Shkolla 9-vjecare jopublike "Flatrat e dijes"

Shkolla 9-vjecare jopublike "Flatrat e dijes" "Flatrat e dijes", modelojme shkollen e se ardhmes.

16/09/2026

☀️💦 Ditët e ngrohta të shtatorit vazhdojnë… dhe klasat e treta i shijuan në Aquapark “Flatrat e Dijes”!

Në kuadër të orës së Edukimit Fizik, nxënësit e klasave të treta patën mundësinë të zhvillonin aktivitetin e tyre në një mënyrë ndryshe, më dinamike dhe plot argëtim, duke shfrytëzuar ambientet e Aquaparkut.

Një nga veçantitë e “Flatrave të Dijes” është pikërisht mundësia që nxënësit tanë të kenë në dispozicion edhe Aquaparkun për aktivitete fizike, rekreative dhe momente të bukura së bashku. 🏊‍♀️

Ditët e ngrohta të shtatorit na lejojnë ende ta shfrytëzojmë këtë hapësirë, duke e kthyer orën e edukimit fizik në një eksperiencë të veçantë, ku lëvizja, loja dhe kënaqësia ndërthuren natyrshëm.

Sepse tek “Flatrat e Dijes”, edukimi nuk zhvillohet vetëm brenda klasës.

14 shtatori na gjeti aty ku përkasim profesionalisht dhe si mision, pranë nxënësve, me ekipin kompakt e energjik të "Fla...
14/09/2026

14 shtatori na gjeti aty ku përkasim profesionalisht dhe si mision, pranë nxënësve, me ekipin kompakt e energjik të "Flatrave". Suksese për vitin 2026-2027!

KËTU NISIN FLATRAT | AMARILDA GUSHOMësuese Amarilda, diplomuar për bio-kimi, ka mbi 15 vite përvojë, të ndërtuara çdo di...
11/09/2026

KËTU NISIN FLATRAT | AMARILDA GUSHO

Mësuese Amarilda, diplomuar për bio-kimi, ka mbi 15 vite përvojë, të ndërtuara çdo ditë pranë nxënësve dhe klasës së saj.

Karrierën si mësuese e posa e nisi te ne, ndërsa sot është investuar seriozisht në programin Cambridge.

Por forca e saj nuk qëndron vetëm te lëndët që jep. Qëndron edhe te mënyra si vëren nxënësin, kupton ritmin dhe nevojat e tij dhe e mbështet që të ecë përpara. Në klasën e saj, mësuesi qëndron pranë fëmijës në çdo hap të të nxënit.

Në vitin e 26-të të “Flatrave të dijes”, mësuese Amarilda përfaqëson atë që duam të ndërtojmë çdo ditë: dije dhe vëmendje ndaj çdo nxënësi. 💛

KËTU NISIN FLATRAT | NEVILA SINANIKa mësuese që fëmijët i afrojnë menjëherë, sepse dinë t’u falin qetësi, siguri dhe bes...
10/09/2026

KËTU NISIN FLATRAT | NEVILA SINANI

Ka mësuese që fëmijët i afrojnë menjëherë, sepse dinë t’u falin qetësi, siguri dhe besim.

Mësuese Nevila është një prej tyre. Me ëmbëlsinë në komunikim, durimin dhe afërsinë e natyrshme me nxënësit, ajo krijon një klasë ku fëmija ndihet i dëgjuar, i pranuar dhe i gatshëm të provojë.

Me mbi 30 vite përvojë në arsim, Mësuese Mjeshtër, e diplomuar për Arsim Fillor, ajo është pjesë e “Flatrave” që prej themelimit të shkollës.

Breza të tërë nxënësish kanë kaluar në klasën e saj dhe kanë marrë me vete jo vetëm dije, por edhe kujtimin e një mësueseje që dinte t’i bënte të ndiheshin mirë në shkollë.

Në vitin e 26-të të “Flatrave të dijes”, mësuese Nevila mbetet një nga figurat më të dashura të historisë sonë. 💛

KËTU NISIN FLATRAT | FATIME ZEQOMësuese Fatime, e diplomuar për cikël të ulët, sot me titullin "Mjeshtër", është pjesë e...
09/09/2026

KËTU NISIN FLATRAT | FATIME ZEQO

Mësuese Fatime, e diplomuar për cikël të ulët, sot me titullin "Mjeshtër", është pjesë e “Flatrave të dijes” që prej ditës së parë.

Breza të tërë fëmijësh kanë kaluar në klasën e saj, duke marrë jo vetëm njohuri, aftësi logjike e shprehi pune, por edhe një përvojë të pasur shkollore që i ka pajisur me vetëbesim e kureshtje.

Ka emra që nuk mbeten vetëm në regjistra apo fotografi të vjetra, por në kujtesën e nxënësve, në historitë që tregohen vite më pas dhe në vetë identitetin e një shkolle.

Në vitin e 26-të të “Flatrat e dijes”, mësuese Fatoja mbetet një nga figurat që lidh fillimet tona me brezat që vazhdojnë ta zgjedhin shkollën për vlerat e qëndrueshme ndërtuar në vite. 💛

🎭 𝗦𝗞𝗘𝗡𝗔, 𝗞𝗟𝗔𝗦𝗔 𝗘 𝗡𝗝𝗘̈ 𝗟𝗟𝗢𝗝𝗜 𝗧𝗝𝗘𝗧𝗘̈𝗥Ka fëmijë që në klasë flasin pak, por në skenë gjejnë zërin e tyre. Ka të tjerë që at...
08/09/2026

🎭 𝗦𝗞𝗘𝗡𝗔, 𝗞𝗟𝗔𝗦𝗔 𝗘 𝗡𝗝𝗘̈ 𝗟𝗟𝗢𝗝𝗜 𝗧𝗝𝗘𝗧𝗘̈𝗥

Ka fëmijë që në klasë flasin pak, por në skenë gjejnë zërin e tyre. Ka të tjerë që aty zbulojnë guximin, humorin, ndjeshmërinë apo një talent që nuk e dinin se e kishin.

Kjo është arsyeja pse 𝘁𝗲𝗮𝘁𝗿𝗶 𝘁𝗲 𝗻𝗲 𝗸𝗮 𝘃𝗲𝗻𝗱𝗶𝗻 𝗲 𝘃𝗲𝘁.
Nuk është vetëm shfaqja e fundvitit, por procesi: provat, emocionet, gabimet, të qeshurat, pritja pas kuintave, duartrokitjet.

Është ai çast kur një tekst i lexuar në libër papritur merr zë, lëvizje dhe jetë.
Dhe, pa e kuptuar, fëmijët mësojnë shumë më tepër se një rol: mësojnë të jenë bashkë, të dëgjojnë njëri-tjetrin dhe të shohin botën edhe nga vendi i tjetrit.

𝗣𝗿𝗮𝗻𝗱𝗮𝗷 𝘀𝗸𝗲𝗻𝗮 𝗲̈𝘀𝗵𝘁𝗲̈ 𝗽𝗷𝗲𝘀𝗲̈ 𝗲 𝘀𝗵𝗸𝗼𝗹𝗹𝗲̈𝘀 𝘀𝗼𝗻𝗲̈.
Sepse disa nga mësimet që mbahen mend më gjatë, nuk zhvillohen gjithmonë në banka. 🎭



P.S Foto nga shfaqja e klasës VI, Green Guardians.

KËTU NISIN FLATRAT | ARTA EREQIMë 14 shtator, mësuese Arta do të mirëpresë nxënësit në klasën e matematikës. Diplomuar ...
07/09/2026

KËTU NISIN FLATRAT | ARTA EREQI

Më 14 shtator, mësuese Arta do të mirëpresë nxënësit në klasën e matematikës.

Diplomuar për Matematikë–Fizikë, mësuese me kategorinë "Mjeshtër" dhe me mbi 30 vite përvojë në arsim, sjell në klasë përkushtim, seriozitet dhe këmbëngulje.

Ajo i udhëheq nxënësit të arsyetojnë, të kërkojnë zgjidhjen dhe të mos dorëzohen përballë vështirësisë.

Në vitin e 26-të te “Flatrat e dijes”, përvoja vazhdon të jetë një nga shtyllat më të forta.
Përvojë që udhëheq, këmbëngulje që formon. 💛

KËTU NISIN FLATRAT | MËSUESE IRMA CIPLLAKAMë 14 shtator, mësuese Irma do të rikthehet në klasë për të mirëpritur nxënësi...
05/09/2026

KËTU NISIN FLATRAT | MËSUESE IRMA CIPLLAKA

Më 14 shtator, mësuese Irma do të rikthehet në klasë për të mirëpritur nxënësit në një vit të ri mësimi, sfidash dhe arritjesh. 📚

E diplomuar për Gjuhë Angleze dhe me shkallën e kualifikimit profesional “Mësues mjeshtër”, ajo spikat për përvojën, seriozitetin dhe rezultatet e larta të nxënësve të saj.

Prej më shumë se 20 vitesh te “Flatrat e dijes”, mësuese Irma është një nga mësueset më të dashura për breza të tërë nxënësish dhe njëherazi koordinatore eTwinning e shkollës.

Ajo udhëheq projekte europiane të vlerësuara me Etiketën Europiane të Cilësisë dhe është vlerësuar edhe me Çmim Kombëtar për cilësinë dhe ndikimin e punës së saj me projektet eTwinning te nxënësit dhe kolegët. 🇪🇺

Një mësuese që, ndër vite, është bërë pjesë e identitetit dhe e historisë së “Flatrave”. 💛

KËTU NISIN FLATRAT | NEVILA PRIFTIMë 14 shtator, mësuese Nevila Prifti do të mirëpresë sërish nxënësit e saj në një vit ...
04/09/2026

KËTU NISIN FLATRAT | NEVILA PRIFTI

Më 14 shtator, mësuese Nevila Prifti do të mirëpresë sërish nxënësit e saj në një vit të ri mësimi, kërkimi dhe zbulimi. 📚

E diplomuar për Histori–Gjeografi, me rezultate të shkëlqyera, ajo përfaqëson një profil të spikatur profesional, ku formimi i fortë akademik, përvoja dhe serioziteti në punë ndërthuren me përkushtimin ndaj nxënësit.

Me shkallën më të lartë të kualifikimit profesional, mësuese Nevila sjell në klasë jo vetëm njohuritë e historisë dhe gjeografisë, por edhe dëshirën për t’i nxitur nxënësit të pyesin, të argumentojnë, të kërkojnë lidhje dhe ta kuptojnë më thellë botën që i rrethon.

Për më shumë se 20 vjet te “Flatrat e dijes”, ajo ka përcjellë breza të tërë nxënësish, duke u bërë pjesë e rëndësishme e historisë dhe e vazhdimësisë së shkollës sonë. Në vitin tonë të 26-të, disa prej historive më të bukura të “Flatrave” janë pikërisht ato që ndërtohen kështu: nga një brez nxënësish te tjetri. 💛

KËTU NISIN FLATRAT | GLOVANA SHKURTIMë 14 shtator, mësuese Glovana do të mirëpresë fëmijë që nisin për herë të parë rrug...
03/09/2026

KËTU NISIN FLATRAT | GLOVANA SHKURTI

Më 14 shtator, mësuese Glovana do të mirëpresë fëmijë që nisin për herë të parë rrugëtimin e tyre.

Ka mësues që fëmijët i kujtojnë jo vetëm për atë që u kanë mësuar, por për mënyrën si i kanë bërë të ndihen në shkollë.

E diplomuar për Arsim Fillor dhe me 15 vite përvojë, mësuese Glovana spikat për aftësinë për të krijuar një klasë ku fëmijët lidhen me shkollën, me njëri-tjetrin dhe me të mësuarit.

Në klasën e saj mbeten gjatë në kujtesë praktikat e veçanta, përjetimet e përbashkëta dhe ato çaste të vogla me shokët e shoqet që e bëjnë fëmijërinë shkollore të paharrueshme. 💛

Address

Llambi Argjendari
Fieri
9300

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 00:30

Telephone

+355694439678

Website

Alerts

Be the first to know and let us send you an email when Shkolla 9-vjecare jopublike "Flatrat e dijes" posts news and promotions. Your email address will not be used for any other purpose, and you can unsubscribe at any time.

Contact The School

Send a message to Shkolla 9-vjecare jopublike "Flatrat e dijes":

Shortcuts

Share

Category