Shkolla e Mesme e Bashkuar Kolonje

01/10/2025

▪️1 Tetor- Dita Botërore e të Moshuarve ▪️👵🧓

✨️“Të moshuarit janë drita e urtësisë që ndriçon udhën e brezave të rinj.”✨️
Nën këtë logo, sot hapëm dyert dhe ofruam një ditë plot ngjyra për të moshuarit e komunitetit tonë!🌈
Senati i shkollës ,në bashkëpunim me SHPS-në udhëhoqën një veprimtari ndryshe, ku nxënësit tanë plot dashuri interpretuan dhe treguan se respekti për të moshuarit është farë që mbin në zemrat e brezit të ri dhe lulëzon në një shoqëri më të mirë.✅️👨‍👩‍👦‍👦
Ndamë kujtime, përvoja jete dhe morëm këshilla me vlerë!🍃

🌸Dashuria dhe kujdesi ndaj tyre kultivon kulturën e mirënjohjes, sepse ata janë ura që lidhin të shkuarën me të ardhmen tonë!🌸

01/01/2025

Arritja e vitit ne shkollën tonë.

🏆Ekipi i djemve të SHMB Kolonjë ka arritur një sukses të jashtëzakonshëm këtë vit, duke fituar kampionatin e volejbollit. Me angazhim dhe përkushtim të vazhdueshëm, ata treguan forcë dhe strategji që i dalluan nga rivalët.🏆🥇

12/12/2024

📌 Takim i Suksesshëm për Sigurinë dhe Edukimin Digjital në Shkollën Tonë

Në ambientet e shkollës sonë, u zhvillua një takim i rëndësishëm me prindërit për të diskutuar mbi sigurinë në shkollë dhe kufizimin e përdorimit të rrjeteve sociale nga nxënësit. Takimi u karakterizua nga pjesëmarrja aktive e prindërve, ku 98% e tyre u dakordësuan për masat e propozuara.

Falënderojmë të gjithë prindërit për bashkëpunimin dhe mbështetjen e tyre! Së bashku, kujdesemi për të ardhmen dhe mirëqenien e fëmijëve tanë.

28/11/2024

🇦🇱Gëzuar Festat e Nëntorit! 🇦🇱

Sot, ne festojmë një moment të rëndësishëm të historisë sonë! 28 dhe 29 Nëntori janë datat që i japin kuptim atdhedashurisë dhe krenarisë për kombin tonë.
🎓 Në këtë ditë të shënuar, ne festojmë historinë tonë, vlerat e kombit dhe angazhimin për të ndërtuar një të ardhme më të mirë për brezat që vijnë.Ne u bashkuam për të ruajtur dhe kultivuar traditat e shenjta të atdheut!

ogerta

21/11/2024

📚 22 Nëntor – Dita e Alfabetit Shqiptar 🇦🇱

Sot kujtojmë me krenari Kongresin e Manastirit, ku u unifikua alfabeti shqip, themeli i kulturës dhe identitetit tonë kombëtar.

Në shkollën tonë, nxënësit dhe mësuesit festuan me aktivitete që nderojnë gjuhën dhe historinë tonë.

Gëzuar Ditën e Alfabetit Shqiptar! 🖋️

30/10/2024

📢 Stop Trafikimit të Qenieve Njerëzore!

Shkolla jonë organizoi një aktivitet ndërgjegjësues për të luftuar trafikimin e qenieve njerëzore. Nxënësit dhe stafi u angazhuan për të përhapur mesazhin e mbrojtjes dhe të sigurisë për të gjithë.

29/09/2024

📍Gjatë javës sportive, nxënësit patën mundësinë të angazhohen në aktivitete të ndryshme si volejbolli, vrapi dhe lojëra të tjera. Pjesëmarrësit treguan sportivitet të shkëlqyer dhe krijuan një atmosferë miqësore dhe konkurruese. Ky event kontribuoi në forcimin e lidhjeve shoqërore dhe promovimin e shëndetit fizik. Falenderojmë të gjithë ata që morën pjesë dhe e bënë këtë javë një përvojë të paharrueshme!🏐🏆

26/09/2024

📚Dita Europiane e Gjuhëve të Huaja🌍

Me rastin e Ditës Europiane të Gjuhëve, nxënësit e shkollës sonë zhvilluan aktivitete artistike në gjuhë të ndryshme, duke treguar rëndësinë dhe bukurinë e shumëllojshmërisë gjuhësore. Nga recitimet poetike, këngët e huaja, deri tek dramacione të vogla, këto aktivitete na kujtojnë se gjuha është ura që lidh kulturat dhe krijon miqësi të reja.

“Të dish një gjuhë tjetër është si të kesh një dritare të dytë në jetë.”

14/09/2024

Thuhet se përmasa e ëndrrave të tua duhet të kalojë gjithmonë kapacitetin tënd aktual për t’i arritur ato. Me këtë moto dhe me krenari , sot ju njoftojmë se Shkolla Kolonje Lushnje është një "Supershkollë".
Kjo falë programit ‘Supershkollat e Shqipërisë’, një program shkëmbimi i nxënësve dhe mësuesve mes vendeve të Ballkanit Perëndimor , të ofruar nga Zyra e Bashkëpunimit Rajonal për të Rinjtë (RYCO) dhe GIZ(Shoqëria Gjermane për Bashkëpunimin Ndërkombëtar), por patjetër edhe falë punës së stafit tonë të kualifikuar pedagogjik dhe mbështetjes së vazhdueshme të drejtuesve të shkollës.
Kush më mirë se të rinjtë mund të përçojë vlerat përmes promovimit të paqes, dialogut, komunikimit ndërkulturor, si dhe bashkëpunimit rajonal.
Ne dhe nxënësit tanë do dëshmojmë me fakte se jemi novatorë, përqafojmë idetë e reja dhe kemi gjithmonë ambicie për sfida e projekte të reja.
Premtojmë se ky është vetëm fillimi i një rruge të gjatë projektesh dhe angazhimesh që na presin!

06/06/2024

📌Në Ditën Botërore të Mjedisit nxënësit e shkollës Kolonjë pastruan hapsirën pyjore përreth Manastirit të Ardenicës. Është detyra e secilit prej nesh të.kujdeset për mjedisin ku jeton.🚯
"T'a gjesh të pastër është kënaqësi t'a lësh të pastër është kulturë"🌎

19/03/2024

19/03/2024