18/09/2026
💫𝗨 𝗣𝗥𝗘𝗭𝗔𝗡𝗧𝗨𝗔 𝗡Ë 𝗨𝗡𝗜𝗞𝗢 𝗣𝗥𝗢𝗝𝗘𝗞𝗧𝗜 “𝗔𝗙𝗧Ë𝗦𝗜𝗧Ë 𝗘 𝗠𝗘𝗡𝗗𝗜𝗠𝗜𝗧 𝗧Ë 𝗔𝗩𝗔𝗡𝗖𝗨𝗔𝗥 𝗡Ë 𝗞𝗨𝗥𝗥𝗜𝗞𝗨𝗟𝗔𝗧 𝗨𝗡𝗜𝗩𝗘𝗥𝗦𝗜𝗧𝗔𝗥𝗘 𝗧Ë 𝗚𝗝𝗨𝗛Ë𝗩𝗘 𝗧Ë 𝗛𝗨𝗔𝗝𝗔: 𝗦𝗙𝗜𝗗𝗔 𝗗𝗛𝗘 𝗠𝗢𝗗𝗘𝗟𝗘 𝗣Ë𝗥 𝗠Ë𝗦𝗜𝗠𝗗𝗛Ë𝗡𝗜𝗘𝗡 𝗗𝗜𝗚𝗝𝗜𝗧𝗔𝗟𝗘”, 𝗜 𝗙𝗜𝗡𝗔𝗡𝗖𝗨𝗔𝗥 𝗡𝗚𝗔 𝗔𝗚𝗝𝗘𝗡𝗖𝗜𝗔 𝗞𝗢𝗠𝗕Ë𝗧𝗔𝗥𝗘 𝗘 𝗞Ë𝗥𝗞𝗜𝗠𝗜𝗧 𝗦𝗛𝗞𝗘𝗡𝗖𝗢𝗥 𝗗𝗛𝗘 𝗜𝗡𝗢𝗩𝗔𝗖𝗜𝗢𝗡𝗜𝗧, 𝗔𝗞𝗞𝗦𝗛𝗜, 𝗡Ë 𝗞𝗨𝗔𝗗Ë𝗥 𝗧Ë 𝗣𝗥𝗢𝗝𝗘𝗞𝗧𝗘𝗩𝗘 𝗞𝗢𝗠𝗕Ë𝗧𝗔𝗥𝗘 𝗧Ë 𝗞Ë𝗥𝗞𝗜𝗠𝗜𝗧 𝗗𝗛𝗘 𝗧Ë 𝗭𝗛𝗩𝗜𝗟𝗟𝗜𝗠𝗜𝗧 (𝗣𝗞𝗞𝗭𝗛) 𝟮𝟬𝟮𝟲
🏫Në mjediset e Fakultetit të Edukimit dhe Filologjisë u prezantua projekti “Aftësitë e mendimit të avancuar në kurrikulat universitare të gjuhëve të huaja: Sfida dhe modele për mësimdhënien digjitale”, i financuar nga Agjencia Kombëtare e Kërkimit Shkencor dhe Inovacionit, AKKSHI në kuadër të Projekteve Kombëtare të Kërkimit dhe Zhvillimit (PKKZH) 2026.
🎓Koordinatorja e projektit, prof. as. dr. Benita Stavre tha për të pranishmit, autoritete drejtuese, staf akademik e ndihmësakademik i UNIKO, se qëllimi i këtij projekti është të kontribuojë në përmirësimin e cilësisë së formimit universitar të specialistëve të gjuhëve të huaja dhe mësuesve të ardhshëm të gjuhës angleze në Shqipëri, përmes analizës kritike dhe riformulimit të rezultateve të të nxënit në kurrikulat universitare, me fokus integrimin e mirëformuluar të aftësive të të menduarit të nivelit të lartë (analizë, vlerësim, krijim) sipas Taksonomisë së Blumit, në kontekstin e mësimdhënies së kombinuar.
✴ Takimin e përshëndeti edhe rektori i UNIKO, prof. dr. Lorenc Ekonomi, i cili theksoi rëndësinë e këtij projekti për zhvillimin e kompetencave të studentëve dhe për modernizimin e mënyrës të mësimdhënies së gjuhës së huaja. “Tema e projektit që po prezantohet sot prek një prej çështjeve më të rëndësishme të universitetit bashkëkohor: si të përgatisim studentë që jo vetëm të dinë, por të mendojnë, të analizojnë, të argumentojnë, të krijonë dhe të zgjidhin probleme në një botë githmonë e me digjitale. Ky projekt financohet nga AKKSHI dhe ka partnerë departamentet e Gjuhëve të Huaja dhe të Gjuhës Angleze të Universitetit të Tiranës, Universitetit “Aleksandër Moisiu”, Durrës; Universitetit “Aleksandër Xhuvani”, Elbasan; Universitetit “Eqerem Çabej”, Gjirokastër dhe Universitetit “Luigj Gurakuqi”, Shkodër, ku lider është Universiteti "Fan S. Noli". Pra, në projekt është përfshirë i githë spektri i universiteteve publike shiptare që me sukses për vite me radhë mësojnë gjuhët e huaja në veçanti gjuhën angleze. Në lidhje me AKKSHI-in, Universiteti ynë ka një histori bashkëpunimi. Vetëm në vitin e fundit Universiteti “Fan S. Noli” ka fituar 6 projekte nga të cilët 1 në laboratorë dhe 5 në kërkim zvillim, një prej të cilëve është edhe ky projekt”.
✴ Në fjalën e saj, përgjegjësja e departamentit të Gjuhëve të Huaja, prof. as. dr. Eriola Qafzezi vlerësoi mbështetjen që AKKSHI i jep kërkimit shkencor dhe institucioneve universitare. “Për Departamentin tonë kjo mbështetje ka krijuar ndër vite mundësi konkrete për të zhvilluar ide kërkimore, për të zgjeruar bashkëpunimin ndërinstitucional dhe për t`i kthyer rezultatet e kërkimit në kontribute me vlerë për,mësimdhënien dhe zhvillimin akademik”.
✅Takimi vijoi me diskutime të grupit të punës mbi strukturën e projektit dhe planin e përgjithshëm të zbatimit, prezantimin e Paketave të Punës, rolin dhe pergjegjësitë e partnerëve në zbatimin e projektit, planin e aktiviteteve për periudhën e parë të projektit etj.
Departamenti i Gjuhëve të Huaja UNIKO - Faqja Zyrtare
Benita Stavre
