Në ditën e fundit, nxënësit vizituan Shkodrën, duke njohur nga afër historinë, kulturën dhe bukuritë e qytetit.

Kjo eksperiencë u mbyll me përshëndetje të përzemërta dhe emocione të veçanta, me dëshirën për t’u ritakuar sërish dhe për ta vazhduar këtë bashkëpunim edhe në të ardhmen.