Gjimnazi "Gramoz Palushi" - Faqja Zyrtare

📚 Takim me shkrimtarin Ahmet Prençi

✍🏻Sot në gjimnazin tonë u zhvillua një takim i veçantë me shkrimtarin dhe autorin shqiptar Ahmet Prençi. Aktiviteti u organizua në kuadër të promovimit të leximit dhe njohjes së letërsisë bashkëkohore shqiptare.✨

✍🏻Gjatë takimit, nxënësit patën mundësinë të njiheshin më nga afër me jetën dhe krijimtarinë e autorit, si edhe me romanin e tij “Në Emër të Gjakut.”
Shkrimtari ndau me të pranishmit përvojat e tij gjatë procesit të shkrimit, frymëzimin që e çoi drejt krijimit të veprës dhe mesazhet që ajo përcjell për shoqërinë.📝

✍🏻Takimi u shoqërua me diskutime interesante dhe pyetje nga nxënësit, të cilët treguan interes të veçantë për personazhet, ngjarjet dhe temat e trajtuara në libër. Autori iu përgjigj me kënaqësi çdo pyetjeje, duke krijuar një atmosferë të këndshme dhe bashkëbiseduese.

✍🏻Ky aktivitet ishte një përvojë e vlefshme kulturore dhe edukative, që i afroi nxënësit më shumë me letërsinë dhe i nxiti ata të lexojnë e të reflektojnë mbi temat e rëndësishme që trajton vepra. Falënderojmë shkrimtarin Ahmet Prençi për praninë e tij dhe për mesazhet frymëzuese që ndau me ne. 📖✨

Mirela Kumbaro Furxhi
Ministria e Arsimit dhe Sportit
Zyra Vendore Arsimore Kamëz

🔺Në kuadër të zhvillimit të provimit të parë të Maturës Shtetërore, në shkollën tonë u kryen përgatitjet e nevojshme për organizimin e ambienteve ku do të zhvillohet testimi.📝

📌Përgatitja e ambienteve u realizua me kujdes nga stafi i shkollës, me qëllim garantimin e një mjedisi të përshtatshëm për të gjithë maturantët. U morën të gjitha masat për respektimin e procedurave dhe mbarëvajtjen e provimit.

I urojmë të gjithë maturantëve suksese në provimin e tyre të parë dhe rezultate sa më të mira! 📚✍️🍀

Zyra Vendore Arsimore Kamëz
Mirela Kumbaro Furxhi
Ministria e Arsimit dhe Sportit

Nxënësit e gjimnazit tonë morën pjesë në aktivitetin përmbyllës të projektit “Të rinjtë e Kamzës për Integrimin Europian”, të mbështetur financiarisht nga Bashkia Kamëz dhe zbatuar nga Shoqata Art & Style. ✨🇪🇺

Gjatë ceremonisë së konkursit të eseve,nxënëset tona u vlerësuan me çmimin e parë dhe çmimin e dytë:

Inas Topalli (Vendi I)🥇
Merisa Gocaj (Vendi II)🥈

Punimet e tyre u përzgjodhën ndër më të mirat e konkursit dhe u përfshinë gjithashtu në botimin përmbledhës të projektit.✨📖

Përgëzojmë nxënësit tanë për këtë sukses të merituar, si edhe mësuesit që i kanë mbështetur gjatë gjithë punës së tyre.
Ju lumtë! 👏 ✨
Zyra Vendore Arsimore Kamëz
Mirela Kumbaro Furxhi
Drejtoria Rajonale e Arsimit Parauniversitar Tiranë

📚👨‍🎓Provimet e Maturës Shtetërore 2026 ‼️Çfarë NUK lejohet‼️

⌛Ndërsa edhe pak ditë kanë mbetur nga përgatitjet për provimet e maturës, është e rëndësishme të rikujtojmë së bashku se:

❌Është rreptësisht e ndaluar që gjatë kohës së provimit të keni me vete telefona, orë smart e çdo pajisje tjetër të lidhur inteligjencën artificiale 📵

❌Ndalohen gjithashtu kopjet, bisedat me nxënës të tjerë dhe përdorimi i materialeve të tjera të palejuara🗣️👨‍💻❌

Për t’ia dalë mbanë me sukses✅, mbështetuni tek përgatitja, përsëritja dhe besimi tek vetja juaj💬📖☺️

ℹ️Më shumë informacion👇
https://arsimi.gov.al/newsroom/udhezim-nr-27-date-30-12-2025/

📌Në kuadër të Ditës Botërore për Diversitetin Kulturor, Dialogun dhe Zhvillimin, u zhvillua një aktivitet sensibilizues i frymëzuar nga vlerat që promovon UNESCO.
🖊️Kjo ditë thekson rëndësinë e respektit ndaj kulturave të ndryshme, dialogut mes popujve dhe bashkëpunimit për zhvillim të qëndrueshëm.
🖊️Përmes këtij aktiviteti, nxënësit përcollën mesazhe tolerance, mirëkuptimi dhe vlerësimi për pasurinë kulturore që bashkon shoqëritë në mbarë botën.
Mirela Kumbaro Furxhi
Drejtoria Rajonale e Arsimit Parauniversitar Tiranë
Zyra Vendore Arsimore Kamëz

📌Sot në shkollën tonë u zhvillua aktiviteti me temë “Dita Ndërkombëtare e Bashkëjetesës në Paqe”, i frymëzuar nga vlerat që promovon UNESCO.🌐

✍🏻 Nxënësit përcollën mesazhe paqeje, tolerance, respekti dhe bashkëpunimi, duke theksuar rëndësinë e bashkëjetesës harmonike mes njerëzve, pavarësisht dallimeve kulturore, fetare apo shoqërore.👏✨

✍🏻Aktiviteti synoi ndërgjegjësimin e të rinjve për ndërtimin e një shoqërie më paqësore dhe më të bashkuar.🤝🏼🌎
Zyra Vendore Arsimore Kamëz
Mirela Kumbaro Furxhi
Drejtoria Rajonale e Arsimit Parauniversitar Tiranë

📵JO TELEFONIT NË SHKOLLË

🏫📙 Shkolla është vendi ku ndërtohet dija dhe e ardhmja, ndaj çdo moment në të, duhet ta shfrytëzoni për të mësuar duke u përqëndruar në orën e mësimit 📚📐✏️

⚠️ Jemi drejt fundit të vitit shkollor, por rregullat duhen zbatuar njësoj me përpikmëri!
Përdorimi i telefonit gjatë orës së mësimit ndalohet dhe çdo shkelje e këtij rregulli sjell penalitete 📴📵