ZVAP Kuçovë. Shkolla 9- vjeçare “Gaqi Karakashi”

Mbyllëm një kapitull të bukur të jetës sonë shkollore. Pesë vite më parë hymë në klasë të parë me emocione, kuriozitet dhe shumë ëndrra. Sot largohemi më të rritur, me më shumë njohuri, kujtime dhe miqësi që do t'i mbajmë gjatë në zemër.
Lamtumira e klasës së pestë na sjell emocione të përziera. Nga njëra anë ndihemi të trishtuar që po lëmë pas një periudhë kaq të bukur, por nga ana tjetër jemi të lumtur dhe krenarë që po hedhim një hap të ri drejt ciklit 9-vjeçar. Përpara nesh na presin sfida të reja, njohuri të reja dhe ëndrra të reja për t'u realizuar.
Ndërsa hapim derën e një etape të re, marrim me vete kujtimet më të bukura të fëmijërisë sonë. Klasa e pestë do të mbetet gjithmonë një pjesë e veçantë e zemrave tona.
Mirupafshim, klasë e 5-të! Mirë se vjen klasa e 6-të! Urime të gjithë nxënësve për këtë arritje dhe suksese në rrugëtimin e ri shkollor! 📚🎓

Festa e Abetares

🔤 Festa e Abetares
📖🧑‍🎓✍️

💙Festa e Abetares është një nga ngjarjet më të bukura në jetën shkollore të nxënësve të klasës së parë. Ajo shënon përfundimin e një etape të rëndësishme, gjatë së cilës fëmijët mësuan shkronjat, leximin dhe shkrimin. Me këngë, recitime dhe emocione të veçanta, sot, nxënësit festojnë sukseset e tyre të para në rrugën e dijes. Kjo festë është një moment gëzimi dhe krenarie për fëmijët, mësuesit dhe prindërit, të cilët kanë qenë pjesë e këtij udhëtimi të bukur drejt botës së librit dhe njohurive.🧚
💚✨Sot mbyllim faqen e parë të udhëtimit tonë në botën e dijes. Abetarja na mësoi të lexojmë shkronjat, por edhe të ëndërrojmë, të zbulojmë dhe të besojmë në vetvete.💫

Mësuese: Erinda Vila

Në kuadër të ndërgjegjësimit për mbrojtjen e shëndetit, me nxënësit e klasës së 8-të u zhvillua një aktivitet me temë "I themi Jo, duhanit dhe drogës". Gjatë aktivitetit, nxënësit u njohën me pasojat e dëmshme që sjell përdorimi i duhanit dhe drogës në shëndetin fizik dhe mendor.
Aktiviteti filloi me një bisedë të hapur, ku nxënësit shprehën mendimet dhe njohuritë e tyre mbi këtë temë. Më pas, u prezantuan informacione mbi rreziqet e duhanit dhe substancave narkotike.
Nxënësit plotësuan pyetësorë dhe morën pjesë në diskutime, duke analizuar situata të ndryshme dhe mënyrat se si mund t'i rezistojnë presionit për të provuar duhanin apo drogën.
Në përfundim, u theksua rëndësia e informimit, vetëdijesimit dhe marrjes së vendimeve të shëndetshme për një të ardhme më të sigurt.