Gjimnazi Petro Nini Luarasi - PNL Erseke

Suksese Matura 2026! 🎓

📘 Matura Shtetërore 2026
Të dashur maturantë,
ju rikujtojmë të respektoni rregullat dhe udhëzimet për zhvillimin korrekt të provimeve të Maturës Shtetërore 2026.
✅ Paraqituni në shkollë në orën 08:30
✅ Provimi zhvillohet nga ora 10:00 – 12:30
✅ Merrni me vete mjetet e nevojshme dhe dokumentin e identifikimit
✅ Ruani qetësinë, përqendrimin dhe korrektësinë gjatë provimit
⛔ Ndalohen rreptësisht telefonat celularë, orët smart dhe çdo pajisje tjetër elektronike gjatë zhvillimit të provimit.
Ju urojmë suksese të gjithë maturantëve tanë! 🎓

📐✨ Prezantimi i Projekteve në Lëndën e Matematikës ✨📐
Nxënësit e klasave 12 A dhe 12 B zhvilluan me sukses prezantimin e projekteve në lëndën e matematikës, duke treguar kreativitet, përkushtim dhe punë në grup.
Me shumë ide dhe përgatitje, ata realizuan “Këndin e Matematikës” si edhe mozaikun me logon e shkollës, duke e kthyer matematikën në art dhe frymëzim. 🔢🎨
Falënderojmë të gjithë nxënësit për angazhimin dhe punën e palodhur, si edhe mësuesen për udhëheqjen dhe mbështetjen gjatë realizimit të këtyre projekteve. 👏📚
Suksese të mëtejshme dhe sa më shumë iniciativa kreative! 🌟

🇪🇺 Gëzuar Ditën e Europës! 🇪🇺
Në shkollën tonë u zhvilluan aktivitete të ndryshme kushtuar Ditës së Europës, ku nxënësit prezantuan me shumë kreativitet punimet, projektet dhe idetë e tyre mbi vlerat europiane, kulturën dhe bashkëpunimin mes vendeve.
Falënderojmë të gjithë nxënësit për përkushtimin dhe entuziazmin, si edhe mësueset për mbështetjen dhe punën e palodhur në organizimin e këtij aktiviteti të bukur.
Krenarë për talentin dhe energjinë që përcillni! 💙✨

Hapet periudha e radhës e aplikimeve me formularet A1/A1Z, për MSH 2026, në datat 5-7
Maj 2026, ora 08.00 - 16.00.

Sot, në kuadër të Ditës së Librit 📚, nxënësit e klasës 11 B realizuan një aktivitet të veçantë artistik dhe kulturor, duke sjellë në skenë pjesë nga veprat më të njohura të letërsisë botërore dhe shqiptare. Përmes interpretimit të tyre, ata përcollën emocione, mesazhe dhe vlera që këto kryevepra mbartin ndër vite ✨
Ky aktivitet ishte një dëshmi e gjallë e fuqisë së librit 📖 për të frymëzuar, edukuar dhe bashkuar njerëzit. Libri mbetet një nga burimet më të rëndësishme të dijes dhe zhvillimit personal, duke na ndihmuar të kuptojmë më mirë botën dhe veten tonë 🌍 .
Urime mësueses dhe nxënësve të klasës 11 B për përkushtimin dhe performancën e tyre të shkëlqyer! 👏

🌍 Dita e Tokës 🌱
Me rastin e Ditës së Tokës, përgëzojmë nxënësit e klasave të 10-ta për angazhimin dhe përkushtimin e tyre në zhvillimin e aktivitetit në lëndën e Gjeografisë dhe Ndryshimeve Klimatike.
Një falënderim i veçantë shkon edhe për mësuesit që kontribuan në organizimin dhe realizimin e këtij aktiviteti të rëndësishëm, duke nxitur ndërgjegjësimin për mbrojtjen e mjedisit dhe kujdesin ndaj planetit tonë.
Së bashku për një të ardhme më të gjelbër! 💚