Departamenti i Gjuhësisë UNIEL

27/07/2026

24/07/2026

✍️Një lajm i bukur për Departamentin e Gjuhësisë!

Kolegia jonë, prof. as. dr. Teuta Toska, është shpallur fituese e Fondit të Krijimtarisë Letrare "Libri për Fëmijë" 2026, me veprën “Na quajnë Motrat Qiriazi”, krahas shkrimtarëve të afirmuar të letërsisë për fëmijë, Xhahid Bushati dhe Adelina Mamaqi.

Vepra u vlerësua për rrëfimin e ndjerë dhe bashkëkohor me të cilin sjell jetën dhe misionin e motrave Qiriazi në shërbim të arsimit, gjuhës shqipe dhe identitetit kombëtar.

Urime të përzemërta Teuta Toska për këtë vlerësim të merituar! 👏👏👏

10/07/2026

Sot ishte një ditë e shënuar për studentët e programit të ciklit të dytë të studimeve, Master i Shkencave në “Gjuhësi”.
Ata prezantuan punimet e tyre në ditën e diplomimit. Mikrotezat sollën prurje dhe kontribute shkencore në lëmenj të ndryshëm të gjuhësisë, si në gjuhësinë teorike, ashtu edhe në atë të zbatuar. Tematika e larmishme përfshiu fusha dhe nënfusha të ndryshme, si leksikologjia dhe leksikografia, gramatika, morfologjia, terminologjia, gjuhësia konjitive, semantika dhe pragmatika, semiotika, didaktika e gjuhës, përdorimi i inteligjencës artificiale në mësimdhënien e gjuhës shqipe etj.
Urime studentëve për këtë arritje të rëndësishme akademike dhe profesorëve të Departamentit të Gjuhësisë, për udhëheqjen, mbështetjen dhe përkushtimin e tyre shkencor!

Suksese të gjithëve!

09/07/2026

Sot, më 9 korrik 2026, në Akademinë e Shkencave të Shqipërisë, u zhvillua sesioni shkencor me temë “Prurje dhe qasje të reja metodologjike në studimet e sotme albanologjike”, organizuar nga Instituti i Gjuhësisë dhe i Letërsisë.
Në këtë veprimtari shkencore morën pjesë me kumtesat e tyre tre anëtarë të Departamentit të Gjuhësisë:

1. Prof. as. dr. Teuta Toska, Korpusi albanologjik si gur themeli për studime etnolinguistike. (Artan Haxhi, Krestomaci e albanologjisë II, ASH, Tiranë, 2025).

2. Dr. Aurela Basha, Shkolla si hapësirë e diskurseve. (Rafaela Marteta, Shkolla e (pa) përsosur... është më njerëzore, Tiranë, 2025).

3. Dr. Resul Telhaj, Kontributi i prof. Mehmet Çelikut në
sintaksën e shqipes dhe vendi i tij në raport me teoritë moderne strukturaliste, gjenerative dhe funksionale.

Veprimtaria vijoi me diskutime dhe reflektime mbi rëndësinë e bashkëpunimit ndërinstitucional dhe ndërbrezor për zhvillimin e mëtejshëm të studimeve albanologjike dhe për konsolidimin e metodologjive bashkëkohore në kërkimin shkencor. Gjatë diskutimeve u nënvizuan nevoja e hapjes ndaj qasjeve të reja metodologjike, ndërthurja e përvojës së konsoliduar me prurjet e studiuesve të rinj, si dhe përballimi i sfidave të reja të kërkimit albanologjik.

Sesioni shkencor u përmbyll me vlerësimin e trashëgimisë së pasur albanologjike dhe të përvojës së krijuar ndër vite, si edhe me paraqitjen e përfundimeve kryesore të veprimtarisë.






www.akad.gov.al

26/06/2026

Kalendari i aplikimit universitar 2026

25/05/2026

Alma Zdrava, "Trashëgimi e qëndisur në fije ari"

"Kur fliste për kostumin, sytë i mbusheshin me lot dhe buzëqeshte njëkohësisht. Ajo më tregonte se si gratë e fshatit mblidheshin bashkë dhe punonin për pajën e vajzave. Çdo vajzë donte që kostumi i saj të ishte më i bukuri, sepse ai tregonte nderin dhe punën e familjes.
Nëna ime e veshi këtë kostum ditën e dasmës. Ajo më ka treguar se sa emocion ishte momenti kur gjyshja ia vendosi shaminë mbi kokë. Në atë moment, nuk ishte thjesht një veshje, por një trashëgimi që kalonte nga një brez tek tjetri.
Kur e shikon kostumin nga afër, duket sikur çdo pjesë ka shpirtin e vet. Ai nuk është i thjeshtë; çdo fije, çdo qendisje dhe çdo ngjyrë duket sikur tregon një histori."

24/05/2026

Rigelda Pisha, "Arti që flet përmes kostumit popullor të Shmilit"

Kam bërë shumë detyra, por kurrë nuk kisha folur per origjinën time. Kishte diçka më personale brenda saj. Teksa shkruaja për kostumin popullor të Shmilit, pa dashur u ktheva pas në kohë, tek vetja ime e vogël, tek femijëria ime kur e vesha për herë të parë. Nuk ishte thjesht një veshje, ishte një ndjesi që nuk e kuptoja atëherë, por që sot e ndiej më fort se kurrë. Çdo detaj, çdo zbukurim,me dukej si magji, sikur mbante brenda një histori të heshtur që vetëm zemra mund ta kuptojë. Kjo detyrë më bëri të ndalem dhe të reflektoj, të mos i shoh më gjërat thjesht me sy, por t’i ndiej. Sepse ndonjëherë, ajo që duket e zakonshme, mban brenda kujtimet më të bukura dhe lidhjen më të fortë me rrënjët tona.