Drejtoria Rajonale e Arsimit Parauniversitar Korçë

📌 Arsimi gjithëpërfshirës kërkon përkushtim, por mbi të gjitha kërkon udhëzime të qarta profesionale!
Standardet Profesionale të Mësuesit Ndihmës në Arsimin Parauniversitar shërbejnë si një hartë e qartë rrugore për çdo mësues ndihmës që synon të rritet profesionalisht dhe të garantojë arsim cilësor për fëmijët me aftësi të kufizuara.https://www.ascap.edu.al/wp-content/uploads/2023/01/FINAL-STANDARDI-E-MESUESIT-NDIHMES.pdf
❓Pse janë të rëndësishme këto standarde?
💡 Orientoje avancimin në karrierë: Ndihmojnë mësuesin të vlerësojë performancën e tij, të identifikojë pikat e forta dhe të planifikojë zhvillimin e mëtejshëm profesional.
💡 Individualizojnë procesin e të nxënit: Mundësojnë përshtatjen e kurrikulës, mjedisit mësimor dhe strategjive sipas nevojave specifike të çdo fëmije (PEI).
💡 Forcojnë bashkëpunimin: Krijojnë ura lidhëse pune midis mësuesit ndihmës, mësuesit të klasës, shërbimit psiko-social, drejtuesve dhe familjes.
💡 Lartësojnë profesionin: Etika, reflektimi dhe trajnimi i vazhdueshëm sigurojnë një shërbim me dinjitet dhi përgjegjësi sociale.
🌟 Çdo mësues ndihmës duhet t’i njohë me imtësi këto standarde profesionale dhe t’i përdorë ato si bazë udhëzuese për punën e tij të përditshme. Mbi këtë kuadër, mësuesi ndihmës mund të identifikojë nevojat e veta për rritje profesionale dhe të planifikojë në mënyrë sistematike veprimtaritë e ardhshme trajnuese, me qëllim përmirësimin e vazhdueshëm të praktikave mbështetëse për nxënësit.
Edukimi gjithëpërfshirës nuk është vetëm mision, është një e drejtë dhe një standard profesional i garantuar! 🤝✨
Edukimi

✍️ Datat e provimeve të Maturës Shtetërore 2026 - Sesioni i Dytë ❗️

📝Të gjithë maturantët që nuk kanë arritur të mbyllin provimet në qershor në kuadër të Maturës Shtetërore 2026, do t’i zhvillojnë provimet në sesionin e vjeshtës sipas këtij kalendari:
▪️24 gusht 2026 - Gjuhë e Huaj
▪️27 gusht 2026 - Gjuhë Shqipe dhe Letërsi
▪️31 gusht 2026 - Matematikë
▪️3 shtator 2026 - Provim me Zgjedhje

📚Është momenti të përgatiteni me përkushtim dhe të besoni te vetja juaj 👨‍🎓👩‍🎓

🫶 Ju uroj shumë suksese!

🔴Regjistrimet online në platformën e-Albania për klasat e para dhe të dhjeta do të qëndrojnë të hapura deri më 31 korrik, për t'u dhënë mundësi të gjithëve të përfundojnë në kohë procesin e regjistrimit💻📚

Kujdes⚠️ Respektoni afatet dhe kryeni regjistrimin brenda periudhës së përcaktuar.

🔴 Njoftim i rëndësishëm

📌 Hapet zyrtarisht procesi i aplikimeve në universitet,📝 nga sot deri më 1 gusht 2026, duhet të zgjidhni 10 programe studimi në portalin U-ALBANIA dhe të hidhni hapin drejt së ardhmes suaj akademike.

⚠️ Mbani në vëmendje kalendarin zyrtar të aplikimeve për të gjitha fazat e procesit: aplikimin, publikimin e renditjeve, regjistrimin dhe raundet e pranimeve.

Universitetet tona ju mirëpresin me programe të reja studimi, staf akademik të kualifikuar, mundësi ndërkombëtarizimi dhe jetë universitare dinamike.

SUKSESE 🫶

🔴Rihapen aplikimet për formularët A1 dhe A1Z

‼️Maturantët e viteve të kaluara, si edhe kandidatët që nuk kanë mundur të aplikojnë brenda afateve, kanë mundësi vetëm një ditë për të plotësuar formularët A1 dhe A1Z.

🗓️ 21 korrik
🕗 Ora 08:00 - 16:00

👨‍💻 Aplikimi kryhet në platformën e-Albania dhe është i detyrueshëm për të gjithë kandidatët që synojnë të konkurrojnë për pranim në Institucionet e Arsimit të Lartë.

⚠️Respektoni afatin e aplikimit! Pas përfundimit të orarit zyrtar, aplikimet nuk do të pranohen dhe rrezikoni për të vijuar procesin e pranimit në universitet.

📘 ASCAP publikon paketën e 9 Udhëzuesve për Nivelet e Arritjeve për klasat 1, 6 dhe 10

📖 Këta udhëzues janë materiale mbështetëse për mësuesit në procesin e vlerësimit të të nxënit, duke ofruar kritere dhe përshkrues të qartë për përcaktimin e niveleve të arritjeve të nxënësve, në përputhje me programet mësimore të përditësuara dhe standardet bashkekohore.

🔗 Paketa e plotë e Udhëzuesve (Nivelet e Arritjeve ) mund të shkarkohet përmes WeTransfer:
https://we.tl/t-d7m23LE1VdpPnWwt

🌐 Udhëzuesit janë gjithashtu të disponueshëm në faqen zyrtare të ASCAP:
https://www.ascap.edu.al/kurrikula-e-perditesuar-2025/

📌 Për t’i aksesuar në faqen e ASCAP:
✅ Klikoni te “Lloji i dokumentit”.
✅ Zgjidhni “Udhëzues për zbatimin e kurrikulës”.
✅ Përzgjidhni klasën përkatëse (1, 6 ose 10).

🤝 ASCAP vijon të mbështesë mësuesit me materiale cilësore për zbatimin e kurrikulës së përditësuar dhe përmirësimin e procesit të vlerësimit.

Klasa6 Klasa10 ArsimCilësor