Myftinia Durres Faqja Zyrtare

Vendimi nr. 165, datë 19.03.2026, i Këshillit të Ministrave, i firmosur nga Kryeministri Edi Rama, ka autorizuar Ministrin e Infrastrukturës dhe Energjisë, z. Enea Karakaçi, për nënshkrimin e marrëveshjes së bashkëpunimit për rindërtimin e Xhamisë së Shijakut. Kjo marrëveshje konkretizohet në përjashtimin nga Tatimi mbi Vlerën e Shtuar (TVSH) të të gjithë procesit të rindërtimit të xhamisë, i cili do të realizohet nga kompania Fjora sh.p.k - Artan Fjora

Shprehim mirënjohjen dhe konsideratën tonë për të gjithë administratën shtetërore, duke filluar nga anëtarët e Këshillit të Ministrave, Kryeministri Edi Rama, z. Enea Karakaçi dhe stafi i tij, kryetarin e Bashkisë së Shijakut, Elton Arbana, si dhe çdo kontribuues që, shpesh në heshtje, vazhdon të mbështesë këtë projekt me rëndësi për komunitetin.

Qëndrim publik mbi udhëzimin për terapinë hormonale te të miturit

Komuniteti Mysliman i Shqipërisë po ndjek me shqetësim të thellë debatin publik të krijuar pas publikimit të udhëzimit të Ministrisë së Shëndetësisë në tërësi, dhe në veçanti pjesën, ku ndër të tjera thuhet: “Terapia mund të nisë nga mosha 16 vjeç, ndërsa në raste të veçanta, mund të konsiderohet edhe nga mosha 14 vjeç.”

Ashtu sikurse kemi qëndruar publikisht kundër ligjit të ashtuquajtur për barazinë gjinore, i mbetemi koherent qëndrimit kundër edhe derivateve të tjera të tij, siç është rasti konkret.

Udhëzime të tilla përbëjnë një çështje jashtëzakonisht delikate, që prek drejtpërdrejt zhvillimin fizik, emocional dhe psikologjik sidomos të fëmijëve dhe adoleshentëve tanë. Për këtë arsye, çdo hap institucional në këtë drejtim duhet të trajtohet me kujdes maksimal, përgjegjësi të lartë dhe ndjeshmëri ndaj vlerave të shoqërisë shqiptare.

Komuniteti Mysliman i Shqipërisë shpreh kundërshtimin e tij ndaj çdo qasjeje që hap rrugë për ndërhyrje hormonale në mosha të tilla.

Ne besojmë se të miturit nuk duhet të vendosen përballë proceseve me pasoja të thella dhe afatgjata për jetën e tyre, në një periudhë kur personaliteti dhe identiteti i tyre janë ende në formim.

Fëmijët kanë nevojë për mbrojtje, orientim, mbështetje familjare dhe kujdes profesional të përgjegjshëm.

Shoqëria jonë nuk duhet të normalizojë praktika që krijojnë paqartësi dhe tension social në raport me natyrën njerëzore, familjen dhe edukimin e brezave të rinj.

KMSH i bën thirrje institucioneve shtetërore, profesionistëve të shëndetit, prindërve dhe gjithë aktorëve shoqërorë që çështje të tilla të mos trajtohen me nxitim apo nën ndikimin e trendeve ideologjike të përkohëshme, por me maturi, dialog të gjerë dhe përgjegjësi kombëtare.

Ne qëndrojmë pranë shqetësimit të shumë prindërve dhe besimtarëve, të cilët kërkojnë ruajtjen e vlerave familjare, mbrojtjen e fëmijëve dhe respektimin e ndjeshmërisë morale e kulturore të shoqërisë sonë.

Dita e Arafatit është kulmi shpirtëror i Haxhit dhe një nga ditët më të mëdha e më të bekuara në Islam. Është dita e faljes, pendimit dhe afrimit me Allahun, ku zemrat mbushen me shpresë, lutje dhe mëshirë hyjnore. Në këtë ditë, besimtarët kudo në botë luten për paqe, mirësi dhe falje për veten, familjet dhe mbarë njerëzimin.

Sot, miliona haxhinj ndodhen në Arafat duke kryer ritualin më madhështor të Haxhit. Lutjet tona shkojnë veçanërisht për haxhinjtë shqiptarë nga Shqipëria dhe të gjitha trojet tona, që Allahu t’ua pranojë Haxhin, sakrificat dhe çdo lutje të sinqertë. Qoftë ky udhëtim i bekuar burim drite, paqeje dhe begatie për jetën e tyre.

Dita e Arafatit na kujton rëndësinë e solidaritetit, dashurisë dhe kujdesit për njëri-tjetrin. Në një botë që ka nevojë për më shumë paqe e mirëkuptim, le të jemi më pranë familjes, më të ndjeshëm ndaj nevojtarëve dhe më të bashkuar si shoqëri.

O Allah, na fal gabimet tona, prano lutjet dhe agjërimin tonë, ruaji haxhinjtë tanë dhe dhuro paqe, shëndet e mirësi për të gjithë besimtarët. Amin!

Ergys Mërtiri:
Hutia prej përditshmërisë dhe rendja pas materiales e ka shkretuar dhe betonizuar njeriun. Shoqëria jonë ka humbur shpirtëroren nëpërmjet një procesi shkatërrues defetarizimi, por edhe demistifikimi.
Për rrjedhojë, ne kemi nevojë ti kthehemi vetes, të cilën e kemi humbur në betejën e përditshme për të fituar materialen.
Por edhe kjo nuk mjafton.
Ajo që duhet të na preokupojë nuk është vetëm shpëtimi psikik i vetes sonë, por edhe ai intelektual, nëpërmjet reflektmit dhe mahnitjes me botën, si dhe shpëtimi shpirtëror, nëpërmjet mbushjes me besim e dashuri.

Myftinia Durrës njofton të gjithë besimtarët myslimanë se pagesa për fitrat për vitin 2026 është 400/ LEKE për person.
Pagesa për fidjen për pamundësinë e agjërimit është 400/ LEKE në ditë.
Pagesa për ZEKATIN është 2.5 % mbi tepricën e kursimeve të një viti. Shuma minimale e kursimeve është 840.000 LEKE mbi te cilen llogaritet zekati.
Myftinia e Durrësit mirëpret të gjitha sadekatë dhe zekatet për vitin 2026 nga besimtarët myslimanët.
Ju bëjmë me dije se kontributet tuaja do të përdoren vetëm në projektin “SHPORTA E RAMAZANIT DHE E FITER BAJRAMIT ”, të ndërmarrë nga myftinia me rastin e muajit të ramazanit dhe festës festës se Fitër Bajramit, në kuadër të së cilit gjatë ketij muaji te madhërishëm te Ramazanit do te behet dhe shpërndarja me pako ushqimore deri ne diten e pare te Fiter Bajramit.
Eshte bere e mundur shpërndarja e pakove ushqimore per te gjitha xhamite e rrethit të Durresit me qëllim shtresave në nevojë.
Misioni vazhdon!

Myftinia Durrës njofton të gjithë besimtarët myslimanë se pagesa për fitrat për vitin 2026 është 400/ LEKE për person.
Pagesa për fidjen për pamundësinë e agjërimit është 400/ LEKE në ditë.
Pagesa për ZEKATIN është 2.5 % mbi tepricën e kursimeve të një viti. Shuma minimale e kursimeve është 840.000 LEKE mbi te cilen llogaritet zekati.
Myftinia e Durrësit mirëpret të gjitha sadekatë dhe zekatet për vitin 2026 nga besimtarët myslimanët.
Ju bëjmë me dije se kontributet tuaja do të përdoren vetëm në projektin “SHPORTA E RAMAZANIT DHE E FITER BAJRAMIT ”, të ndërmarrë nga myftinia me rastin e muajit të ramazanit dhe festës festës se Fitër Bajramit, në kuadër të së cilit gjatë ketij muaji te madhërishëm te Ramazanit do te behet dhe shpërndarja me pako ushqimore deri ne diten e pare te Fiter Bajramit.
Sot eshte bere e mundur shpërndarja e pakove ushqimore per te gjitha xhamite e rrethit të Durresit me qëllim shtresave në nevojë.
Ju faleminderit!