Rahma School

06/11/2023

Fjala poetike në "Rahma School", Elbasan

Tjetër veprimtari me karakter masiv në shkollën "Rahma School". Këtë herë, edhe në kuadër të muajit të letërsisë e arteve, është zhvilluar konkursi i fjalës poetike. Janë përfshirë në këtë veprimtari nxënës të klasave 6-të gjer në të 9-të, të cilët, gjatë interpretimeve kanë nxitur shpirtin krijues e atë të konkurrencës. Në konkurs janë paraqitur poezi të autorëve vendas dhe të huaj. Nxënësit kanë marrë çertifikata pjesëmarrjeje dhe vlerësimi. Fituese e këtij konkursi është shpallur nxënësja e klasës së VII b, Neili Skora me poezinë, "Në mundsh". Veprimtaria është përgatitur nga mësueset e gjuhës shqipe të kësaj shkolle.

31/10/2023

https://m.facebook.com/story.php?story_fbid=737490391729136&id=100064045452204&sfnsn=wa&mibextid=RUbZ1f

Nga Anisa PëllumbiMësuese e anglishtes “Rahma School”, mesazh ndryshe për tetorin “rozë” Jo më kot, “Rahma School” në Elbasan, ka zhvilluar aktivitetin “te…

30/10/2023

https://youtu.be/S0Rj1CoLLbw?si=B3YyblJSzuYbnf6r

30/10/2023

Poeti, Aleksandër Çipa, në “Rahma School”

“Letërsia, si ushqim i përhershëm shpirtëror, edukues e formues për të rinjtë”, - ky ka qenë lejtmotivi i një bisede me dy klasat e maturës në shkollën Jo-Publike, “Rahma School”, zhvilluar në sallën e konferencave të kësaj shkolle. Z. Aleksandër Çipa, përpos detyrës, kryetar i Unionit të Gazetarëve Shqiptar, analist e opinionist, ka preferuar të flasë si poet me dy klasat e 12-ta të kësaj shkolle. Në takim, përveç të rinjëve, drejtuesëve të shkollës e mësuesëve, ka nderuar me pjesëmarrjen e tij edhe Presidenti i shkollës, z. Kastriot Duka. Pas prezantimit të shkrutër, që iu bë z.Çipa, rreth karrierës së tij 30 vjeçare në media të rëndësishme të vendit e më gjërë, biseda ka rrjedhur natyrshëm rreth temës së përcaktuar. Lektori, Çipa, ka folur për rolin e pazëvendësueshëm të gjinisë së letërsisë dhe zhvillimet e saj në epoka të ndryshme të shoqërisë shqiptare. Ai ka cekur edhe autoçensurën e brezit të tij dhe më tej, në lëvrimin dhe studimin e letërsisë, diktuar nga çensuara e rreptë e sistemit komunist. Madje, lektori ka nënvizuar edhe persekutimet e shumë autorëve shqiptar nga ky regjim, si dhe ndalimit të studimit të shumë autorëve të huaj. Ai do jepte mesazhin e studimit të thellë të letërsisë për brezin e ri, si një ushqim i përhershëm shpirtëror, edukues e formues, pasi një angazhim i tillë, do tu hapte atyre horizonte të reja për jetën. Të rinjtë maturantë kanë ndjekur me shumë vëmendje këtë bisedë, si dhe kanë bërë pyetje e diskutime rreth temës së përcaktuar. Pra, maturantët, janë trajtuar si objekt dhe subjekt i kësaj bisede të zgjeruar. Z. Çipa ka marrë respektin dhe vlerësimin e të gjithë të pranishmëve dhe nga fondi i krijimeve të tij në tre breza, (i Ati, vetë ai dhe i biri), ka dhuruar për bibliotekën e shkollës një set me vëllime poetike.

25/10/2023

Zyrtarë te Ambasadës turke në Tiranë, vizitë në “Rahma School”

Shkollla Jo-Publike “Rahma School” në qytetin e Elbasanit, ka patur mirësinë të presë si mysafir zyrtarë të lartë të Ambasadës turke në Tiranë. Dr. Adem Gerlegiz, Këshilltar për Çështjet Fetare dhe z. Metin Bulut, Këshilltar i Arsimit dhe Edukimit, pranë kësaj ambasade, janë gjendur paraditen e djeshme në mjediset e këaj shkolle. Vizita e tyre ka nisur fillimisht në selinë e drejtorisë së kësaj shkolle, ku janë pritur nga Presidenti, dr. Kastriot Duka dhe drejtues të shkollës. Zyrtarët e kësaj Ambasade kanë qenë të interesuar për strukturën arsimore dhe trajtimin e kategorive sociale të fëmijve e nxënësve që vijojnë në këtë shkollë përgjatë këtij viti mësimor. Presidenti i shkollës, dr. Duka, i ka njohur me politikën sociale, që ndiqet për këtë kategori, si dhe për dimensionet humane, që ndjek shkolla për trajtimin e tyre. Nga ana e drejtorisë së shkollës iu është bërë e ditur se struktura arsimor e këtushme është e njësuar me strutkurën shtetrore dhe se stafi pedagogjik ishte i përzgjedhur duke harmonizuar tre breza mësimdhënësish me përvoje. U është bërë një historik i shkurtër i punës së sukseshme 11 vjeçare të kësaj shkolle, si dhe është folur për kushtet akomoduese dhe komoditetin e transportit në qytet e rrethinat e tij. Më pas, miqtë turq, kanë bërë vizita nëpër disa klasa mësimore, ku kanë bashkëbiseduar me mësues e nxënës. Gjatë bisedimeve dëpalëshë janë bërë dhe propozime reciproke, që do të mund të konkretizohen në një kohë të përshtatshme, për të forcuar më tepër marrëdhëniet bashkëpunuese.

12/10/2023

Falenderim për repartin e urgjencës së Elbasanit
Ka mjaftuar vetem një telefonatë, që të përgjigjet në kohë rekord ekipi i Urgjencës së Elbasanit. Dhe vetëm tre minuta, për të mbërritur në vendin e kërkuar. Një vajzë e vitit të tretë në shkollën Jo-Publike ‘’Rahma School’’, është shfaqur me shqetësime serioze për shëndetin e saj. I është dhënë ndihma e parë në shkollë dhe më pas është shoqëruar me shpejtësi me ambulancën e qytetiit. Sipas informacioneve nga ky repart , vajza ka marrë ndihmën e specializuar nga mjekët dhe gjendet shëndoshë e mirë. Me këtë rast , drejtoria e shkollës dhe stafi pedaogjik , përcjellin falenderimit për Repartin e urgjencës dhe ekipin e sjellë në këtë shkollë, duke ju uruar suksese në punën e tyre të vështirë, por tepër humane. Nxënëses sonë i urojmë shëndet të plotë dhe mos paçim më raste të tilla në këtë shkollë.
Respekt dhe vlerësim për bluzat e bardha!

10/10/2023

Në Ditën Botërore të Mësuesit

Bashkëbisedime të ngrohta mes mësuesëve dhe nxënësve në shkollën jo-publike, ‘’Rahma Scool’’. Nxënësit kanë kujtuar me nostalgji mësuesin e klasës së parë, sikurse kanë folur me respekt e dashuri për mësuesit e tanishëm. Për ta, mësuesi konsiderohej edhe si një prind i dytë, që i mësonte dhe edukonte për tu bërë të shkolluar dhe me kulturë dhe në një të ardhme të ishin të përgatitur për sfidat e jetës. Mësuesit kanë kujtuar së fëmijët shqiptar kishin edhe një festë tjetër të mësuesit, atë të 7 Marsit.

"Rahma School faqa zyrtare"

02/10/2023

‘’Rahma School‘‘ vijon me mbledhjet e prindërve

Dy mbledhje prindërish dhe dy probleme…

Në tre profilet e mësimdhënies dhe edukimit, ’’Rahma School‘‘ vazhdon bashkëbisedimet prindër-mësues. Takimi i parë është zhvilluar me tre grupet e prindërve të kopështit. E njëjta gjë ka vijuar me arsimin nëntëvjçar dhe atë të mesëm. Në sallën e konferencave të kësaj shkolle, me pjesëmarrjen e të gjithë prindërve dhe mësuesëve, është zhvilluar edhe takimi i fundit, të premten e fundit të muajit shtator të këtij viti. Nëndrejtoresha e kësaj shkolle, Elida Çabej, ka informuar për masat e marra nga ana e drejtorisë së shkollës në bashkëpunim me mësuesit, rreth forcimit të disiplinës dhe procesit mësimor-edukativ. Ajo ka vënë theksin tek rritja e cilësisë së mësimdhënies dhe përdorimi i metodave bashkëkohore. Po ashtu theksi është vënë edhe tek prefeksionimi i mire i dy gjuhëve të huaja, që zhvillohen në këtë shkollë, anglisht dhe gjermanisht. Prindërit kanë vlerësuar punën e stafit pedagogjik dhe kanë sugjeruar që fëmijët e tyre të vlerësohen në bazë të meritës dhe jo të njohjeve apo arsyeve të tjera. Ata kanë kërkuar nga ana e shkollë që të konsolidohet transporti i fëmijve dhe nxënësve, duke rritur komoditetin në mjete dhe zbatimin e orarit të marrjes dhe përcjelljes së nxënësve. Nga drejtuesit e shkollës është shpjeguar se trasporti këtë vit i është besuar kompanive të liçensuara dhe se në shkollë është rritur kujdesi për fëmijët nga ana e oficerit të sigurisë dhe vetë stafit mësimor. Po ashtu këto vit mësimor, kjo shkollë ofron shërbimin mjeksor ambulant nga një infermiere e diplomuar dhe ai psikologjik. Mbledhja e radhës është lënë muajin e pare të vitit pasardhës.

29/09/2023