Shkolla e Mesme "Olsi Lasko" Zyrtare

20/09/2026

📚 TAKIM ME PRINDËR Data 24.09.2026; Ora 16.30

Të dashur prindër,

Ju njoftojmë se ditën e enjte, ora 16:30, në ambientet e Gjimnazit “Olsi Lasko”, do të zhvillohet takimi me prindër.

Takimi do të jetë një mundësi për të diskutuar së bashku mbi:
• ecurinë dhe angazhimin e nxënësve;
• objektivat dhe pritshmëritë për këtë vit shkollor;
• komunikimin dhe bashkëpunimin shkollë–familje;
• çështje të tjera që lidhen me mbarëvajtjen e procesit mësimor.

🤝 Bashkëpunimi i shkollës me familjen është një nga çelësat e suksesit të nxënësve.

Ju mirëpresim! 🌿
Gjimnazi “Olsi Lasko”

16/09/2026

Përshëndetje të nderuar prindër,

Ju informojmë se janë hapur regjistrimet për programin Pas Shkolle, në fushat Art dhe Zeje.

Pjesëmarrja në këtë program është plotësisht vullnetare dhe regjistrimi kryhet nga prindi/kujdestari që dëshiron ta përfshijë fëmijën në aktivitetet e programit.

📌 Për t’u regjistruar:

1. Hyni në platformën SMIP (smip.al).
2. Logohuni përmes e-Albania.
3. Përzgjidhni klubin e dëshiruar në fushën Art dhe Zeje.

📅 Regjistrimi duhet të kryhet brenda afatit të përcaktuar në platformë, deri më 25.09.2026.

Ju falënderojmë për mirëkuptimin dhe bashkëpunimin!

Drejtoria e Gjimnazit “Olsi Lasko” Zyra Vendore e Arsimit Parauniversitar Durrës Drejtoria Rajonale e Arsimit Parauniversitar Durres

14/09/2026

🎓📚 Mirë se erdhe, viti i ri shkollor 2026–2027!

Ceremonia e fillimit të vitit të ri shkollor në shkollën “Olsi Lasko” u hap me dëgjimin e Himnit Kombëtar, duke i dhënë kësaj dite një atmosferë solemne dhe festive. 🇦🇱

Më pas, vijoi fjalimi i drejtoreshës së shkollës, znj. Zamira Qama, dhe fjalimi përshëndetës i mësueses Valentina Muka, me urime dhe mesazhe motivuese për një vit të ri të suksesshëm.

Një moment i veçantë i ceremonisë ishte leximi i letrave të shkruara nga nxënësit, në të cilat ata kishin shprehur premtimet, qëllimet dhe arritjet që dëshirojnë të realizojnë gjatë këtij viti shkollor. 💌

Urojmë që çdo premtim i shkruar sot të kthehet në një arritje nesër!

Suksese të gjithë! Zyra Vendore e Arsimit Parauniversitar Durrës Drejtoria Rajonale e Arsimit Parauniversitar Durres

13/09/2026

📚 Bashkë nisim një tjetër vit drejt dijes, ëndrrave dhe suksesit!

12/09/2026

Të dashur prindër,

Me fillimin e vitit të ri shkollor, ju ftojmë të gjeni pak minuta për të biseduar me fëmijën tuaj për diçka që është po aq e rëndësishme sa mësimet: mënyrën se si sillemi me njëri-tjetrin.

Në moshën e gjimnazit, fjalët, komentet, batutat dhe veprimet kanë peshë. Ajo që për dikë mund të duket si “shaka”, për një tjetër mund të jetë një arsye për t’u ndier i/e turpëruar, i/e përjashtuar apo i/e lënduar.

Kujtojuni atyre se:

1. Të jesh ndryshe nuk është një arsye për t’u tallur. Pamja, mënyra e të veshurit, karakteri, prejardhja, aftësitë apo zgjedhjet personale nuk i japin askujt të drejtën të nënçmojë tjetrin.

2. Një koment i bërë në klasë, në korridor apo në rrjetet sociale mund të mbetet gjatë në mendjen e dikujt. Prandaj, para se të flasim, le të mendojmë: A do të doja ta dëgjoja këtë për veten time?

3. Askush nuk duhet të përjashtohet nga një grup, një bisedë apo një shoqëri vetëm sepse është i ndryshëm, më i rezervuar apo nuk përshtatet me shumicën.

4. Të tallësh dikë për pamjen, trupin, veshjet, notat, mënyrën e të folurit apo gabimet e tij nuk të bën më të fortë. Respekti të bën më të fortë.

11/09/2026

Të dashur nxënës,
Të nderuar prindër,

Një vit i ri shkollor nis dhe bashkë me të hapen mundësi të reja për të mësuar, për t’u zhvilluar dhe për të ecur përpara.

Gjimnazi “Olsi Lasko” mirëpret me shumë kënaqësi nxënësit e tij, duke nisur një tjetër vit të rrugëtimit tonë të përbashkët. Në korridoret dhe klasat tona rikthehet gjallëria, ndërsa për nxënësit e rinj hapet një derë drejt një eksperience të re, njohurive të reja dhe miqësive të bukura. ❤️

Të dashur nxënës,

Çdo vit shkollor është një mundësi për të vendosur synime të reja dhe për t’i afruar ato me punë e përkushtim. Mos kini frikë të provoni, të pyesni, të gaboni dhe të filloni përsëri. Çdo përpjekje është një hap drejt rritjes suaj.

Në “Olsi Lasko” duam që ju të merrni me vete jo vetëm dije, por edhe vlera: respektin, përgjegjësinë, bashkëpunimin, qytetarinë dhe besimin tek vetja.

Këtë vit shkollor kemi edhe një mundësi të re për nxënësit tanë: "Programin:Pas Shkolle", i cili do t’u japë hapësirë të zhvillojnë më tej talentet dhe interesat e tyre përmes aktiviteteve krijuese dhe praktike. Përmes muzikës, kërcimit dhe zejeve, synojmë që koha pas mësimit të kthehet në një hapësirë ku nxënësit të shprehen, të krijojnë, të bashkëpunojnë dhe të zbulojnë aftësi të reja.

Të nderuar prindër,

Ju falënderoj për besimin që na jepni dhe për mbështetjen tuaj të vazhdueshme. Bashkëpunimi mes familjes dhe shkollës është një nga themelet më të rëndësishme për suksesin dhe mirërritjen e të rinjve.

Edhe këtë vit, ne do të jemi pranë nxënësve tanë me përkushtim, përgjegjësi dhe besimin se secili prej tyre ka potencialin për të arritur më shumë.

Le ta nisim këtë vit me energji të re, mendje të hapur dhe dëshirën për të bërë më të mirën.

Uroj që muajt që na presin të sjellin sa më shumë arritje, momente të bukura, bashkëpunim dhe krenari për shkollën tonë.

Mirë se erdhët në “Olsi Lasko”!
Le të jetë ky një vit i mbushur me dije, mundësi, krijimtari dhe suksese për secilin prej jush.

Me urimet më të mira për një vit të mbarë shkollor,

Zamira Qama
Drejtore e Gjimnazit “Olsi Lasko” Zyra Vendore e Arsimit Parauniversitar Durrës Drejtoria Rajonale e Arsimit Parauniversitar Durres

10/09/2026

📚🎨 FILLUAN REGJISTRIMET PËR PROGRAMIN “PAS SHKOLLE”!

Shkolla nuk mbaron me tingëllimin e ziles! 🔔✨

Me programin “Pas Shkolle”, nxënësit e Gjimnazit “Olsi Lasko” kanë mundësinë të zhvillojnë talentet, aftësitë dhe pasionet e tyre në një mjedis krijues, social dhe bashkëpunues. 💙

🎨 Art dhe veprimtari krijuese
🎭 Teatër dhe aktivitete kulturore
🎵 Muzikë dhe veprimtari artistike
⚽ Aktivitete sportive dhe lojëra
🤝 Veprimtari praktike, sociale dhe bashkëpunuese
💡 Zhvillim i talenteve dhe interesave të nxënësve

🌟 Talente të ndryshme, mundësi të shumta!

📌 Regjistrimet kanë filluar!
Për informacion dhe regjistrim, drejtohuni pranë Gjimnazit “Olsi Lasko”.

💙 Së bashku për një shkollë më aktive, krijuese dhe gjithëpërfshirëse! Zyra Vendore e Arsimit Parauniversitar Durrës Drejtoria Rajonale e Arsimit Parauniversitar Durres

10/09/2026

03/09/2026

🤖📚 IA për më shumë mundësi në procesin e mësimdhënies dhe të nxënies!
📘 Në korrik 2026, ASCAP hartoi “Udhëzuesin për përdorimin etik të Inteligjencës Artificiale përmes SmartLab në të gjitha lëndët”, një burim praktik dhe orientues për mësuesit dhe nxënësit, që synon të mbështesë përdorimin etik, të sigurt dhe efektiv të Inteligjencës Artificiale në procesin mësimor.

💡 Udhëzuesi sjell shembuj, ide dhe mundësi konkrete për përdorimin e IA-së në të gjitha fushat e të nxënit dhe lëndët e kurrikulës shkollore, duke mbështetur planifikimin dhe zhvillimin e procesit mësimor, krijimtarinë, të nxënit e personalizuar, të nxënit në bashkëpunim dhe zhvillimin e mendimit kritik.

🌱 Një hap drejt një arsimi më inovativ, gjithëpërfshirës dhe të përshtatur me mundësitë e reja që sjell teknologjia.

🔐 Etikë • Siguri • Inovacion • Të nxënit e personalizuar • Të nxënit në bashkëpunim
📎 Udhëzuesi gjëndet bashkëlidhur në linkun më poshtë:https://www.ascap.edu.al/wp-content/uploads/2026/09/Udhezuesi-per-perdorimin-e-Inteligjence