Shkolla 11 Shkurti Zyrtare

📆🌳22 Prill Dita e Tokës, ditë që thekson nevojën për veprim kolektiv për të mbrojtur ekosistemet e planetit, për të luftuar ndryshimet klimatike dhe për të ruajtur biodiversitetin; ditë që rrit ndërgjegjësimin dhe frymëzon ndryshimin duke nxitur një lidhje të thellë me natyrën. 🌳🔈Të bashkohemi dhe të ndërmarrim veprime për një planet më të shëndetshëm dhe një të ardhme më të ndritshme!♻️🚯🆘🌏🍀 Zyra Vendore Arsimore Kavajë

🌳Kujdesi per Token eshte kujdesi per femijet tane🌳

📚 Mësuesit mjeshtër janë vlerë e shtuar e stafit tonë. Ky vlerësim u krye sot për mësuesen Rozana Dedej në lëndën e Fizikës nga Zyra Arsimore Vendore e Arsimit Kavajë, me praninë e drejtorit z. Enver Biturku, përgjegjëses së kurrikulës znj. Majlinda Cara, drejtuesit të Rrjetit profesional, Drejtorisë së shkollës dhe kryetares së Ekipit lëndor në shkollë. Prania e drejtorit të ZVAP Kavajë për të dhënë mbështetje profesionale për secilin mësues dhe nxënës, erdhi edhe si një takim miqësor për të forcuar akoma më shumë hallkat ndërlidhëse që na bëjnë bashkë me qëllim rritjen e cilësisë së arsimit parauniversitar ! Zyra Vendore Arsimore Kavajë Biturku

💔⚫️ Qeveria Shqiptare ka vendosur që e hëna, 13 shkurt, do të jetë DITË ZIE KOMBËTARE në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë🙏

Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tanë🇦🇱💔🇹🇷

Nxënësit e talentuar të shkollave nga e gjithë Shqipëria kanë nisur punën dhe po angazhohen seriozisht për konkursin “Dhurata Për Mësuesin Tim” me rastin e 7 Marsit.

Këtë vit ky konkurs digjital është edhe më i veçantë pasi, për herë të parë, u jep mundësi të konkurrojnë edhe nxënësve të diasporës, frymëzuar nga mësuesit që i mësojnë gjuhën tonë të bukur shqipe, vlerat kombëtare, traditën dhe dashurinë për atdheun.

Ky është një konkurs gjithëpërfshirës sepse u jep mundësi të gjithë nxënësve të shprehen në fushën ku ata kanë më tepër talent, pikturë, skulpturë, zejtari, këngë, poezi, me apo pa mundësi ekonomike, kudo ku ata ndodhen, duke përfshirë edhe nxënësit me aftësi ndryshe.

🔴 Linku i aplikimit: https://forms.gle/cdawXPawZszr9ScN6

Punimet e përzgjedhura do të postohen në faqen facebook në datat 16-20 shkurt, të ndara në 4 albume të ndryshme, 3 sipas klasave (klasat 1-5, klasat 6-9, klasat 10-12) dhe 1 për nxënësit shqiptarë në diasporë.

Krijimet që do të marrin më shumë pëlqime (nga persona realë) në secilin album do të përcaktojnë fituesit e konkursit të cilët, së bashku me mësuesit e tyre, do të jenë pjesëmarrës në eventin final të datës 7 mars, të mbushur plot me surpriza dhe dhurata.

Një falënderim i veçantë edhe për të gjithë mësuesit dhe prindërit që gjatë këtyre ditëve po i nxisin dhe ndihmojnë nxënësit të shprehin talentin e tyre!🙏🏻

Pres me padurim të shoh të gjitha punimet!

✍🏻