Shkolla e bashkuar Kostandin Shpataraku Gjinar faqja zyrtare

Ceremonia e Diplomimit
Matura 2025—2026

Momente nga programi që maturantët kishin përgatitur për mbylljen e një cikli të rëndësishëm në jetën e tyre.
Maturantëve u urojmë suksese në provimet e maturës dhe kudo në jetë!

Java Olimpike
Gjinar 2026
Shkollat “Kostandin Shpataraku”, Gjinar, dhe “Abdulla Hida”, Lleshan, në kuadër të javës olimpike organizuan disa aktivitete sportive midis shkollave.
Në to u përfshin:
1. Futboll për djem
2. Volejboll për vajza
3. Tërheqje litari

Nxënësit Aleandro PREÇI, Daniel AHMATI dhe Alesio HIDA, nën drejtimin e mësuesit koordinator Marjeta HAZIZI, ishin pjesëmarrës në Festivalin e Shkencave me punimin e tyre me temë “PËRDORIMI I FUQISË HIDRAULIKE PËR TË VËNË NË LËVIZJE OBJEKTET”.

Qëllimi: Të tregoj se si funksionon një krah hidraulik me anë të presionit të lëngut brenda një qarku.

Gjuha shqipe është ajo në të cilën ne mendojmë, komunikojmë dhe ëndërrojmë. Gjuha shqipe nuk është as më e rëndësishme e as më e parëndësishme se gjuhët e tjera, por ajo është gjuha në të cilën ne jemi lindur, jemi rritur e nevojat e çdo lloji në të i shprehim. Si e tillë ajo mbartë vlerat e të shenjtës, dhe pikërisht prej kësaj na lind për detyrë që ta ruajmë, ta mësojmë, ta respektojmë e ta trashëgojmë siç të parët tanë na e kanë sjellë deri më sot.

Gëzuar 7 Marsin!

Kishim nderin dhe kënaqësinë të kishim të ftuar sot në shkollën tonë gazetarin, shkrimtarin dhe moderatorin e emisionit OPINION në TV KLAN, zotin Blendi Fevziu, ku në kuadër të programit të Këshillimit të Karrierës, u organizua një takim dhe diskutim me nxënësit e shkollave “Kostandin Shpataraku”, “Kodhel Dedja” dhe “Abdulla Hida”.

Për këtë organizim falenderojmë koordinatoren e Këshillimit të Karrierës pranë këtyre shkollave Jorida Malelli Spahillarin, drejtorinë e shkollës, mësuesit dhe nxënësit që me pyetjet dhe diskutimet e tyre krijuan një atmosferë të ngrohtë.

Gjatë muajit shkurt në mjediset e shkollës u zhvillua kampionati i shahut me një pjesëmarrje të lartë të nxënësve nga të gjitha klasat.
Ai kulmoi sot me zhvillimin e dy ndeshjeve finaliste për vendin I dhe III.

Fitues u shpallën:
Vendi I - Klejsi Myrta, klasa X
Vendi II - Matias Bërdufi, klasa XII
Vendi III - Marvin Ahmati, klasa X
Vendi IV - Daniel Ahmati, klasa X

Për këtë organizim falenderojmë drejtorinë e shkollës, stafin e mësuesve, Klubin e Leximit dhe Klubin e Sportit, nxënësit pjesëmarrës si lojtarë dhe si mbështetës të të preferuarve të tyre të cilët të gjithë bashkë i dhanë shumë ngjyra këtij organizimi.

Festivali i Shkencave
Momente nga prezantimi që nxënësit u bën punëve të tyre.