Contact information, map and directions, contact form, opening hours, services, ratings, photos, videos and announcements from Shkolla 9 vjeçare "Sevasti Qiriazi", Education, Korçë.
19/06/2026
Pas përmbylljes me sukses të proceseve të rëndësishme të këtij fundviti shkollor, nesër vijmë në një tjetër moment të rëndësishëm📚🎓📖. Nisjen e Provimeve Kombëtare të Arsimit Bazë me lëndën e Gjuhës Shqipe.
Urojmë të gjithë nxënësit e klasave të 9-ta që do të jenë pjesë e këtij procesi të paraqiten me qetësi, besim dhe përgjegjësi, duke treguar njohuritë dhe aftësitë e fituara gjatë viteve të shkollimit.
Suksese🌟🎓
🌟 Të dashur nxënës të klasave të IX-ta,
Nesër ju pret provimi i parë, një hap i rëndësishëm në rrugëtimin tuaj shkollor. Besoni në veten tuaj, në dijet që keni fituar dhe në punën që keni bërë gjatë gjithë këtyre viteve.
Mos lejoni emocionet t’ju pengojnë, por kthejini ato në forcë. Hyni në provim me qetësi, përqendrim dhe vetëbesim, sepse suksesi vjen tek ata që përpiqen dhe nuk dorëzohen.
Ju urojmë shumë fat, rezultate të shkëlqyera dhe mbi të gjitha të tregoni më të mirën që dini! Jemi krenarë për ju dhe besojmë në aftësitë tuaja.
🍀 Suksese të gjithëve! Shkëlqeni ashtu siç dini! ✨📚🎓
🌟 Një përmbyllje e bukur për një vit plot arritje! 🌟
Në fund të këtij viti shkollor, nxënësit e klasës së III-a prezantuan me sukses projektin “Pikë e Presje”. Me shumë përkushtim, kreativitet dhe punë në grup, të dyja ekipet sollën revistat e tyre, duke dëshmuar aftësitë, imagjinatën dhe dashurinë për të mësuar.
👏 I përgëzojmë të gjithë nxënësit për punën e shkëlqyer dhe për prezantimin dinjitoz të projekteve të tyre!
📚 Ju urojmë një verë të mbarë dhe shumë suksese në çdo hap të rrugëtimit tuaj drejt dijes! 🌞✨❤️
Pesë vite mësimi, miqësie, përkushtimi dhe kujtimesh të bukura. Një rrugëtim që nisi me hapa të vegjël dhe sot mbyllet me krenari e emocione. Klasa e V-B përfundon një etapë të rëndësishme dhe hap rrugën drejt sfidave të reja. Suksese në çdo hap të së ardhmes! 🎓✨
16/06/2026
Në përfundim të vitit shkollor, klasat e gjashta, të shoqëruara nga mësueset kujdestare realizuan një vizitë në "Shtëpinë e kuajve' në Turan.Fëmijët morën njohuri rreth hipizmit,e provuan si sport, u argëtuan dhe luajtën në ambientet e kësaj ferme.Kjo tregon mes tyre, bashkëpunim, nevojë për argëtim, dashuri dhe kujdes për kafshët.Falenderojmë "Shtëpinë e kuajve" për mikpritjen! Pushime të mbara fëmijë të dashur!
12/06/2026
🌸Fundi i një kapitulli të bukur, fillimi i ëndrrave të reja 🌸
Sot mbyllëm me sukses një vit shkollor të mbushur me buzëqeshje, mësime, lojëra, sfida dhe arritje. Jam pafundësisht mirënjohëse për secilin prej jush, fëmijë të dashur, që me pastërtinë, energjinë dhe dashurinë tuaj e bëtë çdo ditë të veçantë.
Një falënderim i veçantë shkon për prindërit, për besimin, bashkëpunimin, përkrahjen dhe mirëkuptimin gjatë gjithë këtij rrugëtimi. Mbështetja juaj ka qenë çelësi i suksesit tonë të përbashkët.
Ju falënderoj nga zemra për çdo moment, për çdo buzëqeshje dhe për kujtimet e bukura që krijuam së bashku. Do t’i ruaj me shumë dashuri në zemrën time.
Ju uroj një verë të mbushur me gëzim, aventura të bukura dhe çaste të paharrueshme me familjet tuaja.
Me dashuri dhe mirënjohje të thellë, faleminderit për një vit të mrekullueshëm! ❤️🌷
Klasa përgatitore 2025 - 2026
Mësuese Antonela Papahrisanthu
🥳🤩Një përshëndetje e bukur nga klasa e III-a në përfundim të këtij viti shkollor 🫶🌟
Çdo vit shkollor nis me hapa të vegjël dhe përfundon me kujtime të mëdha. Mësuesit ndërtojnë një familje të vogël, ku çdo ditë sjell mësime, buzëqeshje dhe pengesa të kapërcyera së bashku. E kur vjen fundi i vitit, zemra na mbushet me mirënjohje dhe na duhet të themi: “Mirupafshim!”, jo si fund, por si fillim i një kapitulli të ri.
🍒 Qershia – fruti i fëmijëve! 🍒
Me gëzim dhe buzëqeshje, nxënësit e klasës së 2-të c mblodhën qershi, duke shijuar ëmbëlsinë e natyrës dhe bukurinë e kësaj stine. 🌿❤️🍒
🍒 Të vegjlit tanë mbi të gjitha mblodhem përvoja dhe kujtime që do t’i ruajnë gjatë. 🍒