Shkolla 9-vjeçare 'Naim Frashëri' Gjirokastër

Në kuadër të Strategjisë Ndërsektoriale për Parandalimin e Ekstremizmit të Dhunshëm, Bullizmit dhe Terrorizmit, nxënësit zhvilluan një veprimtari ndërgjegjësuese me temë “Kuptimi i terrorizmit dhe pasojat e tij”. Përmes diskutimeve, punimeve krijuese dhe reflektimeve, ata promovuan vlerat e paqes, respektit dhe bashkëjetesës.
.

5 QERSHORI – DITA BOTËRORE E MJEDISIT
Më 5 qershor, Dita Botërore e Mjedisit, një ditë e dedikuar mbrojtjes së natyrës dhe ndërgjegjësimit për sfidat mjedisore që ndikojnë në jetën tonë. 🌎Mjedisi është pasuria më e çmuar që kemi, pasi na siguron burimet e nevojshme për jetën. Dita Botërore e Mjedisit na kujton rëndësinë e veprimeve të përditshme që ndihmojnë në mbrojtjen e planetit. Megjithatë, ndotja, shpyllëzimi dhe ndryshimet klimatike po e kërcënojnë gjithnjë e më shumë këtë pasuri. Kjo ditë shërben si një thirrje globale për të vepruar me përgjegjësi ndaj mjedisit dhe për të kontribuar në ruajtjen e ekuilibrit natyror.🌱🌳

Klasa IV dhe V
Një ekskursion i paharrueshëm mes objekteve historike që na treguan copëza të së shkuarës, monumenteve natyrore që na mahnitën me bukurinë e tyre dhe lojërave në ajrin e pastër që na mbushën me energji e gëzim.
Libohova na mirëpriti me historinë, natyrën dhe qetësinë e saj, duke na kujtuar se mësimi më i bukur shpesh ndodh jashtë mureve të klasës.