Departamenti i Gjuhëve të Huaja FE UAMD

Një pjesë e stafit akademik të Departamentit të Gjuhëve të Huaja, Universiteti “Aleksandër Moisiu” Durrës, po zhvillon një mobilitet akademik në Universitetin Silesian në Opava, Republikën Çeke, në kuadër të programit Erasmus+, me fokus forcimin e bashkëpunimit ndërkombëtar dhe ndërkombëtarizimin e arsimit të lartë.

Në kuadër të programit Erasmus+, Departamenti i Gjuhëve të Huaja, FE, UAMD, mirëpriti në një vizitë akademike dhe mobilitet mësimdhënie përfaqësueset e Budapest Metropolitan University, Hungari, Ms. Ágnes Berzy dhe Prof. Krisztina Bódis. Gjatë aktiviteteve me studentët dhe stafin akademik u trajtuan tema bashkëkohore mbi mësimdhënien e gjuhës angleze dhe perspektivat ndërkulturore në arsimin e lartë, duke forcuar më tej bashkëpunimin ndërkombëtar në kuadër të Erasmus+.

Në Departamentin e Gjuhëve të Huaja, Fakulteti i Edukimit, UAMD, u zhvillua takimi i parë orientues me doktorantët dhe udhëheqësit shkencorë të Programit të ciklit të tretë të studimeve “Doktoratë me Diplomë të Dyfishtë në Didaktikë e Gjuhëve të Huaja”. Gjatë takimit u trajtuan aspektet kryesore akademike dhe organizative të programit, detyrimet dhe përgjegjësitë në procesin kërkimor-shkencor, si edhe etapat e para të punës akademike dhe kërkimore. Takimi shërbeu si një hap i rëndësishëm për orientimin profesional dhe akademik të doktorantëve, në funksion të zhvillimit të kërkimit shkencor dhe forcimit të bashkëpunimit ndërinstitucional në kuadër të programit të doktoratës me diplomë të dyfishtë.

Në Departamentin e Gjuhëve të Huaja, Fakulteti i Edukimit, UAMD, u zhvillua një vizitë studimore një javore nga PhD Ivan Haringa dhe doktorantja Andrea Kóňová, nga UKF Nitra, Sllovaki.

Gjatë vizitës u realizuan takime me stafin akademik dhe studentët, me fokus në kërkimin shkencor, bashkëpunimin ndërkombëtar, ndërkombëtarizimin dhe programet me diplomë të dyfishtë.

We are pleased to announce the 8th International Conference at the Faculty of Education. A platform for innovation, collaboration, and shaping the future of education in a digital society.

📅 April 29–30
📍 Hybrid format (on-site & online)

Në kuadër të programit Erasmus+ International Credit Mobility, të nënshkruar ndërmjet Universidad de La Laguna (ULL), Spanjë (partner në aleancën STARS EU) dhe Universitetit “Aleksandër Moisiu” Durrës, hapet thirrja për aplikim për studentë që dëshirojnë të marrin pjesë në Blended Intensive Programme (BIP): “Justice in a Transformative Key”.
NUMRI I KUOTAVE
·         5 studentë
FUSHA / PROGRAMI I STUDIMIT
Thirrja është e hapur për studentë të nivelit Bachelor, Master dhe PhD për fakultetet si më poshte:
·         Fakulteti i Shkencave Politike-Juridike
·         Fakulteti i Edukimit.

AFATI I APLIKIMIT:08 Shkurt 2026

Në varësi të numrit dhe cilësisë së aplikimeve, fituesit do të shpallen në bashkëpunim me Universitetin pritës.

Për më shumë informacion rreth aplikimit vizitoni linkun:

https://uamd.edu.al/hapet-aplikimi-per-bursa-shkembimi-erasmus-international-credit-mobility-ne-universitetin-la-laguna-ull-tenerife-spanje/

NJOFTIM ZYRTAR

Në vijim të situatës së krijuar pas përmbytjeve të datës 6 janar, ju bëjmë me dije se procesi mësimor në Universitetin “Aleksandër Moisiu” Durrës ishte i anuluar përkohësisht, me qëllim garantimin e sigurisë së studentëve dhe stafit akademik, si dhe menaxhimin e kushteve infrastrukturore.

Pas normalizimit të situatës dhe marrjes së të gjitha masave të nevojshme, ju njoftojmë se mësimi do të rifillojë ditën e hënë, më datë 12 janar, sipas orareve zyrtare të miratuara për çdo program studimi.

🌧️ Në këtë fundjavë me mot me shi, le ta shohim si një mundësi për të reflektuar, për t’u përgatitur dhe për të nisur javën e re me energji, durim dhe motivim të shtuar — sepse sfidat kapërcehen më lehtë kur i përballojmë së bashku.

Ju falënderojmë për mirëkuptimin dhe bashkëpunimin.
Ju urojmë fundjavë të qetë në vazhdim!

📣 Njoftim për të gjithë studentët dhe stafin!!!