Shkolla 9-vjecare ''Imelda Lambertini''

Me këngë, recitime dhe buzëqeshje të pafund, nxënësit e klasës së parë na treguan se sa shumë kanë mësuar dhe sa larg janë gati të shkojnë.

Urime të përzemërta për vogëlushët tanë dhe mësuesit e përkushtuar që i kanë udhëhequr me dashuri në këtë rrugëtim të bukur drejt dijes! 🌟📖

🌟 LIAM BEJTJA – NJË HISTORI SUKSESI DHE PËRKUSHTIMI 🌟

Me krenari të madhe përgëzojmë Liam Bejtja, nxënës i klasës së 4-t, për arritjen e tij të jashtëzakonshme në konkursin ndërkombëtar të gjuhës angleze HIPPO. 🏆📚
Falë talentit, punës së palodhur dhe përkushtimit të vazhdueshëm, Liam arriti të kalojë me sukses të gjitha raundet kombëtare, duke u bërë një nga përfaqësuesit më të mirë të Shqipërisë në fazën ndërkombëtare.

Ky rezultat dëshmon se suksesi nuk është rastësi, por fryt i punës, disiplinës dhe dëshirës për të mësuar. Liam është një shembull frymëzues për bashkëmoshatarët e tij dhe një krenari për familjen, shkollën dhe qytetin tonë.
👏 I urojmë suksese të mëtejshme në çdo sfidë që e pret dhe jemi të bindur se ky është vetëm fillimi i një rrugëtimi plot arritje!
✨ Suksesi flet vetë kur talenti takohet me përkushtimin. ✨

🌈🎈 *1 Qershori – Një ditë e veçantë për vogëlushët tanë!*🎈🌈

Me rastin e *1 Qershorit – Ditës Ndërkombëtare të Fëmijëve*, nxënësit e klases se trete ne shkollen tone, përjetuan një ditë të mbushur me gëzim, buzëqeshje dhe surpriza të këndshme.

Një falënderim i veçantë shkon për prindin tonë të nderuar, *Krenar Llupo*, i cili në bashkëpunim me stafin e ProCredit Bank, bëri të mundur organizimin e një aktiviteti të veçantë për fëmijët. Përmes lojërave, bashkëbisedimeve dhe dhuratave simbolike, ata sollën një atmosferë festive dhe krijuan kujtime të bukura për vogëlushët tanë.

Ky aktivitet dëshmoi edhe një herë rëndësinë e bashkëpunimit mes shkollës dhe prindërve, një partneritet që pasuron jetën shkollore dhe ndikon pozitivisht në edukimin e fëmijëve.
Përgëzojmë dhe falënderojmë prindërit që janë gjithmonë pranë shkollës, kontribuojnë me ide dhe iniciativa të vlefshme dhe bëhen shembull frymëzues për komunitetin tonë.

Së bashku ndërtojmë një mjedis më të bukur, më të ngrohtë dhe më të pasur për femijet tane.

🌟 Urime Elita Gaxhja! 🌟
Me shumë krenari përgëzojmë nxënësen tonë të klasës së III-të, Elita Gaxhja, e cila u shpall fituese në Olimpiadën Kangur. 🏆📚

Ky sukses i merituar është rezultat i përkushtimit, punës së vazhdueshme dhe talentit të saj. Elita ka dëshmuar se me vullnet dhe këmbëngulje mund të arrihen rezultate të shkëlqyera që na bëjnë të gjithëve krenarë.

✨ Tradita e fituesve vazhdon! ✨ Edhe këtë vit, nxënësit tanë konfirmojnë vlerat e tyre dhe dëshmojnë se suksesi ndërtohet me punë, dije dhe përkushtim.
I urojmë Elitës edhe shumë suksese të tjera në rrugëtimin e saj arsimor dhe personal. Vazhdo të shkëlqesh! 🌹👏

Krenari për shkollën tonë! 🇦🇱🇪🇺

Me shumë kënaqësi ndajmë dy arritje të jashtëzakonshme që dëshmojnë nivelin e lartë të përgatitjes dhe përkushtimit në shkollën tonë.

Ekipi ynë, i përbërë nga nxënëset e klasës së IX, Marinela Hoxha dhe Majla Idrizi, përfaqësoi denjësisht Shqipërinë në Kuizin Europian të Parasë, të zhvilluar në Bruksel. Në këtë aktivitet morën pjesë 30 shtete europiane, përfshirë vendet e Bashkimit Europian dhe shtete të tjera pjesëmarrëse, ndërsa vajzat tona arritën të renditen në vendin e 6-të, një rezultat i shkëlqyer që na mbush me krenari dhe që pasqyron punën, përkushtimin dhe njohuritë e tyre të spikatura.

Një tjetër sukses i madh vjen nga profesori i tyre, Albin Malelli, i cili u vlerësua si mësuesi më i mirë ndër 30 mësuesit shoqërues, duke u renditur i pari. Ky vlerësim është një dëshmi e profesionalizmit, përkushtimit dhe punës së palodhur në përgatitjen e nxënësve.

Këto arritje flasin qartë për cilësinë e arsimit në shkollën tonë dhe për përpjekjet e vazhdueshme të nxënësve dhe mësuesve tanë për të arritur rezultate të larta në arenën kombëtare dhe ndërkombëtare.

Urime Marinelës, Majlës dhe profesor Albin Malellit për këtë sukses të merituar! Ju na bëtë të gjithëve krenarë

🎨✨ Në kuadër të 30-vjetorit të shkollës sonë, u çel ekspozita e artit pamor “Kujtime në Ngjyra”, një udhëtim i veçantë përmes punimeve artistike të realizuara nga nxënësit tanë ndër vite.

Kjo ekspozitë solli së bashku krijime që pasqyrojnë talentin, imagjinatën dhe ndjeshmërinë artistike të brezave të ndryshëm të nxënësve, duke na dhuruar një mozaik kujtimesh të ruajtura në ngjyra, forma dhe emocione.

Çdo punim rrëfen një histori të vogël, ndërsa të gjitha së bashku tregojnë historinë e madhe të një shkolle që prej 30 vitesh kultivon dijen, kreativitetin dhe dashurinë për artin.

🖌️ Falënderojmë të gjithë nxënësit dhe mësuesit që kanë kontribuar në këtë galeri kujtimesh, e cila na kujton se arti mbetet një nga mënyrat më të bukura për të lënë gjurmë në kohë.

Me rastin e 30-vjetorit të institucionit tonë, vazhdojmë t’ju njohim me historitë frymëzuese dhe arritjet e jashtëzakonshme të ish-nxënësve tanë!

Sot ju prezantojmë me krenari Biorn Elezin, i cili po ndjek studimet në degën Health Sciences në Jacksonville University, Florida, United States.

Përkushtimi, puna e palodhur dhe ambicia e tij janë shembull i vlerave që nxënësit tanë bartin drejt suksesit.
Jemi krenarë për çdo hap të tijin dhe i urojmë suksese të vazhdueshme në rrugën akademike dhe profesionale!

30 vite përkushtim, vlera dhe edukim. ❤️

Mirënjohës për çdo nxënës, prind, mësues dhe mik që ka qenë pjesë e këtij rrugëtimi. Faleminderit që festuat me ne këtë përvjetor të veçantë.

Gëzuar 30-vjetorin e shkollës sonë! 🎉

Me shumë krenari ndajmë dy histori suksesi nga ish-nxënësit tanë, të cilët kanë nisur rrugëtimin e tyre që në hapat e parë të edukimit në institucionin tonë.

Marko Hidri ka përfunduar studimet Bachelor në “International Economics and Finance” në Universitetin Bocconi në Milano me bursë ekselence, si dhe Master Double Degree në “Corporate Strategy and Finance in Europe” në Charles University dhe Sciences Po Strasbourg. Sot ai është i punësuar në kompaninë ndërkombëtare “Ernst & Young” në Pragë.

Frenk Hidri është aktualisht student në Bachelor në “Computer Science” në Charles University në Pragë, duke ndjekur me përkushtim rrugën e dijes dhe teknologjisë.

Jemi krenarë për arritjet e tyre dhe përfaqësimin dinjitoz që i bëjnë shkollës sonë në rrugëtimin e tyre akademik dhe profesional. ❤️