Shkolla 9 vjecare " 3 Deshmoret " Faqja Zyrtare

20/09/2026

https://www.facebook.com/share/19y6pjs3CR/

🧼 20 Shtator – Dita Botërore e Pastrimit | Higjiena personale

Pastërtia fillon me ne! 🧼✨

Higjiena është një nga zakonet më të thjeshta, por edhe më të rëndësishme për të mbrojtur shëndetin tonë.

Larja e duarve në momentet e duhura, kujdesi për trupin, dhëmbët dhe hapësirat ku jetojmë e mësojmë janë hapa të vegjël që ndihmojnë në parandalimin e sëmundjeve dhe na mbajnë të shëndetshëm.

👋 Duart e pastra. Dhëmbët e shëndetshëm. Trupi i pastër. Një fëmijë më i shëndetshëm.

Le t’i kthejmë zakonet e mira të higjienës në pjesë të përditshme të jetës sonë!

19/09/2026

13/09/2026

📚✨ Dita e parë e shkollës – një fillim i ri plot emocione! 💙
Me buzëqeshje, energji pozitive dhe dëshirën për të nisur së bashku një vit të mbarë, hapim dyert e shkollës për nxënësit tanë. 🏫🎒
Ora e parë do t’i kushtohet njohjes me rregulloren e shkollës, më pas do të flasim për emocionet, respektin, zgjidhjen pozitive të konflikteve dhe rregullat e klasës, ndërsa nxënësit do të zhvillojnë edhe zgjedhjet e Senatit të Klasës. Nxënësit e klasave të para do të njihen nga afër me mjediset e shkollës. 🌈
🤝 Mësojmë, rritemi dhe ecim së bashku!
💫 Mirë se vini në një vit të ri shkollor!
📚 Shkolla 9-vjeçare “3 Dëshmorët”, Kavajë
💙 Së bashku për një vit të suksesshëm!

11/09/2026

🎨✨ PAS SHKOLLE – aty ku talenti zgjohet dhe idetë marrin jetë! 🎭🎶
Në Shkollën 9-vjeçare “3 Dëshmorët”, Kavajë, zilja e fundit nuk shënon fundin e ditës… por fillimin e diçkaje ndryshe! 💙
💃 Kërce me ritëm.
🎶 Shprehu përmes muzikës.
🎭 Ngjitu në skenë dhe interpreto.
🎨 Jepu ngjyra ideve të tua.
🧶 Krijo me duart dhe imagjinatën tënde.
Programi “Pas Shkolle” u jep nxënësve një hapësirë ku mund të zbulojnë talentin, të krijojnë, të bashkëpunojnë, të bëjnë miq dhe të shijojnë kohën pas mësimit. 🌈
Sepse shkolla nuk është vetëm vendi ku mësojmë…
është edhe vendi ku zbulojmë çfarë dimë të bëjmë më bukur! 🌟
💫 Zbulo potencialin tënd. Shprehe talentin. Bëhu pjesë e “Pas Shkolle”!
💙 Së bashku, për një shkollë më të gjallë!

11/09/2026

📚 Takim i Ekipit Kurrikular të Shkollës
Në kuadër të përgatitjeve për vitin shkollor 2026–2027, në shkollën 9-vjeçare “3 Dëshmorët” Kavajë u zhvillua takimi i Ekipit Kurrikular, me fokus planifikimin dhe organizimin sa më cilësor të procesit mësimor.
Gjatë takimit u diskutuan çështje që lidhen me kurrikulën, ngarkesat mësimore, planifikimin vjetor dhe lëndor, si dhe projektet lëndore e ndërlëndore me fokus STEAM dhe qasjen e integruar.
🤝 Bashkëpunim, planifikim dhe përkushtim për një arsim cilësor dhe gjithëpërfshirës!

11/09/2026

📚 "PROGRAMI PAS SHKOLLE"
📝 🏃‍♂️ 💃 🖌 🎼 🎭

📌 NJOFTIM PËR PRINDËRIT

Në bazë të nenit 47/1 të ligjit nr. 69/2012, “Për sistemin arsimor parauniversitar në Republikën e Shqipërisë”, i ndryshuar, dhe të vendimit nr. 627, datë 30.07.2026, të Këshillit të Ministrave, në institucionet arsimore parauniversitare publike do të realizohet Programi “Pas Shkolle”.
Programi zhvillohet jashtë orarit mësimor dhe synon:
• 📖 përforcimin e të nxënit;
• 🤝 zhvillimin e aftësive sociale;
• 🎨 zhvillimin e aftësive kulturore dhe krijuese;
• 🏃‍♀️ zhvillimin e aftësive sportive.
👧🧒 Për cilët nxënës zhvillohet?
Programi realizohet për nxënësit e regjistruar në institucionet arsimore parauniversitare publike.

Në arsimin fillor, klasat I–V:
• 📝 “Bëjmë Detyrat e Shtëpisë” (BDSH)
• 🎨 “Klubet e Arteve dhe Zejeve” (KAZ)

Në arsimin e mesëm të ulët, klasat VI–IX
• 🎭 “Klubet e Arteve dhe Zejeve” (KAZ)

⏰ Si zhvillohet?
📝 Bëjmë Detyrat e Shtëpisë (BDSH):
5 orë në javë – 1 orë në ditë, nga 60 minuta, për 5 ditë.
🎨 Klubet e Arteve dhe Zejeve (KAZ):
2 orë në javë – 1 orë në ditë, 2 herë në javë.
Klubet përfshijnë:
🎼 Muzikë • 💃 Kërcim • 🎭 Teatër • 🖌 Art pamor • 🧵 Zeje

👥 Organizimi i grupeve
Grupet krijohen me:
minimumi 20 nxënës – maksimumi 30 nxënës, sipas përcaktimeve përkatëse.

📌 Të rëndësishme për prindërit
• Pjesëmarrja bëhet mbi bazën e aplikimit të prindit në SMIP.
• Nxënësi nuk vlerësohet me notë gjatë këtij programi.
• Gjatë vitit do të zhvillohen 2 aktivitete.
• Nxënësit duhet të frekuentojnë rregullisht.
• Frekuentimi i nxënësve dhe realizimi i veprimtarive regjistrohen në SMIP.

🌟 Një mundësi për fëmijët tanë!
“Pas Shkolle” synon që koha pas mësimit të shndërrohet në një hapësirë ku nxënësit mësojnë, krijojnë, bashkëpunojnë, argëtohen dhe zhvillojnë talentet e tyre.

11/09/2026

📢 NJOFTIM
Të nderuar prindër, mësues dhe nxënës,
Ju lutemi të njiheni dhe të respektoni me përpikëri rregullat e shkollës lidhur me ndalimin e celularëve dhe respektimin e kodit të veshjes.
Këto rregulla synojnë të krijojnë një mjedis shkollor të sigurt, të rregullt dhe të përshtatshëm për zhvillimin e procesit mësimor, duke nxitur njëkohësisht përgjegjësinë, disiplinën dhe respektin e ndërsjellë.
Ju ftojmë të njiheni me rregullat e paraqitura në materialet informuese më poshtë dhe të kontribuojmë të gjithë në zbatimin e tyre.
🤝 Bashkëpunimi shkollë–familje–nxënës është thelbësor për një shkollë më të mirë dhe më të sigurt.
Faleminderit për mirëkuptimin dhe bashkëpunimin!
DREJTORIA E SHKOLLËS 9-VJEÇARE
“3 DËSHMORËT”, KAVAJË

11/09/2026

🎒 Ditët e para në shkollë: sfidat më të zakonshme dhe si t’i kapërcejmë

Rikthimi në shkollë pas pushimeve verore mund të shoqërohet me vështirësi në zgjimin herët, lodhje, mungesë përqendrimi, ankth apo ulje të motivimit.

Me durim, komunikim pozitiv dhe krijimin gradual të një rutine të qëndrueshme, prindërit mund t’i ndihmojnë fëmijët të përshtaten më lehtë me ritmin shkollor.

Le ta bëjmë së bashku këtë fillim sa më të qetë, të gëzueshëm dhe motivues për çdo fëmijë! 📚✏️

11/09/2026

‼️Udhëzime mbi masat për 📵 ndalimin e përdorimit të telefonit 📲në shkollë.

📴Detyrat e shkollës, mësuesve dhe roli i prindërve duhet të gërshetohen më së miri, në zbatim të këtyre masave.

⚠️ Kujdes, ju lutem!
📵Moszbatimi i këtyre masave, sjell penalitete!🤔

11/09/2026

TË NDERUAR PRINDËR,
Me fillimin e vitit të ri shkollor, ditën e hënë, më 14 shtator 2026, ju ftojmë të gjeni vetëm 5 minuta për të biseduar me fëmijën tuaj.
Kujtojuni se:
1. Nëse një fëmijë është më i gjatë apo më i shkurtër, më i dobët apo më i shëndoshë, ka flokë, ngjyrë lëkure apo tipare të ndryshme nga të tjerët, kjo nuk është arsye për ta tallur apo për ta paragjykuar.
2. Nuk ka asgjë të keqe nëse një fëmijë vesh të njëjtat rroba apo këpucë shpesh. Vlera e një fëmije nuk përcaktohet nga ajo që vesh.
3. Shpjegojuni se një çantë shpine e përdorur mbart të njëjtat ëndrra si një çantë shpine e re.
4. Mësojini të mos përjashtojnë askënd nga shoqëria vetëm sepse është ndryshe apo sepse nuk ka të njëjtat aftësi me ta.
5. Ndihmojini të kuptojnë se nuk duhet të fyejnë, të nënçmojnë apo të gjykojnë të tjerët vetëm sepse kanë mendime, dëshira apo zgjedhje të ndryshme.
6. Shpjegojuni se fjalët dhe sjelljet mund të lëndojnë. Në shkollë shkojmë për të mësuar, për t'u rritur dhe për të ndërtuar miqësi, jo për të lënduar të tjerët.
7. Mësojini të jenë të sjellshëm, të dashur dhe respektues, veçanërisht me fëmijët që qëndrojnë më të tërhequr apo larg grupit të klasës.
8. Nxitini të afrojnë dhe të përfshijnë fëmijët që qëndrojnë vetëm gjatë pushimit. Ndonjëherë, një fjalë e mirë, një buzëqeshje apo një ftesë për t'u ulur bashkë mund të bëjë një ndryshim të madh.
9. Kujtojuni se komunikimi, respekti dhe mirësia kanë rëndësi. Sjellja e secilit prej nesh mund të kontribuojë për një shkollë më të sigurt dhe një shoqëri më të mirë.
❤️ EDUKIMI FILLON NË SHTËPI DHE FORCOHET NË SHKOLLË
Së bashku kundër bullizmit!
Le të ndërtojmë një shkollë ku çdo fëmijë ndihet i pranuar, i respektuar dhe i sigurt.