14/09/2026
Në emër të stafit pedagogjik të shkollës “Naum Veqilharxhi”, Korçë, e përcjell këtë urim tek të gjithë nxënësit për ditën e parë të shkollës, duke i dëshiruar një fillim të mbarë, të suksesshëm dhe sa më të frytshëm.
Urimi më i veçantë është padyshim për ata që sot do të ulen në bankat e shkollës, të cilët më këtë rast fillojnë një etapë të re të jetës së tyre, për çka ju urojmë suksese.
Urojmë edhe prindërit për një vit sa më të suksesshëm për fëmijët e tyre, duke i kujtuar që sakrifica e bërë për t’i mundësuar fëmijëve arsimim sa më cilësor, një ditë do të shpërblehet.
I urojmë edhe mësimdhënësve fillimin e vitit të ri shkollor, me dëshirën që dituria e tyre dhe e librit, të gjejnë strehim në mendjen e nxënësve dhe puna e tyre e shenjtë të realizohet si duhet.
Ka shumë gjëra që presin për t’u mësuar, por shumë pak kohë për t’i mësuar.
Pra, shfrytëzojeni secilin moment për të ndriçuar mendjen tuaj me dituri dhe mbi të gjitha, mos harroni se ditët më të bukura janë ato në bankat shkollore.
🙏🎓Suksese për vitin shkollor 2026-2027!! 🙏🎓
