Njësia e Zhvillimit "Kolin Gjoka"

02/09/2026

📌 Takimi i Bordit të Shkollës “Kolin Gjoka”

Në kuadër të përgatitjeve për fillimin e vitit të ri shkollor 2026–2027, u zhvillua takimi i Bordit të Shkollës “Kolin Gjoka”, me pjesëmarrjen e anëtarëve të Bordit dhe drejtimit të institucionit.

Gjatë takimit u diskutuan dhe u miratuan Plani Vjetor i Shkollës dhe Rregullorja e Brendshme për vitin mësimor 2026–2027, si dokumente të rëndësishme për orientimin dhe funksionimin e institucionit gjatë vitit të ri shkollor.

Një pjesë e rëndësishme e diskutimeve iu kushtua edhe ecurisë së projekteve në zbatim, veprimtarive të realizuara dhe të planifikuara, si dhe bashkëpunimit me partnerët e projekteve.

Në takim u prezantuan gjithashtu masat e marra për fillimin e vitit të ri shkollor, me fokus në krijimin e kushteve të përshtatshme për zhvillimin e procesit mësimor dhe vijimin e punës për përmirësimin e cilësisë së shërbimeve arsimore dhe profesionale.

🤝 Bashkëpunimi, dialogu dhe përfshirja e aktorëve të komunitetit shkollor mbeten një komponent i rëndësishëm në zhvillimin dhe përmirësimin e vazhdueshëm të Shkollës “Kolin Gjoka”.

📚 Një vit i ri shkollor, objektiva të reja dhe angazhim i përbashkët për më shumë cilësi dhe mundësi për nxënësit tanë!

02/09/2026

🌍 Një vit i ri shkollor, mundësi të reja!

Në këtë periudhë, krahas përgatitjeve për fillimin e vitit të ri shkollor,po investojmë edhe në zhvillimin profesional dhe bashkëpunimin ndërkombëtar.

📚 Zhvilluam trajnimin për eTwinning dhe regjistrimin e mësuesve në platformë, me pjesëmarrjen e të gjithë stafit mësimor, të organizuar në dy grupe: Kulturë e Përgjithshme dhe Kulturë Profesionale.

🤝 Një mundësi për të njohur platformën, për të krijuar kontakte me mësues e shkolla të tjera, për të shkëmbyer përvoja dhe për të sjellë ide, projekte dhe praktika të reja në klasë.

🚀 Nisim së bashku. Mësojmë së bashku. Bashkëpunojmë përtej kufijve! 🌍

30/07/2026

15/07/2026

🎥 Histori Suksesi
Nga bankat e shkollës sonë drejt sipërmarrjes!
Me krenari ndajmë historinë e një ish-nxënësi ( Amarildo Murrani), i cili zgjodhi të besojë te dijet, aftësitë dhe puna e palodhur. Sot ai ka ngritur biznesin e tij dhe po dëshmon se arsimi profesional është një bazë e fortë për të ndërtuar një të ardhme të suksesshme.
Suksesi i tij është frymëzim për çdo të ri që dëshiron të ndërtojë karrierën e vet dhe të krijojë mundësi jo vetëm për veten, por edhe për të tjerët.
👏 I urojmë suksese të mëtejshme dhe e falënderojmë që është një shembull i shkëlqyer për nxënësit tanë!
Arsimi profesional – një zgjedhje që të çon drejt suksesit.
Sukses

26/06/2026

Në kuadër të aktiviteteve në zbatim të planit te përmirësimit të cilësisë në shkollën tonë po zhvillohen sesione pune në departamentet Hoteleri-Turizëm, TIK dhe Ekonomi-Biznes, të fokusuara në përshtatjen e planifikimeve për nxënësit me Plan Edukativ Individual (PEI).

Gjatë workshop-it, mësuesit po analizojnë situata konkrete për:

✅ përshtatjen e rezultateve të të nxënit në përputhje me aftësitë dhe potencialin e nxënësve me PEI;

✅ planifikimin e aktiviteteve praktike të diferencuara, që u mundësojnë të gjithë nxënësve pjesëmarrje aktive në procesin mësimor;

✅ përcaktimin e roleve dhe bashkëpunimit ndërmjet mësuesit të lëndës dhe mësuesit ndihmës gjatë zhvillimit të praktikës profesionale;

✅ përshtatjen e formave të vlerësimit, duke respektuar objektivat e PEI-së dhe duke vlerësuar progresin individual të çdo nxënësi.

Përmes analizës së rasteve konkrete dhe shkëmbimit të përvojave profesionale, mësuesit po hartojnë modele planesh ditore që garantojnë një mësim gjithëpërfshirës,ku çdo nxënës ka mundësinë të zhvillojë aftësitë e tij në përputhje me potencialin dhe ritmin individual të të nxënit.

PEI CilësiaNëArsim MësimdhënieGjithëpërfshirëse ShkollaJonë

25/06/2026

Në kuadër të përmirësimit të cilësisë së mësimdhënies dhe zbatimit të standardeve të arsimit gjithëpërfshirës, në shkollën tonë gjatë këtyre ditëve po zhvillohen workshop-e si në ekipin lëndor të kulturës së përgjithshme ashtu dhe në departamente.Sot ishte radha e ekipit lëndor kulturë e përgjithshme.

Gjatë workshop-it , mësuesit diskutuan dhe punuan praktikisht mbi hartimin e planeve ditore në përputhje me kriteret e cilësisë, duke u fokusuar në:
✅ përshtatjen e rezultateve të të nxënit për nxënësit me PEI;
✅ planifikimin e veprimtarive të diferencuara sipas nevojave individuale të nxënësve;
✅ bashkëpunimin ndërmjet mësuesve të lëndës dhe mësuesve ndihmës;
✅ integrimin e aspekteve gjinore dhe gjithëpërfshirëse në procesin mësimor.

Përmes analizës së rasteve konkrete dhe rishikimit të planeve ditore, u shkëmbyen përvoja dhe praktika të mira që synojnë garantimin e një mjedisi mësimor ku çdo nxënës ka mundësi të zhvillojë potencialin e tij.

🎯 Së bashku për një shkollë cilësore, gjithëpërfshirëse dhe në shërbim të suksesit të çdo nxënësi.

24/06/2026

HISTORI SUKSESI – KASTRIOT GJINI

Kastriot Gjini është diplomuar në vitin 2022 në drejtimin Hoteleri-Turizëm pranë Shkollës Profesionale “Kolin Gjoka”.
Shkollimi në drejtimin Hoteleri-Turizëm.

Një tjetër histori suksesi👇
"Zgjedhja e Shkolla Profesionale "Kolin Gjoka" ka qenë një hap shumë i rëndësishëm në formimin tim profesional. Gjatë viteve të shkollës fitova njohuri të vlefshme teorike dhe praktike, të cilat më ndihmuan të kuptoj më mirë profesionin dhe kërkesat e tregut të punës.

Praktikat profesionale të organizuara nga shkolla më dhanë mundësinë të përballem me situata reale pune, të zhvilloj aftësitë e mia në kuzhinë dhe të fitoj përvojën e parë profesionale. Mbështetja e mësuesve dhe bashkëpunimi me bizneset e sektorit më ndihmuan të ndërtoj besim në vetvete dhe të krijoj bazat e karrierës sime.

Sot, si Shef Kuzhine në King Fish House, ndihem krenar për rrugëtimin tim dhe mirënjohës për kontributin që ka dhënë shkolla në arritjen e këtij suksesi. I ftoj të gjithë të rinjtë që duan të ndërtojnë një profesion të sigurt dhe të suksesshëm të zgjedhin arsimin profesional dhe të bëhen pjesë e Shkollës Profesionale "Kolin Gjoka"