Myftinia Durres Faqja Zyrtare

Myftinia Durres Faqja Zyrtare Contact information, map and directions, contact form, opening hours, services, ratings, photos, videos and announcements from Myftinia Durres Faqja Zyrtare, Education, Durrës.

19/09/2026

-Pa zë

Ka ditë që nuk të bëjnë të qash, por të fikin nga brenda; dukesh i pranishëm, por në të vërtetë je i munguar, sikur shpirti yt ecën i rënduar, duke kërkuar diçka që as vetë nuk e di se çfarë është.

Nuk ke asnjë fjalë që mund ta shpjegosh, e as ndonjë histori që ia vlen të tregohet. Sikur bart një dhimbje pa emër, me të cilën ecën, me të cilën bie të flesh dhe me të cilën zgjohesh si gjënë e parë që ndien. Të rraskapit kjo heshtje e brendshme, kjo mospërputhje ku nuk e di se çfarë ke, por e di mirë se nuk je mirë.

Këtu, emri i Allahut “Es-Semii’“ (Dëgjuesi) bëhet shpëtimtari yt!
Ai dëgjon atë që nuk e the, atë që nuk dite ta shpjegosh, atë që të zuri frymën e për të cilën heshte. Ai dëgjon ndjenjën, dëgjon rrahjen e zemrës dhe dëgjon fjalët e shpirtit që vetëfajësohet.

Sa herë që të kaplojë heshtja, kujto: zemra jote ka një zë — e Allahu nuk shpërfill asgjë — zëri yt i thyer, që ti e mendove të pafuqishëm, te Allahu është i dëgjuar, i ruajtur dhe i përgjigjur, pikërisht atëherë kur mendon se është zbehur.

Të Allahut jemi dhe te Ai do kthehemiSot nisi udhëtimin për te Allahu h. Ing. Medi Cani. H. Ing. Mediu lindi në vitin 19...
17/09/2026

Të Allahut jemi dhe te Ai do kthehemi

Sot nisi udhëtimin për te Allahu h. Ing. Medi Cani. H. Ing. Mediu lindi në vitin 1939, kreu studimet fetare në Medresenë e Naltë të Tiranës si dhe më pas studimet e larta në degën e inxhinierisë. H. ing. Mediu ka shërbyer si hoxhë në fshatin Borovë, si dhe mësues në Medresenë e qytetit të Durrësit. Kontributi i tij nuk kufizohet vetëm në profilin fetar, ai ka qenë i anagazhuar pranë Komunitetit Mysliman Shqiptar për inspektimin e shumë xhamive në territorin e Republikës së Shqipërisë.
Myftinia e qytetit të Durrësit i shpreh ngushëllimet më të siqerta familjes Cani, duke e lutur Allahu që hoxhës, profesorit dhe inxhinierit Medi Cani t’ia pranojë kontributin e tij dhe ta strehoje pranë mëshirës së Tij në xhenet.

Ditën e hënë, më dt. 07 Shtator, u zhvillua mbledhja e radhës e Këshillit të Myftinisë së Durrësit për t’u bërë prezanti...
16/09/2026

Ditën e hënë, më dt. 07 Shtator, u zhvillua mbledhja e radhës e Këshillit të Myftinisë së Durrësit për t’u bërë prezantimi i myftiut të ri, h Eduard Shefki si dhe më pas për të diskutuar mbi ecurinë e punës dhe objektivat e ardhshme.

Myftiu i Durrësit, h. Eduard Shefki, e hapi takimin duke shprehur falënderimet e tij të përzemërta për përkushtimin dhe kontributin e secilit anëtar. Gjatë fjalës së tij, ai nënvizoi rëndësinë që kanë këto takime periodike për koordinimin e punëve dhe ruajtjen e një fryme bashkëpunimi të ngushtë.

Pikat kryesore të diskutimit kishin të bënin me strategjitë e reja dhe për hartimin e planeve konkrete që do të nxisin përmirësimin e jetës fetare në ambjetet e xhamive të rrethit.

Po ashtu në mbledhje u diskutua për rëndësinë e mësimeve me fëmijët dhe të rinjtë si dhe anagzhimin për zgjerimin e kurseve fetare e edukative për mosha të ndryshme, si një shtyllë kryesore për edukimin e brezave të rinj me vlera morale dhe fetare.

Ndër të tjera u analizua gjendja e xhamive në rrethin e Durrësit, duke kërkuar angazhim maksimal për ruajtjen e një atmosfere të ngrohtë, të harmonishme dhe organizative për çdo besimtar.

Mbledhja u përmbyll nga myftiu i cili, pasi falenderoi anëtarët, i porositi anëtarët që anagzhimi në shërbim të komunitetit të besimtarëve të kryhet me përkushtim të plotë në mënyrë që të fitohet kënaqësia e Allahut të madhëruar.

16/09/2026

Borxhet e jetës dhe krediti i pashlyeshëm i nënës

Të gjitha borxhet midis njerëzve mund të shlyhen, përveç njërit, borxhit ndaj nënës. Çdo gjë që i kthejmë asaj nuk mund të krahasohet kurrë me atë që ajo na fal, sepse nëna jep nga shpirti, nga vitet e jetës dhe nga zemra e saj — në një mënyrë që askush tjetër nuk mund ta imitojë.

Njeriu mund të mendojë se po e shlyen këtë detyrim kur rritet dhe kujdeset për të, por ai mbetet përherë debitor ndaj asaj zemre që dha përpara se t'i kërkohej dhe që u sakrifikua përpara se i biri të kuptonte vetë kuptimin e sakrificës.

O Zot, na i fal mëkatet tona dhe ato të prindërve tanë; mëshiroji ata ashtu siç na rritën kur ishim të vegjël dhe shpërbleji me të gjitha të mirat për gjithçka që bënë për ne.

Dr. Abdul Kerīm Bekkār

📢 NJOFTIM | REGJISTRIMET PËR HAXHIN 2027Komuniteti Mysliman i Shqipërisë njofton të gjithë besimtarët se kanë filluar re...
15/09/2026

📢 NJOFTIM | REGJISTRIMET PËR HAXHIN 2027

Komuniteti Mysliman i Shqipërisë njofton të gjithë besimtarët se kanë filluar regjistrimet për Haxhin 2027.

Afati i fundit i regjistrimeve: 7 Dhjetor 2026.

Për të gjithë ata që dëshirojnë ta kryejnë këtë adhurim madhor të fesë islame dhe të jenë pjesë e udhëtimit drejt vendeve të shenjta, Zyra e Haxhit dhe Umres pranë Komunitetit Mysliman të Shqipërisë është e hapur për regjistrime dhe për ofrimin e informacionit të nevojshëm.

📋 Dokumentet e nevojshme për regjistrim
· Pasaportë, e vlefshme për jo më pak se një vit.
· Fotografi personale.
· Vërtetim i vaksinës kundër meningjitit, me afat nga 10 ditë deri në 3 vjet.
· Për shtetasit e huaj: leje qëndrimi, e vlefshme për jo më pak se 12 muaj.

💶 Çmimi i Haxhit për këtë vit është 6700 €.

📍 Regjistrimet kryhen çdo ditë pranë Zyrës së Haxhit dhe Umres në Komunitetin Mysliman të Shqipërisë, nga e hëna në të premte.
🕘 Ora 09:00 – 16:00

Për çdo informacion të mëtejshëm lidhur me regjistrimin, dokumentacionin dhe procedurat e Haxhit, ju mirëpresim!

📞 Për më shumë informacion:
Tel: +355 69 680 1100
Email: [email protected]
Web: haxh.kmsh.al

🤲 Allahu (xh.sh.) jua mundësoftë!

15/09/2026

-Kur rruga ngushtohet

“Dhe ai mendoi se Ne nuk do ta dënonim, prandaj thirri në mes të errësirës” (Kur'an)

Në kohët e errësirës së thellë, kur nuk sheh asnjë derë të hapur e asnjë dritë në fund të rrugës, kur ndien se po sprovohesh në heshtje, kur sheh pa zë, kur zemra ty të lodhet nga thirrjet e nuk arrin t'i kuptosh as ndjenjat e tua...

Kujto thirrjen e Junusit a.s. kur ishte në barkun e balenës. Ai nuk tha: "Më shpëto", e as nuk pyeti: "Pse?". Përkundrazi, ai ia dorëzoi zemrën Zotit dhe tha:
“Nuk ka zot tjetër përveç Teje, i Lartësuar qofsh Ti! Me të vërtetë, unë i bëra padrejtësi vetvetes.”

Një lutje që depërtoi përmes errësirës së detit, errësirës së natës dhe errësirës së barkut të balenës... A mendon se lutja jote nuk mbërrin? Apo se pikëllimi yt është më i thellë se dëgjimi i Zotit?
Zoti, i cili dëgjoi zërin e njërobi nga thellësitë e oqeanit, nuk do të harrojë ty në thellësitë e pikëllimit tënd.

Thirre Atë... jo me shumëllojshmëri fjalësh, por me sinqeritetin e një zemre të thyer. E nëse nuk gjen fjalë për lutje, thjesht thuaj: “Subhanallah” (I Lartësuar qofsh o Zot), sepse te lartësimi i Tij gjenden çelësat e shpëtimit.”

Sot në ambientet dhe godinën e re nisëm dhe filluam një rrugëtim te bukur drejt dijes, fese, shkencës, të gjitha bashk...
14/09/2026

Sot në ambientet dhe godinën e re nisëm dhe filluam një rrugëtim te bukur drejt dijes, fese, shkencës, të gjitha bashke; në Medresenë e Durresit "Mustafa Varoshi".

Me këtë rast, Myftiu I Durresit h. Eduard Shefkiu, ishte i pranishëm në ceremoninë e fillimit te vitit të ri shkollor në Medresenë "Medreseja Mustafa Varoshi Durres së bashku me stafin arsimor, drejtorin e Fondacionit "Miresia" z. Korab Kaja, nxënësit dhe familjarët e tyre.

Myftiu Eduard Shefkiu nëpermjet një urim të veçantë për nxënësit, familjaret, stafin arsimor shprehu vlerën e larte qe arsimi dhe dijet fetare permbajne ne vetvete duke
nxitur gjithashtu që dijen ta shoqërojnë gjithmonë me përkushtim, edukatë dhe përgjegjësi, ndërsa mësuesve u shprehu mirënjohjen për misionin e tyre në edukimin dhe formimin e brezit të ri.

Komuniteti Mysliman i Shqipërisë, Myftinia e Durrësit ju uron suksese të gjithë nxënësve në vitin e ri shkollor 2026–2027!

Allahu ju dhëntë suksese të mëtejshme!

13/09/2026

Asgjë nuk ta qetëson shpirtin kur sheh shpresat e tua të tronditen njëra pas tjetrës, përveç vetëdijes se (pavarësisht sa mundesh) kurrë nuk do të dish të zgjedhësh fatin tënd e të organizosh punët e tua më mirë se Ai që t'i ka caktuar. Ai është më i Mëshirshëm me ty se vetë ti, më i Ditur për gjendjen e për përfundimin tënd, dhe më i Bujar me ty se ç'mund të jesh ti me veten. Prandaj, qetësoje shpirtin dhe rirehatohu duke ditur se çdo gjë është në Dorën e Tij, jo të tuajën; pranoje caktimin dhe udhëheqjen e Tij me dashuri, besim dhe dorëzim.

Dhe kujto: çdo gjë që mendonim se nuk do ta kalonim kurrë, e kaluam dhe e harruam; çdo gjë që na e rëndoi shpirtin nga brenga para se të vinte, e kapërcyem e pastaj mbeti sikur të mos kishte ekzistuar kurrë. Sikur asgjë të mos ishte e palëkundur në jetën tonë përveç vetë kapërcimit.

Jeta ka gëzim, ka pikëllim, ka ndjesi gri, ka të keqen por ka edhe të mirën. Si njeri, duhet të besosh në të gjitha këto e të kuptosh se nëse kjo fazë është trishtim, ajo që pason është gëzim; e nëse gjërat ngushtohen, prapa tyre vjen gjerësia, sa do që të rëndohen rrethanat. Zoti do të të shpërblejë me një gëzim që do të vërshojë mbi ty. Mos e lër mërzinë të të marrë peng më gjatë; shkunde atë dhe prite mëngjesin me fytyrë të qeshur e shpirt të hapur.

12/09/2026

“Ne e dimë mirë se ajo që thonë ata të pikëllon” (surja Enam, 33)

Zoti i tha Profetit të Tij: “Ne e dimë që ti je i pikëlluar.”
Nuk kërkoi prej tij ta fshehë këtë dhimbje, e as ta kalojë me nxitim. Thjesht... ia pranoi mërzinë dhe i la derën e hapur mëshirës.

Ndonjëherë, nuk je mirë...
Dhe as vetë nuk e di pse ndien një peshë të pashpjegueshme, apo një heshtje të brendshme që nuk thyehet dot. Ecën e kryen detyrat e tua, por nga brenda nuk ke as energjinë për t'i vendosur një emër asaj që po kalon.

Kjo nuk do të thotë se je i dobët.
Nuk do të thotë se ke më pak besim apo se e ke humbur veten.
Do të thotë thjesht... se je njeri.
Bëhu i butë me veten.
Nuk kërkohet prej teje të ngrihesh menjëherë në këmbë, por thjesht të mos e braktisësh veten ndërsa përpiqesh të shpëtosh.

Xhumaja e sotme në xhaminë e fshatit Shkallnur-Durres.Myftiu i Durresit h. Eduard Shefkiu zhvilloi një vizitë në xhamin...
11/09/2026

Xhumaja e sotme në xhaminë e fshatit Shkallnur-Durres.

Myftiu i Durresit h. Eduard Shefkiu zhvilloi një vizitë në xhaminë e fshatit Shkallnur ku u prit nga besimtarët e pranishëm, e duke udhehequr gjithashtu faljen e hytben e xhumasë ne kete xhami.

Ne hytben e xhumasë, myftiu nepermjet shpjegimit te haditheve të profetit Muhamed a.s shprehu rëndësinë e zbatimit te porosive profetike te cilat kanë si qëllim ndertimin dhe formimin e personalitetit te besimtarit musliman me qëllim që muslimanet te prezantojnë para shoqerise tone vlerat e larta te islamit.

Lusim Allahun e Madhëruar te na pranojë adhurimet dhe veprat tona, të na begatojë me mirësi dhe të na japë sukses në rrugën e Tij.

Address

Durrës

Website

Alerts

Be the first to know and let us send you an email when Myftinia Durres Faqja Zyrtare posts news and promotions. Your email address will not be used for any other purpose, and you can unsubscribe at any time.

Shortcuts

Share

Category